Mateo 16:11 - Nuevo Testamento Toba Sur

¹¹ Qataq ÿoqta da sa ishit peta'a da qauaÿajñiiguet da aÿim sa ishit da shiitega aca yi'oqchigui pan can shiitegalo qami' da maxatchaxa qome da qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

Nuevo Testamento Toba Sombrero Negro

¹¹ ¿Toqoch'e ja auetadeñiyac queda'me ja naqaega ga'me pan ta'le ami ja'aĝatapema? Achiya'aguet ga'me lalequetenaĝanaĝat joga'me fariseopi nataq'aen joga'me saduceopi.

La'aqtaqa Ñim Lo'onatac 'Enauacna 2013

¹¹ ¿Saishet peta'a da Aỹem qauaỹaañiguet da Aỹem, saishet da sheetega aca yo'oqchigui nauole? ¡Maxatchaxa qome qarvichiỹa'a ana ỹasheeraxachigui ana nauole maye huetaigui na fariseopi qataq na saduceopi!

Mateo 16:11 Referans Kwoze

Mateo 16:6

Nachi so Jesús 'enapegalo soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

Juan 8:43

Qaq ¿tá'ainco' qami' yi sa ishit da qauaÿajñi da qami' sa'axattapeguema? Cha'ayi souaxat peta'a da sa ishit da qan'axaÿaxañiÿa dam i'aqtaxanaxac.

Lucas 12:56

Qaq ¡qami' mayi qoñiÿapec da qami' 'eesoda! Qami' qauaÿajñi da qau'axachi na l'anaxatpi na piguem qataq ana 'alhua, qalaq ¿tá'ainco' yi sa ishit da qau'axachi da lataxac naua souaqtaiguilo na'axa'te nagui?

Marcos 8:21

Nachi 'enapegalo soomayi, 'eeta': –¿Qalaq ñaq 'eetalco' da saxanaqca ca qauaÿajñi?

Marcos 4:40

Nachi 'enapegalo' soua lapaxaguenataqa, 'eeta': –¿Tá'ainco' yi qayi'ii? ¿Saqco' peta'a ca qadpi'iÿaxaquii?

Mateo 3:7

Qalaxayi so Juan co'ollaq ila'a da ÿataqta qalota na chigaqaigui na fariseopi qataq na chigaqaigui na saduceopi da anac da huotaique da qanachilaxan, nachi somayi 'enapega, 'eeta': –¡Qami' n'adaxanaq llalaqpi! ¿Négue't ca qami' icoyigue'n, da yaqto' qananeltaxañiiguet cam qaica ca 'en'am da lchiquiaxac nhuaxanaguecna mayi sa qaÿapeque?

Mateo 16:1

Na fariseopi qataq na saduceopi nqo'ona so Jesús da ÿauotaique da ÿauo'o ca ÿachigoxotchigui lasouaxashit naq'en somayi. Nachi qaiÿaxanot somayi, da yaqto' i'ot ca n'anec sa qaÿauanapega da chigoqo'ot naq'en na piguem.

Mateo 16:12

Huaña, nachi soomayi ÿaÿate'n da so Jesús sa ishit da 'eetega da qaivita'a ana yi'oqchigui ÿashiidaxachigui ana pan, chaqdata da qaivita'alo naua lapaxaguenataxanaxaco nam fariseopi qataq nam saduceopi.

Marcos 8:15

Nachi so Jesús huaqattapeguelguete soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq ñi Herodes.

Lucas 12:1

Qaq ñaq queta da lapootega't so saq llalcolec shiÿaxauapi. Qaq mashi ivida da huo'o na qaÿi'iguingui. Nachi so Jesús i'auaxaañi da 'enapega so lapaxaguenatacpi, 'eeta': –Maxatchoxo' qome, qadvichiÿa'a anam ÿashiidaxachigui ana pan mayi huetaigui na fariseopi, qaq damaxa 'eeta': nachida da maichi lataxac namayipi da 'eetega 'eesa.