Mateo 15:32 - Nuevo Testamento Toba Sur

³² Nachi so Jesús iÿaxanoiguilo soua lapaxaguenataqa. Nachi 'enapegalo, 'eeta': –Ÿataqta huo'o da ichoxonnataxanaxa ne'ena shiÿaxauapi, cha'ayi mashi ivi' naua tres na'axa'te da aÿim hueta'aguet, qataq namayipi yi qaica ca aloq. Qaq aÿim sa saÿamaxaden da huo'otaq samaq namayipi da huo'otaq saxanaxa da deque'e, cha'ayi sa iuena'a da huo'o ca decopchi na nqa'aic.

Nuevo Testamento Toba Sombrero Negro

³² Jesús yiyaĝanalo jogaa'me lapaĝaguenataqa, qama'le enaac: —Jalcote janomeguet da'me yichoĝodenataĝanaĝac jena'me jenjo' jiyaĝadipi, qa'a joote yenoĝodegue jogaa'me tres noloqo'ote da'me jayem ueteda'ajop, qama'le nayi qaya'te yali'j. Ja jetaque jen quedeuo da'me qaya'te yali'j, qa'a uotaĝa uo'oe gaa'me copete'y qomle ga'me ladi'j.

La'aqtaqa Ñim Lo'onatac 'Enauacna 2013

³² Nache So Jesús iỹaxanalo soua lapaxaguenataqa. Nache 'enapegalo, 'eeta': –Ỹataqta huo'o da ichoxonnataxanaxa ne'ena shiỹaxauapi, cha'aye mashe ivi' naua tres na'axa'te da Aỹem hueta'aguet, qataq namayepi ye qaica ca aloq. Qaq Aỹem sa saỹamaxaren da huo'otaq samaq namayepi da huo'otaq saxanaxa da deque'e, cha'aye saiuena'a da huo'o ca decopche da huangui na nqa'aic.

Mateo 15:32 Referans Kwoze

Mateo 9:36

Qaq co'ollaq ila'a na shiÿaxauapi, nachi ÿataqta huo'o da lchoxonnataxanaxa. Cha'ayi namayipi ÿataqta daquico qataq qaica ca l'añaxac, 'eeta'am ana qagueta mayi qaica ca ilo'ogue.

Hechos 27:33

Qaq so mashi qaÿata'aguet so na'a'q, nachi so Pablo huaqattegoigui 'enauac so laÿipi da yaqto' deque'e, 'eeta': –Nagui mashi ivi' naua dos semanas da qami' sa ishit da qau'ochi qataq da qauqui'i.

Hebreos 4:15

Cha'ayi som qadtaxaÿaxanaxanec, somayi ÿataqta huo'o da lchoxonnataxanaxa da shinaqta souaxat da qaica ca qad'añaxac. Cha'ayi somayi co'ollaxa ÿataqta nque'etaxangui 'enauac na ÿotta'a't ñi'iguenataguec, 'eeta'am da shinaqta. Qalaxayi somayi sa ishit da huo'o ca lasouaxashit.

Lucas 7:13

Nachi so Jesús co'ollaq ila'a asomayi, nachi ÿataqta huo'o da lchoxonnataxanaxa, nachi 'enapega, 'eeta': –Sa ishit qome da 'anÿiitac.

Marcos 9:22

Qaq qalota naxa da ñi'iñi l'ec leguemaxaic tangui naq'en na nodec qataq na 'etaxat da nshitaique da ÿalauat. Qaq ÿoqo'oyi da 'aushit, qaq no'on da qomi' 'auchoxode'n da qomi' 'autaua'n.

Mateo 27:63

Nachi qoÿiitega, qoÿiita': –'Am qadataxala', qomi' tachigui qadhuel se'eso shipecaic da l'aqtac co'olla ña nca'altauec, qalaq 'eetega da mashi inoxoodeec caua tres na'axa'te nachi qaltaq nca'aleeguesop da nleuaxa.

Mateo 20:34

Nachi so Jesús ÿataqta huo'o da lchoxonnataxanaxa soomayi, nachi ipoteu'alo naua l'ai'te. Nachi soomayi nauaayiñi, nachi ca'atregue somayi.

Mateo 12:40

Cha'ayi de'eda 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nÿaq, qaq nachida qome da 'eetec nataq'en na shiÿaxaua llalec da ivi' caua tres na'axa'te qataq tres pe' da huetaigui ana 'alhua.

Mateo 14:13

Qaq co'ollaq ÿaÿaten de'eda so Jesús, nachi ca'ai ca hueta'a, ndoteec, nachi huenojñigui aso barco da taitague da le'ego, taÿa ca qaÿoqteuga 'alhua. Qalaxayi so shiÿaxauapi co'ollaq huo'o da l'axaÿaxac, nachi chigoqteu'alo na pueblopi da qaica'ategue somayi, qanayictelec so lqaxaÿaxa.

Mateo 15:33

Nachi soua lapaxaguenataqa 'ena'po': –Qaq ¿huá'ago' ca shinaqtec da sanataxa cam aloq nam ÿataqta qalota shiÿaxauapi, yi nam souaqta'a yi qaica ca netalec?