Mateo 15:31 - Nuevo Testamento Toba Sur

³¹ Ÿoqo'oyi so shiÿaxauapi ÿataqta huo'o da l'aalaxa, souaxat da ÿauaachigui na qaicaua naua l'aqtaqa, qalaq detaqa, qataq na qaica na lhuaq lÿa, qalaq huo'o na lhuaq, qataq na qaica ca lchi lÿa, qalaq huo'o na lchi, qataq na sa nauaañi, qalaq ishit da nauaañi. Huaña, nachi qaÿi'oxodeetac ñi lta'a Dios nam llalaqpi so Israel.

Nuevo Testamento Toba Sombrero Negro

³¹ Ga'me jiyaĝadipi yataqachiñe yoqochetem queda'me qoyauana da'me doje'y gaa'me qayaua'te 'laqataqa, gaa'me uayodaĝayaqa male yemedegue, gaa'me choĝolaĝayaqa yeuo'tape, nataq'aen jogaa'me qana'mi male yauana'ape. Qama'le paja'a 'nonaĝachidegue joñe'me Nedios joga'me Israel c'oqo'tepi.

La'aqtaqa Ñim Lo'onatac 'Enauacna 2013

³¹ Ỹoqo'oye so shiỹaxauapi ỹataqta huo'o da la'aalaxa, souaxat da ỹauaachigui somayepi da 'enauac no'oita. Huaña, nache qaỹo'oxoreetac Ñim Lo'onatac 'Enauacna maye Lta'a nam Israel le'ecpi.

Mateo 15:31 Referans Kwoze

Mateo 9:8

Nachi na shiÿaxauapi co'ollaq ÿauaachigui de'eda, nachi ÿataqta huo'o da lcolanaxa. Nachi ÿi'oxodeetac ñi Dios, souaxat da ñimayi ÿanem de'eda n'añaxac na shiÿaxauapi.

Lucas 18:43

Huaña, nachi se'eso qanamaic ishit da nauaañi, nachi ca'ategue so Jesús, ÿi'oxodeetac ñi Dios. Qataq 'enauac so shiÿaxauapi mayi ÿauaachigui de'eda, nataq'en somayipi ÿi'oxodeetac ñi Dios.

Lucas 7:16

Qaq co'ollaq qaÿauaachigui de'eda, nachi 'enauac so shiÿaxauapi ÿataqta huo'o da lcolanaxa. Nachi ÿi'oxodeetac ñi Dios, 'eeta': –Huo'o so 'amaqtaqaic l'aqtaxanaxanec ñi Dios qomi' chigoqchiguinguilo. Nataq'en qoÿiita' da n'aqtac: –Ñi Dios anac da itauan nam lalamaxatpi.

Mateo 18:8

Qaq ÿoqo'oyi na 'adhuaq huo'otaq na 'adchi da ÿauo'o ca 'adasouaxashit, qaq no'on da 'auchigueec, nachi 'auasaxauec. Cha'ayi ÿaÿamaqchiguiñi da 'aunoxoneu'a da nca'alaxa, nai'ctaxa da 'oonolec na 'adhuaq qataq na 'adchi, qalaxayi saq 'en'am da 'am qaÿasaxangui ca nodec da 'adÿaueeguelo naua 'adhua'q qataq naua 'adchil.

Mateo 9:33

Qaq co'ollaq chochi i'odauec se'eso l'ec leguemaxaic so Jesús, nachi se'eso qaicaua naua l'aqtaqa ishit da detaqa. Nachi na shiÿaxauapi ÿataqta huo'o da l'aalaxa. Nachi 'eeta': –Ÿataqta sa ÿauanaga da huo'o ca qaÿauaachigui da huangui na llalaqpi so Israel da huo'otaq 'eeta'am de'eda.

Juan 9:24

Nachi na judiopi qaltaq ÿi'iguelaxalec da iÿaxaneuga so shiÿaxaua mayi qanamaic co'ollaxa. Nachi qoÿiitega, qoÿiita': –Nagui qomi' ÿauaachiguilo ñi Dios, ña qomi' 'au'aqtaxaatema, cha'ayi qomi' saÿajnaqta da se'eso shiÿaxaua, somayi 'itaxaloxoic.

Lucas 14:21

Qaq so nlatac co'ollaq mashi ñi'iguelaq, nachi da'aqtaxaatapeguem 'enauac de'eda so n'aco'. Nachi 'enapega so l-latac, 'eeta': “Qojec qome, sa 'anaÿaloxon da qoqueguelo naua lta'al nqa'aico qataq naua nqa'aicolqa nam la ciudad. Ime, qaq 'anauegueuo qome na choxodaqpi qataq nam ÿamaxaicpi qataq nam ñi'idauo naua lchil qataq nam qanamaicpi.”

Lucas 14:13

Qaq ÿoqo'oyi da ivita da 'au'ot ca 'adqui'axac, qalaq 'auachit nam choxodaqpi qataq na ÿamaxaic qataq nam ñi'idauo naua lchil qataq nam qanamaicpi,

Marcos 9:43

Na maichi 'adhuaq da huo'otaq 'am ÿaueca'aguet ca 'adasouaxashit, qaq no'on da 'auchigueec. Cha'ayi ÿaÿamaqchiguiñi da 'aunoxoneu'a da nca'alaxa, da 'oonolec na 'adhuaq, qalaxayi saq 'en'am da nalota't naua 'adhuaxayi, qaq 'am qaÿasaxaña ca nhuaxanqa' na 'itaxaloxoicpi mayi huaña ca nodec mayi sa ishit da qaÿalamat,

Marcos 7:37

Nachi ÿataqta lta'adaic da n'aalaxa, nachi qoÿiita': –Ÿataqta ÿaÿamaqchiguiñi 'enauac na i'ot, cha'ayi ivida'a da hua'aqa naq'en na da'añaigui na lqaic, qataq na qaicaua naua l'aqtaqa.

Marcos 2:12

Nachi so sa da'añiigue ñishiguem, nachi inana't so lacanec, ca'ai ca hueta'a, qaq 'enauac da qaÿauaachigui. Qaq ÿoqo'oyi 'enauac na shiÿaxauapi ÿataqta huo'o da l'aalaxa, nachi ÿi'oxodeetac ñi Dios, 'eeta': –Ÿataqta sa ÿauana da sauanaqchigui ca 'eeta'am de'eda.

Mateo 21:14

Qaq co'ollaq huaña asa'aso n'onaxanaxaqui, nachi huo'o na qanamaicpi na nau'a so Jesús qataq nam qaica ca lchi lÿa. Nachi somayi nataden 'enauac somayipi.

Mateo 8:10

Qaq co'ollaq hua'axaÿa de'eda so Jesús, nachi ÿataqta huo'o da l'aalaxa. Nachi 'enapega som nnaictague'pi, 'eeta': –Aÿim ÿataqta 'eesa de'eda shinapec da 'enauac na llalaqpi so Israel qaica ca selalec da ÿapacteec da lpi'iÿaxac da huo'otaq 'eeta'am de'eda shiÿaxaua.

Mateo 9:32

Qaq co'ollaq chochi je'c soomayi, nachi huo'oi soua shiÿaxa'u naueguedeu'a so Jesús so qaicaua naua l'aqtaqa mayi huo'o so l'ec leguemaxaic.

Mateo 15:30

Nachi ÿataqta qalota so shiÿaxauapi nauga ca hueta'a somayi. Nachi nauectauo nam qaica lchi lÿa, qataq nam sa nauaañi, qataq na qaicaua naua l'aqtaqa, qataq na qaica ca lhuaq lÿa, qataq qalota na laÿi sa no'onpi. Nachi qaÿacho'oto naua lchil so Jesús, nachi somayi nataden 'enauac somayipi.