Mateo 15:3 - Nuevo Testamento Toba Sur

³ Qalaxayi so Jesús nataq'en inat somayipi, 'eeta': –Qami' nataq'en ¿tá'ainco' yi sa ishit da qaualaqaileguete naua lamaxasoxonaxaco ñi Dios, nda'a't da maichi qoquiitagueto naua qan'onataxacolli'?

Nuevo Testamento Toba Sombrero Negro

³ Jesús 'yategueta jogaa'me: —Nataq'aen ¿toqoch'e nach'e ena'am ami auenoĝoñi joda'me lamaĝajoĝonaĝac joñe'me Dios qaedi oquiyegue ga'me mach'e adoequi jo'ne auanaeyiya'ac?

La'aqtaqa Ñim Lo'onatac 'Enauacna 2013

³ Nache So Jesús denataxan, 'eeta': –«Qami' nataqa'en ¿ta'ainco' ye saishet da qaualaqaileguete naua lamaxasoxonaxaco Ñim Lo'onatac 'Enauacna, nda'a't da maiche qoquiitague' da maiche qarataxaqui?

Mateo 15:3 Referans Kwoze

Colosenses 2:23

Qaq 'eesa da 'enauac ne'ena 'eeta'am da ÿataqta huo'o na ÿaÿaten ca shiÿaxaua da i'ot. Cha'ayi namayipi ÿamaxalec da natamnaxac, qataq da sa n'amaqten, qataq da ÿauo'o da nque'ejnaxac da l'oquiaxac. Qalaxayi namayipi sa ishit da itauan camayi da nala'aguet da lqopitaxanaqtaic da lapachiyaxac.

Colosenses 2:8

Qaq maxatchaxa qome, sa ishit da qoquiigue nam nshitaique da qami' ÿatenachi't da qami' idolguete nam naÿajnec lma'na qataq nam nhuennataxacpi mayi saq 'en. Cha'ayi namayipi sa ishit da chigoqchigui so Cristo; chaqnata nam n'onataxacpi na shiÿaxauapi qataq nam lhuennataxacpi da tatapigui lauel na chochi yi'oqchigui.

Marcos 7:13

Qaq 'eda da 'eetec da qami' sa ishit da huo'o ca qai'añiÿaigui na lqataxacpi ñi Dios, souaxat da qoquiigue na 'onataxacpi mayi quetagui da qoñiita. Qataq qalota na laÿi qau'ochiitac mayi 'eeta'am ne'enapi.

Tito 1:14

qataq nal'en da sa ÿoqocha'a na chochi n'aqtaxanaxacpi mayi chigaqaigui na judiopi, qataq da lamaxasoxonaxac nam mashi ca'ai da 'eesa lataxac.

Mateo 15:2

–¿Tá'ainco' na 'adapaxaguenatacpi yi sa ishit da ÿalaxalec dam n'onataxac som hua'au qadta'alpi? Cha'ayi namayipi sa ishit da ipaguelec da lataxac da qaiÿoi' naua nhua'q da huo'otaq yaqta'a da deque'e ca shiÿaxaua.

Mateo 15:4

Cha'ayi ñi Dios damaxasoxoolec co'ollaxa da 'eeta': “Ÿataqta huo'o naq 'enec 'anqa'en ca 'adta'a qataq aca 'adate'e.” Qataq nataq'en 'eeta': “Ca ishiuen ca lta'a huo'otaq aca late'e, qalaq camayi qaÿalauat.”