Mateo 15:27 - Nuevo Testamento Toba Sur

²⁷ Qalaxayi asomayi 'enapeco': –Aja', 'eesa, 'am ÿataxala', qalaxayi ivida'a nataq'en na pioxotpi ishit da chictac nam aloq lsochi mayi najñi cam lqui'axala' ca n'aco'pi.

Nuevo Testamento Toba Sombrero Negro

²⁷ Jañe'me enaac: —Eja, Jaliaĝanec, qalaĝaja gaa'me pi'o yali'j nale ga'me lojoche jo'ne chiyaqalegue ga'me ladipa liqui'yaĝala'.

La'aqtaqa Ñim Lo'onatac 'Enauacna 2013

²⁷ Qalaxaye asomaye 'enapeco': –¡Aja', 'eesa, 'am Ỹataxala'! Qalaxaye ivira'a nataqa'en na pioxoppi ishet da chectac nam aloq lsoche maye naañi cam lquia'axala' ca na'aco'pi.

Mateo 15:27 Referans Kwoze

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Lucas 16:21

Se'eso choxodaq, somayi nshitaique da icomatec na lsochi na nallic mayi najñi se'eso lqui'axala' som sallaxanec. Qaq ivida'a da anac na pioxotpi, napitac na lli'i na l'oc somayi.

Romanos 10:12

Cha'ayi qaica ca ÿaqa'a ca lataxac da qanca'alaxateec na judiopi qataq nam sa ishit da judiopi. Cha'ayi so qadataxala' nachiso so lataxala' 'enauac namayipi, qataq somayi ÿataqta sa naloqnañi ca ÿanem cam nqouagaxaueetega somayi.

Romanos 3:29

Qaq ¿peta'a ishit da nachaqnata nam judiopi da lta'a ñi Dios? Qaq ¿sa ishit peta'a da nataq'en lta'a na saq judiopi? Aja', namayipi nataq'en lta'a ñimayi.

Lucas 18:13

Qaq som ÿacootapeeguet ana nshiitenaqte ca nta'a, qalaq nachi qaÿata'a ca hueta'a, qataq sa ishit da ÿamato'ot na piguem. Chaqdata da iuaxaalec ana ltogue, nachi 'eeta': “¡'Am ita'a Dios, aÿim 'auchoxoden qome, cha'ayi aÿim huo'oi naua sasouaxa't!”

Mateo 8:8

Nachi so huataxanaq lta'a 'enapeco': –'Am ÿataxala', aÿim ÿataqta saq saiguet da 'aunoxonoigui ñi ima'. Chaqdata da 'am 'ai'an ca 'ad'aqtac, nachi ca ÿamaxashic no'oita.

Mateo 5:45

Qaq yaqto' ÿataqta qami' llalqa ñim qadta'ai mayi neta'ague da piguem. Cha'ayi ñimayi icoÿadelec naq'en añi nala' ca qauemaic qataq ca soxodaic, qataq da namaq na auot, qalaq talec naq'en cam no'on da lataxac qataq cam qauem da lataxac.

Romanos 3:4

¡'A'i, sa ishit! Chaqdata da ñi Dios ÿataqta 'eesa da ipacchiguilo naua l'aqtaqa, qaq nai'ctaxa da 'enauac na shiÿaxauapi shipecaicpi. Cha'ayi nachi 'enapec naua ñiyigui'shi l'aqtaqa, 'eeta': Da 'autaqa, nachi qaila'a da ÿataqta 'eesa da qonapec, qataq 'anachatteec qome da qaica ca 'adasouaxashit, qom 'am qanmit.

Efesios 3:19

Qataq seÿaxaatacot ñimayi, da yaqto' qami' ÿataqta qauauattoñiita de'eda nauotaxanaqtaic mayi ÿataqta napacalec 'enauac na qadauattonaxanaxacpi, yaqto' qami' ÿataqta qami' nlaqchiguilo da lataxac ñi Dios.

Romanos 3:19

Cha'ayi qomi' saÿajnaq da 'enauac nam 'enapec nam nqataxacpi mayi chigoqo'ot so Moisés, ÿalamaqchigui da 'enapega nam hueto'ot ne'ena nqataxacpi, da yaqto' sa ishit da huo'o ca 'eetega qaica ca ÿasouaxat, qataq yaqto' 'enauac na shiÿaxauapi ishit da huo'ot da 'eetec qom ñi Dios nmit 'enauac na shiÿaxauapi.

Mateo 15:26

Nachi so Jesús 'enapeco': –Sa ÿaÿamaxañi da qaÿacona ca aloq na ñalaqpi, ime, qaq qoÿanoigui ca pioxotpi.

Mateo 15:28

Nachi so Jesús 'enapeco': –¡'Am 'alo, ÿataqta 'eesa da lta'adaic da 'adpi'iÿaxac! Qaq nagui ÿataqta ipacchigui qome cam qonetapeguec. Qaq co'ollaq chochi qoÿan da n'aqtac, nachi aso llale no'oita.

Marcos 7:28

Nachi asomayi 'enapeco': –'Eesa da qonapec, 'am ÿataxala', qalaxayi ivida'a nam pioxotpi mayi hueto'ot na pa'aguiñi ca nqui'axala', namayi chicta'aguet na najñi aloq lsochi cam ñalaqpi.