Mateo 14:36 - Nuevo Testamento Toba Sur

³⁶ Nachi qanachoxodeetacot da nai'ctaxa da chochi qaipoteu'a na laÿi so lapo'. Nachi 'enauac som ipoteu'a na laÿi so lapo', nachi no'oita.

Nuevo Testamento Toba Sombrero Negro

³⁶ nataq'aen nachoĝodetedapecot qaedi yaje'tema da'me qoyepoteuo'o ga'me lapoto lae; nataq'aen ena'uaque gaa'me jo'ne yepo't male yemedegue.

La'aqtaqa Ñim Lo'onatac 'Enauacna 2013

³⁶ Nache qanachoxoreetacot da na'aictaxa da choche qaipoteua'a na laỹe so lapo'. ¡Nache 'enauac som sa no'onpi maye ipoteua'a na laỹe so lapo' So Jesús, somayepi no'oita!

Mateo 14:36 Referans Kwoze

Lucas 6:19

Nachi 'enauac na shiÿaxauapi ÿauotaique da ipoteu'a so Jesús souaxat somayi da natadeetac 'enauac na shiÿaxauapi, qalaq idolec da l'añaxac.

Marcos 3:10

Cha'ayi somayi ÿataqta qalota na nataden, nachi 'enauac na sa no'onpi ÿataqta namaxa't, nasoneu'a so Jesús da huotaique da ipoteu'a.

Hechos 3:16

Qaq nachida dam l'enaxat se'eso Jesús, huo'otaq da qaipi'iÿa'a da l'enaxat somayi, dam chigoqchigui da l'añaxac de'eda shiÿaxaua mayi qauauañiichigui qataq qadauattonataqui. Qaq de'eda 'eetec da qaipi'iÿa'a so Jesús, nachida dam ÿataqta imauec da no'oita naq'en de'eda shiÿaxaua mayi 'enauac da qoñiita qauloito'ot.

Juan 7:23

Qaq cha'ayi qanshiitaique da qaupaquiichigui na lqataxacpi so Moisés, nachi qami' ishit da qau'ochi ca n'anaxat ca nogotolec, nai'ctaxa da huo'otaq huetoigui ca na'a'q mataxaqui, qalaq ¿tá'ainco' qone' yi aÿim qaualemataÿai souaxat da imauec da l'oquiaxac so shiÿaxaua da ñataden so na'a'q mataxaqui?

Juan 6:37

Qaq 'enauac nam aÿim ÿami' ñi ita'a, namayi aÿim nau'a; qaq nam aÿim nau'a, qalaq sa ishit da semaqa'aguet.

Mateo 23:5

Qaq 'enauac ne'ena i'ot, cha'ayi nshitaique da na shiÿaxauapi imeteetac namayipi. Cha'ayi namayipi nqopita da ÿachitalec na latap qataq da ÿaxattagui na lhuaq naua ñiyigui'shi l'aqtaqa ñi Dios, da qoÿittalec na logodaic hualoq laÿi, qataq da ÿataqta logodaiqa naq'en naua lauoxol naua lapo'te, saq 'en'am na laÿipi shiÿaxauapi.

Mateo 14:35

Nachi na shiÿaxauapi mayi lma' se'eso 'alhua co'ollaq ÿauatton so Jesús, nachi qai'aqtaxanem 'enauac nam netalec se'eso 'alhua, nachi qandou'a 'enauac na sa no'onpi cam hueta'a.

Marcos 6:56

Nachi cam tau'a somayi nam pueblopiolec, huo'otaq nam pueblo lta'adaicpi, huo'otaq naua n'onaxayi, nachi qaÿachauga na nqa'aicpi na sa no'onpi. Nachi qanachoxonnot so Jesús da ishit da ÿashiita da chochi qaipoteu'a na lapo' laÿi. Nachi 'enauac nam ipoteu'a somayi, nachi no'oita.

Marcos 8:22

Qaq co'ollaq ivilda yi Betsaida, nachi qanauegueu'a so Jesús so qanamaic, nachi qanachoxodeetot somayi, da yaqto' ÿashil-lec.