Mateo 14:27 - Nuevo Testamento Toba Sur

²⁷ Nachi so Jesús 'enapegalo soomayi, 'eeta': –¡Qan'añaxachi qome, sa ishit da qayi'ii, nachaÿim!

Nuevo Testamento Toba Sombrero Negro

²⁷ Qalaĝaja Jesús dojapegue'to, eetojo' ga'me 'laqatac: —¡Naqayem! ¡Male at'emaqayita, ena'te at'oiyi!

La'aqtaqa Ñim Lo'onatac 'Enauacna 2013

²⁷ Nache So Jesús 'enapegalo soomaye, 'eeta': –¡Qaue'enaxañiitai'! ¡Saishet da qayi'i! ¡Nachaỹem!

Mateo 14:27 Referans Kwoze

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

Juan 6:20

Qalaxayi somayi 'enapegalo soomayi, 'eeta': –¡Nachaÿim, sa ishit qome da qayi'ii!

Mateo 17:7

Nachi so Jesús nqo'onalo soomayi, nachi ipoteu'alo, nachi 'enapegalo, 'eeta': –Qoñiishiguem, sa ishit da qayi'ii.

Mateo 9:2

Qaq huaña yimayi, co'ollaq qaidou'a so shiÿaxaua mayi sa da'añiigue, qaÿachitalec so lmala'. Qaq so Jesús co'ollaq ila'a da lpi'iÿaxa'c soomayi, nachi 'enapega som sa no'on, 'eeta': –Ÿataqta 'an'añaxat qome, 'am ÿalec. Na 'adasouaxashitpi mashi 'enauac da qaÿapalaxat.

Lucas 1:30

Nachi se'eso namaxashic 'enapeco': –María, 'am sa ishit da 'ayi'i, cha'ayi ñi Dios ÿataqta 'am ÿaÿamaxadeeta.

Lucas 1:13

Qalaxayi so namaxashic 'enapeco': –Zacarías, sa ishit da 'ayi'i, cha'ayi ñi Dios hua'aqtega da 'anqouagaxaunaxac. Qaq nagui añi 'adhua Elisabet huo'o qome ca llalec. Qaq camayi 'ai'anagui qome da l'enaxat Juan.

Mateo 28:10

Nachi so Jesús 'enapegalo soomayi, 'eeta': –Sa ishit qome da qayi'ii. Chaqdata da qoquii, qau'aqtaxañiim qome ca ÿaqaÿañicpi, da yaqto' taigue da Galilea. Huaña qome yimayi, nachi aÿim nauane'.

Lucas 2:10

Qalaxayi so lamaxashic ñi Dios 'enapeco': –Sa ishit qome da qayi'ii, cha'ayi aÿim qami' ñida'alo da no'on qad'axaÿaxaqui. Qaq damayi i'ot qome da ntonaxac 'enauac na shiÿaxauapi.

Mateo 14:28

Nachi so Pedro detaqa, 'eeta': –'Am qadataxala', qom ÿoqta 'eesa da nachi'am, qaq no'on qome da aÿim 'auashiitem da sapelec na 'etaxat, da yaqto' 'am ñoqo'oneuga.

Mateo 28:5

Nachi so namaxashic piguem l'ec, somayi 'enapegalo soua 'alo, 'eeta': –Sa ishit qome da qayi'ii. Aÿim saÿaten da qami' qanmichiitaique so Jesús som qaiuaxaneuo co'ollaxa.

Marcos 6:50

cha'ayi 'enauaque soomayi da iloda'a nachi ÿataqta ñi'i'. Qalaxayi so Jesús 'enapegalo soomayi, 'eeta': –¡Qan'añaxachi qome, nachaÿim, sa ishit da qayi'ii!

Lucas 5:10

Nataq'en ñi'i't so Santiago qataq so Juan som llalqa so Zebedeo mayi lÿa't so Simón. Qalaxayi so Jesús 'enapega so Simón, 'eeta': –Sa ishit qome da 'ayi'i, cha'ayi nagui qami' sanaguilo da qami' ÿi'acoxoiqa da qanmichiÿaique na shiÿaxauapi.

Lucas 12:32

Sa ishit qome da qayi'ii, qami' mayi qoñiita'am acam ÿalamaqte qagueta mayi selotague'. Ÿataqta qami' saq 'amaqtachi, qalaxayi ñi qadta'ai ÿataqta qami' ÿaÿamaxadeete' da qanhuañiÿau'a naq'en da l'onataxanaxac da ilo'ogue 'enauacna.