Mateo 13:49 - Nuevo Testamento Toba Sur

⁴⁹ Qaq 'eda da 'eetec qom ivita ca loga't ana 'alhua, da anac nam namaxashic piguem l'ecpi, da yaqto' nqateu'a na qauemaicpi, da nqateeguesop nam no'on da lataxac.

Nuevo Testamento Toba Sombrero Negro

⁴⁹ Nach'e naq'aeta qom yovita ga'me loiquiaqa' jena'me aleua: noqoidegue joga'me piyem laje'pi qaedi yiyota'alo gaa'me jiyaĝa'u jo'ne 'noote', e'n ca'ae jogaa'me jiyaĝa'u jo'ne ja 'noe'n,

La'aqtaqa Ñim Lo'onatac 'Enauacna 2013

⁴⁹ Qaq 'era da 'eetec qom ivita ca loga't ana 'alhua, da anac nam namaxashecpi, da yaqto' nqateua'a na qauemaicpi, da nqateeguesop nam no'on da lataxac.

Mateo 13:49 Referans Kwoze

Mateo 13:39

Qaq so depa'aguenataxaatac mayi ÿaañi aso huoue, qalaq nachiso so shiÿaxaua lma'na. Qaq da qanqat na ala so trigo, qalaq nachica cam loga't ana 'alhua. Qaq som daqataxaatacpi, qalaq nachina na namaxashicpi piguem l'ecpi.

Mateo 24:31

Nachi ÿamaq qome na lamaxashicpi piguem l'ecpi, da yaqto' n'axannec na l-lamaxa ana lashiide da dashiidaxan, da yaqto' lapona't 'enauac na lca'aguishicpi mayi neta'aguelo naua cuatro llico na l'at. Qaq 'enauac namayipi ÿachigoxottalo naua loga'te ana 'alhua.

Mateo 13:40

Qaq de'eda 'eetec aso huoue da qalapona't, nachi qaÿasaxangui so nodec da qaÿavigaxat, damayi nachida da 'eetec qom ivita ca loga't ana 'alhua.

Mateo 13:48

Qaq da mashi nlaxagui que'eca naleguec, nachi cam ÿi'acoxoicpi nqatta na loigue ca 'etaxat. Huaña, nachi qanso'oñiisop da qanatogui na nÿaq. Nachi nam no'on qaÿachagui aca laÿi', qaq nam qauem, qalaq qaÿalateec.