Mateo 13:40 - Nuevo Testamento Toba Sur

⁴⁰ Qaq de'eda 'eetec aso huoue da qalapona't, nachi qaÿasaxangui so nodec da qaÿavigaxat, damayi nachida da 'eetec qom ivita ca loga't ana 'alhua.

Nuevo Testamento Toba Sombrero Negro

⁴⁰ Nach'e naq'aeta qomle jaga'me cizaña qolapona't qaedi qoyigoue, qama'le naq'aeta qomle da'me loiquiaqa'yaĝac jena'me aleua.

La'aqtaqa Ñim Lo'onatac 'Enauacna 2013

⁴⁰ Qaq de'era 'eetec da qanapoc aso huoue maye qauem qataq qaỹavigaxat, damaye nache 'eetec qome Ñim Lo'onatac 'Enauacna da nmit 'enauacna.

Mateo 13:40 Referans Kwoze

Mateo 13:39

Qaq so depa'aguenataxaatac mayi ÿaañi aso huoue, qalaq nachiso so shiÿaxaua lma'na. Qaq da qanqat na ala so trigo, qalaq nachica cam loga't ana 'alhua. Qaq som daqataxaatacpi, qalaq nachina na namaxashicpi piguem l'ecpi.

Mateo 12:32

Qataq camachaqca shiÿaxaua, da huo'otaq ishiuen na shiÿaxaua llalec, qalaq camayi ishit da qaichoxoden. Qalaxayi ca nasaxauec ca l'aqtac, da huo'otaq npa'aguene' naq'en so Espíritu Santo, nachi camayi sa ishit da huo'o ca nchoxonnataguec qanqoÿin, da huo'otaq ñaq huetalec ana 'alhua qataq cam ñaq natauo.

Mateo 13:22

Qaq aso nanguishi mayi tajlec so lma' ana ÿaxat, qalaq asomayi naigui nam shiÿaxauapi mayi n'axaÿaxaatega da n'aqtac. Qalaxayi souaxat da imelec 'enauac nam chochaqna huetalec ana 'alhua, qataq da lqopichi da nsallaxa, qaq 'enauac ne'ena i'ot da sa ishit da ñaxat naq'en da n'aqtac, qataq sa ishit da huo'o ca alaÿaxac naq'en ne'ena shiÿaxauapi.

Mateo 13:49

Qaq 'eda da 'eetec qom ivita ca loga't ana 'alhua, da anac nam namaxashic piguem l'ecpi, da yaqto' nqateu'a na qauemaicpi, da nqateeguesop nam no'on da lataxac.

Mateo 24:3

Nachi nqo'ooyishiguemec aso saqaÿoqotchiguemec 'alhua mayi nanqa' ana olivos. Nachi so Jesús co'ollaq nso'ootañi, nachi soua lapaxaguenataqa isoxoototo somayi da ina't, 'eetra': –Sauoqtaique da qomi' 'au'axatema chaq lagui qaq ivita de'eda. ¿Chaq négue't qome ca l'anaxat ca 'ayi'iguelaxasoxoc qataq cam loga't ana 'alhua?

Mateo 28:20

Qataq qauapaxaguiñiic qome namayipi da ÿalaxalec 'enauac na ÿaqataxacpi mayi qami' sanema. Qataq sa ishit qome da qaucouai'ai da aÿim nachi 'eetai' da qami' soota'agueta 'enauaque naua na'axa'te, chochi ivitta'a ca loga't ana 'alhua. Aja', nachi 'eetec de'eda.

1 Corintios 10:11

Qaq 'enauac de'eda huaigui som hua'au qadta'alpi, damayi qoÿiyiñi da naloqnaxanaxat da qaÿauotaique qomi' qaÿaqatalo nagui da souaqtaiguilo naua pa'atreec na'axa'te.

Hebreos 9:26

Cha'ayi da huo'otaq nachi 'eetec de'eda, qaq ÿataqta qalotáctaxa da qaÿi'iguelaxalec da qaÿalauat, chigoqchiguiña co'ollaq chita'ague da qai'ot ana 'alhua. Qalaxayi nagui da mashi inoxootrauec naua na'axa'te, nachi so Cristo 'oonolec da nachaxan, nachi sa lÿa da ÿi'iguelaxalec da maichi nañan, da yaqto' nqat 'enauac na nasouaxashitpi.