Mateo 13:38 - Nuevo Testamento Toba Sur

³⁸ Qaq som nanaxanqa', qalaq nachana anam souaqtalec 'alhua. Qaq aso nanguishi mayi ÿataqta no'on, qalaq nachina nam shiÿaxauapi mayi huetaigui da l'onataxanaxac ñi Dios. Qaq aso huoue mayi 'eeta'am na trigo, qalaq nachina nam quetague' so shiÿaxaua lma'na.

Nuevo Testamento Toba Sombrero Negro

³⁸ qama'le ga'me nanaĝanaqa' nach'ena jena'me qa'naleua, jaga'me onaĝai peta nach'egaua uetedaue da'me Dios lejaliaĝa, jaga'me najeguem jo'ne cizaña nach'egaua c'oqo'te ñe'me payac,

La'aqtaqa Ñim Lo'onatac 'Enauacna 2013

³⁸ Qaq som nanaxanaqa', qalaq nachena nam shiỹaxauapi maye netalec ana 'alhua. Qaq aso no'on nañiguishe maye ala na trigo, qalaq nachena nam shiỹaxauapi maye huetaigui da lo'onataxanaxac Ñim Lo'onatac 'Enauacna. Qaq aso huoue maye le'enaxat cizaña, qalaq nachena nam ỹalaxaguet so pa'aguenataxanaxaic,

Mateo 13:38 Referans Kwoze

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Hechos 13:10

Nachi 'enapego', 'eeta': –¡'Am tenataxanaxaic, qataq 'am 'itaxaloxoic, 'am llalec so shiÿaxaua mayi lma'na, qataq ÿataqta 'anpa'aguenaxaua 'enauac na ÿaÿamaqchiguiñisat! ¿Tá'ainco' yi sa i'atai' da 'auashaxaadeec naua ÿaÿamaqchiyiñi 'eetapegueco ñi Dios?

1 Pedro 1:23

Cha'ayi qami' dalaxaic da qadañoxoqui. Qaq de'eda qadañoxoqui sa ishit da chigoqchiguilo caua yi'oqchiguilo qadta'alli' mayi taÿa'alo da imedeuo, cha'ayi nachida da l'aqtac ñi Dios mayi nca'altauec, qataq sa ishit da huo'o ca loga't.

Santiago 1:18

Ñimayi qomi' namaxalo da l'aqtac mayi i'axat da 'eesa lataxac da qomi' nca'alaxatreec, cha'ayi nshitaique da qomi' 'ico' l'auaxanqa ala na 'enauac l'onatac. Qaq damayi nachida da maichi lhuennataxac.

Mateo 13:19

Ca n'axaÿaxaatega da n'aqtaguec dam l'onataxanaxac ñi Dios mayi neta'ague da piguem, qalaq sa ishit da ÿaÿaten, camayi 'eeta'am aso nanguishi ala mayi tajlec so nqa'aic. Ime, qaq anac so shiÿaxaua lma'na, nachi deuotaxanec som n'aqtac mayi huetaigui añi lquiyaqte.

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

Colosenses 1:6

De'eda n'aqtac mayi qami' qai'axatema co'ollaxa, damayi ÿataqta nquictashiguem qataq huo'o da alaÿaxac 'enauaque naua 'ale'u, da 'eeta'am da qoñiita co'ollaq qan'axaÿaxañiÿa da lqouagaxanaqtaic ñi Dios, huaña, nachi qauaÿajñi da de'eda nqouagaxanaqtaic ÿataqta 'eesa.

Romanos 16:26

Qalaxayi nagui mashi qaichoxot, chigoqchiguilo qanqoÿin naua ñiyigui'shi l'aqtaqa ñi Dios mayi ÿilyiñi da n'onaxatrañi som hua'au l'aqtaxanaxanecpi. Qaq damayi nateeteguet dam lamaxasoxonaxac ñim Dios mayi chochaq tateec. Qaq de'eda saq cha'a mayi 'eetapeguec ñi Dios, damayi ÿauattonaxanaxanec nagui naq'en na ÿotta'a't shiÿaxauapi, da yaqto' i'amaqten ñimayi qataq ÿalaxaguet.

Romanos 10:18

Qalaxayi aÿim senataxan, shiita': ¿Namayipi sa ishit peta'a da hua'axaÿa de'eda n'aqtaxanaxac? ¡'A'i, sogote da hua'aqtega! Cha'ayi naua ñiyigui'shi l'aqtaqa ñi Dios 'eeta': Naua l'aqtaqa so n'aqtaxanaxanecpi ima 'enauac na huetalec ana 'alhua da hua'axaÿa, qataq naua l'aqtaxanaxaco ivida'alo 'enauaque naua pa'atreec laÿil ana 'alhua.

Romanos 8:17

Qaq nagui da mashi qomi' llalqa ñi Dios, nachi nataq'en ishit da saconaxaguet cam qomi' ÿachaxanapeguema ñimayi. Qalaxayi ÿataqta ñiuanaqte' so Cristo, qaq lamaaxa nagui da ÿataqta qanque'ejnaxaua somayi, da yaqto' ishit qome da ñiuanaqhua'a cam lli'oxoyic somayi.

Juan 12:24

Qaq ÿataqta 'eesa de'eda qami' sa'axatema, da aca ala na trigo, da huo'otaq sa ishit da taigui na 'alhua da yaqto' ileu, nachi acamayi nachi 'eetai' da 'oonole. Qalaxayi acamayi da huo'otaq ileu, nachi ÿataqta qalota ana ala da qanqat.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

Mateo 24:14

Qaq de'eda no'on n'axaÿaxac mayi i'axat da n'aqtaguec da l'onataxanaxac ñi Dios mayi ilo'ogue 'enauacna, damayi qai'axateec qome 'enauac ana 'alhua, da yaqto' 'enauac nam ÿotta'a't shiÿaxauapi ÿaÿaten damayi. Huaña, nachi ivita ca loga'tna.

Apocalipsis 14:6

Ime, qataq sela'a so lÿa namaxashic piguem l'ec, huaÿotac, hueto'ot na piguem, ÿachitac so n'aqtaxanaxac mayi qaica ca loga't mayi chigaqaigui da nca'alaxa, da yaqto' da'aqtaxanem 'enauac nam netalec ana 'alhua ÿotta'a't shiÿaxauapi mayi ÿotta'a't na l'aqtacpi.

Santiago 2:5

Qami' ÿaqaÿa't, qami' ñauochaxa'u, qan'axaÿaxañiÿa da i'aqtac: Ñi Dios lca'aguishic na shiÿaxauapi mayi choxodaq nam huetalec ana 'alhua, ÿauotaique da chochaq huañi naq'en da lpi'iÿaxac 'ico' lsallaxa, qataq nshitaique da talec da lalamaxat naq'en cam ñaq natauo l'onataxanaxac mayi ÿachaxanapeguem cam ÿataqta ÿauotec ñimayi.

Mateo 5:37

Chaqdata da 'oonolec ca qadasataxaqui. Qoñiita': aja' huo'otaq 'a'i. Cha'ayi ca chochi qaÿachigoxotauec n'aqtac, camayi chigoqo'ot so shiÿaxaua lma'na.

Mateo 8:12

Qaq nam ÿoqta qaÿauotaiquéctaxa da inoxoneu'a que'eca n'onataxanaxac mayi hueta'ague da piguem, namayipi qome qaÿamaxauga ca napalaxa na pa'auec. Huaña, nachi noÿiitac, qataq inaga't naua lhue da nqui'ic.