Mateo 13:37 - Nuevo Testamento Toba Sur

³⁷ Nachi so Jesús 'enapeco': –Som shiÿaxaua mayi no'on aso languishi, nachina na shiÿaxaua llalec.

Nuevo Testamento Toba Sombrero Negro

³⁷ Jesús 'yategueta: “Ñe'me jo'ne yaañi jaga'me onaĝai peta naqayem jo'ne jayem Jiyaĝaua Lec'oĝot,

La'aqtaqa Ñim Lo'onatac 'Enauacna 2013

³⁷ Nache So Jesús 'enapeco': «Som ỹaañi aso no'on lañiguishe ala trigo, qalaq nache Aỹem Shiỹaxaua Llalec.

Mateo 13:37 Referans Kwoze

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Lucas 10:16

Qaq ca qami' n'axaÿaxanalo, qaq nachaÿim aÿim n'axaÿaxana, qaq ca qami' sa ÿacongueta, qaq nachaÿim aÿim sa ÿaconguet. Qaq ca aÿim sa ÿaconguet, qaq nachiñi ñi aÿim namaq ñim sa ÿaconguet.

Mateo 13:41

Na shiÿaxaua llalec namaq qome na lamaxashicpi piguem l'ecpi da nqateeguesop da l'onataxanaxac 'enauac nam ÿasouaxateguet ca lasouaxashit ca lÿa, qataq nam i'ottac na qauempi.

Romanos 15:18

Cha'ayi aÿim ÿataqta sa sadenalec da sa'axat 'enauac nam chigoqchigui naq'en aÿim so Cristo da ÿauotaique lalaxayic naq'en nam saq judiopi, da yaqto' ÿalaxaguet ñi Dios. Qaq damayi chigoqchiguilo naua i'aqtaqa qataq nam so'otpi

Juan 20:21

Ime, nachi so Jesús qaltaq 'enapegalo soomayi, 'eeta': –Qami' huo'o qome da qadlagaxayiqui. Qaq de'eda 'eetec co'ollaxa da aÿim namaq ñi ita'a, qaq nachida qome da shiitec da qami' sama'q.

Juan 13:20

Qaq ÿataqta 'eesa de'eda qami' sa'axatema, da ca ÿaconguet cam ÿamaxashic, qaq camayi nachaÿim da aÿim ÿaconguet. Qaq cam aÿim ÿaconguet, camayi ÿaconguet ñim aÿim namaq.

Mateo 13:27

Nachi so nlatacpi jec da da'aqtaxanem so lalamaxat se'eso nanguishic, 'eeta': “'Am qan'aco', da ÿataqta no'on aso 'anguishi mayi 'ai'aalec yim 'anaxanqa', qaq ¿chaq huá'ago' ca chigaqa'ague aso huoue mayi ñaxattashigueme' na trigo?”

Mateo 13:24

So Jesús ÿauo'o da lÿa daloqnaxana, 'eeta': –Da l'onataxanaxac ñi Dios mayi neta'ague da piguem, damayi 'eeta'am ca shiÿaxaua mayi ÿataqta no'on aca languishi mayi ÿaalec ca n'alhua.

Mateo 10:40

Ca qami' ÿacongueta, camayi nachaÿim aÿim ÿaconguet. Qaq ca aÿim ÿaconguet, camayi ÿaconguet ñim aÿim namaq.

Mateo 8:20

Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Hebreos 2:3

Qaq ¿táloxochiyictoxo' da qomi' ÿi't ca qanhuaxanaguec da huo'otaq sa ishit da seloxogue ca llic dam lta'adaic nca'alaxa? Cha'ayi nachiso so qadataxala' so l'auaxanec da i'axat de'eda nca'alaxa, ime, qataq jec nam n'axaÿaxaatega somayi, nachi ÿataqta 'itchiguiñi naq'en de'eda n'aqtaxanaxac. Ime, nachi qomi' da'aqtaxanema.

Hebreos 1:1

Soua hua'a'u vi'iyi co'ollaq ñi Dios qalota da da'aqtaxanem som hua'au qadta'alpi, qalaq ÿotta'a't da 'eetec naq'en da i'aqtaxanaxan som l'aqtaxanaxanecpi.

Mateo 13:4

Qaq co'ollaq mashi danaxaatac, nachi huo'o aso languishi tajlec so nqa'aic. Ime, nachi anac ana qoÿo, nachi chic.