Mateo 13:27 - Nuevo Testamento Toba Sur

²⁷ Nachi so nlatacpi jec da da'aqtaxanem so lalamaxat se'eso nanguishic, 'eeta': “'Am qan'aco', da ÿataqta no'on aso 'anguishi mayi 'ai'aalec yim 'anaxanqa', qaq ¿chaq huá'ago' ca chigaqa'ague aso huoue mayi ñaxattashigueme' na trigo?”

Nuevo Testamento Toba Sombrero Negro

²⁷ Chane'eja jogaa'me onataĝanaĝayaqa t'aqataĝatem ca'li ñe'me ladipa, enapega't: «Jaliaĝanec, ta'le onaĝai jaga'me anepeta jo'ne auaalegue di'me adanaĝanaqa', qama'le ¿jach'e ga'me chiyaqayi da'me najeguem jana'me cizaña?»

La'aqtaqa Ñim Lo'onatac 'Enauacna 2013

²⁷ Nache somayepi jec da da'aqtaxanem so lalamaxat se'eso nanaxanaqa', 'eeta': ‹'Am qana'aco', da 'am 'aỹa'aañi aso no'on ala na trigo co'ollaxa, qalaq ¿ta'ainco' da ñaxat nataqa'en ana huoue maye le'enaxat cizaña?›

Mateo 13:27 Referans Kwoze

Romanos 16:17

Qami' ÿaqaÿa't, qami' ñachoxodeetoiguilo da ÿataqta qauloiteguet qome nam huesogui naq'en na shiÿaxauapi, qataq 'ico' qui'aqañi naq'en. Cha'ayi namayipi ÿataqta npa'aguene' nam napaxaguenataxanaxacpi mayi mashi qauaÿajñi. Ÿoqo'oyi qoquiÿa'ai qome namayipi.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

2 Corintios 6:4

Chaqdata da sauoqtaique da 'enauac nam so'otaqpi ichoxot da qomi' l-lataqa ñi Dios, souaxat da qanhualaxaunaxac da ñi'añaxataxaguet 'enauac na qanque'ejnaxaguesat, qadhuenaxanaxa qataq nam qanqanaqtagueguesat.

1 Corintios 16:10

Qom qami' nvitalo ca Timoteo, qaq ÿataqta qanpogoxoiñiÿapegue' da machiguiñi qanqashiñi, yaqto' qaica camachaqca. Cha'ayi somayi i'ottac da l'onataxanaxac so qadataxala', 'eeta'am aÿim.

Santiago 4:4

¡Qami' mayi qai'axañiiuec da qauauochiic ñi Dios! ¿Qami' sa qauaÿajñiÿo' da ca shiÿaxaua da nauote' na nqopitaxanaqtaicpi mayi huetalec ana 'alhua, nachi camayi 'ico' npa'aguenaxaua ñi Dios? Qaq ca ÿi'iguena'a da nauote' na nqopitaxanaqtaiguesat mayi huetalecna, que'eca shiÿaxaua ÿataqta npa'aguene' ñi Dios.

Mateo 13:25

Qalaxayi co'ollaq 'enauac da do'ochita somayipi, nachi anac som ipa'agueetac so lalamaxat se'eso nanguishic. Nachi ÿaañi aso huoue mayi 'eeta'am na trigo da ÿanoigui somayi. Ime, nachi jec.

Mateo 13:26

Qaq co'ollaq mashi ñaxat so trigo, qataq mashi huo'o na ala, huaña, nachi yi'oq aso huoue mayi 'eeta'am namayi.

Mateo 13:28

Nachi so lalamaxat se'eso nanaxanqa' 'eeta': “Souaxai' nachiso so aÿim ipa'agueetac som i'ot de'eda.” Nachi so nlatacpi denataxan, 'eeta': “¿'Anshitaique peta'a da qomi' ñapogaq ana'ana huoue mayi ñaxattashigueme' na trigo?”

Mateo 20:1

Da l'onataxanaxac ñi Dios mayi neta'ague da piguem, damayi 'eeta'am cam lalamaxat ca nanqa' ana uvas mayi 'otta da nte'etom da ilaique ca l'onataxanaxanecpi, da yaqto' nqat ana ala aso languishi uvas.