Mateo 12:32 - Nuevo Testamento Toba Sur

³² Qataq camachaqca shiÿaxaua, da huo'otaq ishiuen na shiÿaxaua llalec, qalaq camayi ishit da qaichoxoden. Qalaxayi ca nasaxauec ca l'aqtac, da huo'otaq npa'aguene' naq'en so Espíritu Santo, nachi camayi sa ishit da huo'o ca nchoxonnataguec qanqoÿin, da huo'otaq ñaq huetalec ana 'alhua qataq cam ñaq natauo.

Nuevo Testamento Toba Sombrero Negro

³² Chayovida'alo gaa'me jo'ne jayem ye'uetedac, jayem jo'ne yataqachiñe Jiyaĝaua Lec'oĝot, Dios yapalaĝa't gaa'me laviyaĝaco; qalaĝaja ga'me e'n ja 'noe'n da'me 'laqataqa da'me ye'uetac ñe'me Dios Lepaqal 'me ja 'nalegue, qamqa'me ja yapalaĝa't da'me laviyaĝaco nayi da'me cha'li uetalegue jena'me aleua nataq'aen qom'che ga'me na'taquena.

Mateo 12:32 Referans Kwoze

Marcos 3:29

Qalaxayi ca sa iyacna'pe naua l'aqtaqa da detaxaÿa so Espíritu Santo, nachi camayi ÿataqta sa ishit da huo'o ca nchoxonnataguec. Chaqdata da nachi 'eetai' da huetalec qanqoÿin ca lasouaxashit.

Juan 7:39

Qaq de'eda 'enapec so Jesús, damayi naigui da ca i'amaqten somayi, nachi camayi ÿaconguet so Espíritu Santo. Cha'ayi so Espíritu Santo saxanaxa co'ollaxa da anac, cha'ayi so Jesús saxanaxa da ivita ca laloqo' da lli'oxoyic.

1 Timoteo 1:13

Qaq ñimayi aÿim i'otec de'eda, nai'ctaxa da so lÿa na'a'q ÿataqta sasaxalguete na itaxaÿaxaco qauema da sa seyacnapec, qataq secaatac, qataq seshiueetac. Qalaxayi ñi Dios ÿataqta aÿim ichoxoden, cha'ayi saxanaxa da sa'amaqten so Jesús, qataq ÿataqta sa saÿaten da so'ottac.

Tito 2:12

Qaq de'eda lqouagaxanaqtaic ñi Dios qomi' ÿapaxaguenque da 'enauac soqolqa'ai na qan'onatagueguesat qataq da qadqopitaxanaqtaic. Qanachi sachoq da achaalataxac da ntel-la't ca shiÿaxaua, qataq no'on da lataxac, qataq nañanot da quetague' ñi Dios, nagui da ñaq souaqta'a ana'ana 'alhua.

Efesios 1:21

da yaqto' nataÿaña naq'en 'enauac nam 'añaxaicpi, damaxasoxonapecpi, nta'alpi, nataxala'pi mayi hueto'ot na piguem, qataq 'enauac nam ishit da huo'o ca qaÿamata'ac l'enaxat, nagui nam souaqtaiguilo na'axa'te, huo'otaq cam ñaq natauo.

Hechos 3:19

Qaq ÿoqo'oyi qaualachi' qome naua qan'onataxacolli', nachi qavi'iguelaqÿa ñi Dios, yaqto' qaÿapalaxa't naua qadasouaxashi'chilli'. Nachi ñi qadataxala' Dios ishit da qami' ÿanema caua na'axa'te da qaulaquiitapiguiñi.

Lucas 12:10

Qaq da huo'o ca camachicague't shiÿaxaua da huo'otaq ÿasaxalec ca qauem ltaxaÿaxac na shiÿaxaua llalec, qaq camayi ishit da huo'o ca nchoxonnataguec. Qalaxayi ca sa iyacnapec ca l'aqtac da detaxaÿa so Espíritu Santo, qaq camayi sa ishit da huo'o ca nchoxonnataguec.

Mateo 12:31

Qaq ÿoqo'oyi aÿim qami' shinapegalo da na shiÿaxauapi 'enauac ishit da qaÿapalaxat nam lasouaxashitpi qataq nam qauem l'aqtacpi mayi nasaxauec, qalaxayi da nasaxadeec naua l'aqtaqa mayi npa'agueneto so Espíritu Santo, qaq nachinaua na i'o't da sa ishit da huo'o ca nchoxonnataguec.

1 Timoteo 1:15

Qaq de'eda ÿataqta 'eesa, sa ishit da qaÿoqolguet, cha'ayi so Cristo Jesús naÿa ana 'alhua da nca'alaxateec na shiÿaxauapi 'itaxaloxoicpi. Qaq aÿim, mayi aÿim ÿacteec da aÿim 'itaxaloxoic.

Juan 7:12

Nachi qalota na shiÿaxauapi na n'aqtaxaatapigui somayi. Huo'o na 'eeta': “Se'eso shiÿaxaua, somayi no'on da lataxac.” Qalaxayi huo'o na laÿipi 'eeta': “Somayi sa ishit da no'on da lataxac; somayi chochi ÿatenachittac na shiÿaxauapi.”

Lucas 23:34

Qaq co'ollaq mashi qaiuaxaatapegueuo so Jesús, nachi 'eeta': –'Am ita'a, 'auchoxoden qome namayipi, cha'ayi sa ÿaÿaten dam i'ottac. Nachi som huataxanaqpi nallittapiguilo soua alogo so Jesús da chaq negue't ca talguete soomayi.

Marcos 10:30

nachi camayi ÿaconguet nagui da ñaq hueta'a ana 'alhua ca cien lma'pi, qataq ca lqaÿañicpi, lqaÿanpi 'alpi, late'elpi, qataq llalaqpi, qataq na n'alhuapi. Qataq nai'ctaxa da huo'o na ncanagueguesat, qalaxayi cam ñaq natai' 'alhua camayi qoÿami' qome ca nca'alaxa mayi qaica ca loga't.

Juan 7:52

Nachi qoÿinapego' somayi, qoÿiita': –¿'Am peta'a nataq'en 'am Galilea l'ec? Ña 'anapaxaguenalo qome naua nanettrañi l'aqtaqa ñi Dios, yaqto' ishit da 'aula'a da qaica ca l'aqtaxanaxanec ñi Dios da huo'otaq chigoqchiguiña co'ollaxa yi Galilea.

Lucas 7:34

Ime, qataq anac na shiÿaxaua llalec mayi chictac na no'on nallic qataq nÿomtac, nachi qami' qoñiÿapec da qui'axaic qataq nÿomaxaic qataq nauochaxaua na 'itaxaloxoicpi qataq nam ÿacootapeeguet ana nshiitenaqte ca nta'a.

Mateo 11:19

Ime, qataq anac na shiÿaxaua llalec, qaq namayi deque'etac, qataq nÿomtac, nachi qami' qoñiitega da namayi qui'axaic, nÿomaxaic, qataq nauochaxaua nam 'itaxaloxoicpi qataq nam ÿacootapeeguet ana nshiitenaqte ca nta'a. Qalaxayi da laÿajnec ñi Dios yi'oq cam naigui.

Mateo 13:55

Cha'ayi damayi nachida da llalec som qo'ipaq l'o, l'enaxat José. Qataq aso late'e l'enaxat María. Damayi nachi lqaÿa't soua Santiago, José, Simón qataq so Judas.

Mateo 8:20

Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Mateo 12:8

Cha'ayi na shiÿaxaua llalec, namayi nataq'en huo'o naq 'enec da huo'o ca damaxasoxoolec da qai'ot yi na'a'q mataxaqui.

Mateo 13:22

Qaq aso nanguishi mayi tajlec so lma' ana ÿaxat, qalaq asomayi naigui nam shiÿaxauapi mayi n'axaÿaxaatega da n'aqtac. Qalaxayi souaxat da imelec 'enauac nam chochaqna huetalec ana 'alhua, qataq da lqopichi da nsallaxa, qaq 'enauac ne'ena i'ot da sa ishit da ñaxat naq'en da n'aqtac, qataq sa ishit da huo'o ca alaÿaxac naq'en ne'ena shiÿaxauapi.

Mateo 13:39

Qaq so depa'aguenataxaatac mayi ÿaañi aso huoue, qalaq nachiso so shiÿaxaua lma'na. Qaq da qanqat na ala so trigo, qalaq nachica cam loga't ana 'alhua. Qaq som daqataxaatacpi, qalaq nachina na namaxashicpi piguem l'ecpi.

Mateo 13:40

Qaq de'eda 'eetec aso huoue da qalapona't, nachi qaÿasaxangui so nodec da qaÿavigaxat, damayi nachida da 'eetec qom ivita ca loga't ana 'alhua.

Marcos 3:28

Qaq ÿataqta 'eesa de'eda qami' sa'axatema nagui, da 'enauac na shiÿaxauapi ishit da qaÿapalaxat na lasouaxashitpi, qataq 'enauac nam qauem l'aqtacpi mayi nasaxauec.

Lucas 16:8

Huaña, nachi so 'aco' sa ishit da ÿoqolguet da se'eso lhuataxanaxanec mayi qauem, somayi ÿataqta sa nqalaat da huo'o ca i'ot. Qaq 'eda da 'eetec nam ÿauotec nam huetalec ana 'alhua, namayipi ÿataqta sa nqalaat da huo'o ca i'otec ca lÿa, qaq saq 'en'am nam huetaigui na yi'oqchiguiñi.

Lucas 18:30

qaq camayi ÿapacteec qalota qome ca taÿot nagui ne'enaua souaqtaiguilo na'axa'te, nataq'en cam nca'alaxa mayi chochaq tateec cam ñaq natauo.

1 Timoteo 4:8

Cha'ayi ca shiÿaxaua da ñi'igueeteguela't da sa desalli naq'en na l'oc, nataq'en cada'acolec da huo'o da naigui. Qalaxayi da qanpa'ataxadeelec da qad'amqajnataxanaxac ñi Dios, ÿataqta huo'o naq naigui. Cha'ayi ÿataqta naigui da 'achiquiaxac da achaalataxac nagui, nataq'en cam ñaq natauo.

1 Timoteo 6:17

Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.

2 Timoteo 4:10

Cha'ayi so Demas aÿim ca'ai, souaxat da lqopichi da 'onataxac lma'na. Nachi nqochingue da Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

Santiago 1:27

Da n'amqajnataxanaxac mayi ÿataqta imeteeta ñi qadta'a Dios da ÿataqta qui'itta qataq saqca ca huetapoigui nasouaxashit, damayi 'eeta': ca shiÿaxaua itauan ca saqcaua caua lta'al qataq aca pa'ai mayi huetaigui da nque'ejnaxac, qataq ÿataqta ndenguet 'enauac na sa ÿaÿamaxañisat mayi huetalec ana 'alhua.