Mateo 12:31 - Nuevo Testamento Toba Sur

³¹ Qaq ÿoqo'oyi aÿim qami' shinapegalo da na shiÿaxauapi 'enauac ishit da qaÿapalaxat nam lasouaxashitpi qataq nam qauem l'aqtacpi mayi nasaxauec, qalaxayi da nasaxadeec naua l'aqtaqa mayi npa'agueneto so Espíritu Santo, qaq nachinaua na i'o't da sa ishit da huo'o ca nchoxonnataguec.

Nuevo Testamento Toba Sombrero Negro

³¹ “Qo'che' ami ja'aĝatema queda'me Dios yapalaĝa't ena'uaque ga'me loecopi joga'me jiyaĝadipi nataq'aen ena'uaque gaa'me ja 'noe'n 'me nenaĝatedegue nale, qalaĝaja ja yapalaĝa't gaa'me 'laqataqa qom ye'uetedac joñe'me Dios Lepaqal 'me ja 'nalegue.

La'aqtaqa Ñim Lo'onatac 'Enauacna 2013

^31-32 Qaq ỹoqta 'eesa da Ñim Lo'onatac 'Enauacna ỹapalaxat ca camachaqca nasouaxashet qataq 'enauac nam qauem maye qanasaqteguec. Na'aictaxa da huo'o ca qauema naua ltaxaỹaxaco da Aỹem detaqtega qalaq Ñim Lo'onatac 'Enauacna nache 'ena'am ichoxoren camaye. Qalaxaye ca sa iyacnapec So Saqcha'a Na'añaxac Qui'itta camaye qaica ca nchoxonnataguec. ¡Camaye ỹataqta qaica ca nchoxonnataguec!

Mateo 12:31 Referans Kwoze

Lucas 12:10

Qaq da huo'o ca camachicague't shiÿaxaua da huo'otaq ÿasaxalec ca qauem ltaxaÿaxac na shiÿaxaua llalec, qaq camayi ishit da huo'o ca nchoxonnataguec. Qalaxayi ca sa iyacnapec ca l'aqtac da detaxaÿa so Espíritu Santo, qaq camayi sa ishit da huo'o ca nchoxonnataguec.

Hebreos 10:29

Qaq ¿táloxochiyictoxo' da saq taÿapigui yi qadvilli qami' da ÿataqta 'itchiguiñi da ÿacteec qome da nhuaxanaguec cam 'ico' petapigui so llalec ñi Dios, qataq ÿataqta saqca ca ÿanaiguilo soua ltago'q, qataq da ishiuen so n'Espíritu ñi Dios mayi ÿauotec camayi? Cha'ayi se'esoua ltago'q nachisoua soua ÿataqta 'itchiyiñi naq'en dam aÿamaxataxac dam chigoqchigui da qui'itta qanqoÿin namayipi.

Hebreos 10:26

Cha'ayi da nachi qadhuennataxa da soqolaqto'ot da so'otaq ca qadasouaxashit, da huo'otaq mashi sauattonaq dam 'eesa lataxac, nachi sa ishit qome da qaltaq huo'o ca qoÿan da qaÿalauat, da yaqto' qaÿapalaxat ca nasouaxashit.

Hechos 7:51

Qaq ñaq queta da ltaxaÿaxac so Esteban, 'eeta': –Qami' nachi 'eetai' da ÿataqta sa qaualaqai, qataq da qan'axaÿaxanaxaqui qataq naua qadquiyaqchilli' 'eeta'am ca saxanaxa da ÿauatton ñi Dios. Qataq nachi 'eetai' da qanpa'aguiñiitague' so Espíritu Santo. Qaq nachi qoñiita'am som hua'au qadta'alliipi.

1 Juan 5:16

Qaq da huo'otaq huo'o ca ÿauaachigui ca l'amqajnataxanaxaua da huo'o ca isoma'aguet lasouaxashit, da huo'otaq sa ishit da taÿa'a naq'en da nleuaxa, qaq no'on da nqouagaxaueelec camayi. Nachi ñi Dios ÿami' camayi da lca'alaxa, da huo'otaq que'eca lasouaxashit sa ishit da taÿa'a naq'en da nleuaxa. Cha'ayi huo'o ca nasouaxashit mayi taÿa'a naq'en da nleuaxa ca shiÿaxaua. Qaq sa ishit da shiitega da qanqouagaxaueelec que'eca nasouaxashit.

1 Juan 1:9

Qalaxayi da sa'axata'q naua qadasouaxashi'te, nachi sepi'aqa'a da ñi Dios ishit da i'ot ca ÿaÿamaqchiguiñi da ÿapalaxat 'enauac na qadasouaxashitpi qataq da iÿouec 'enauac na sa ÿaÿamaxañisat.

Hebreos 6:4

Cha'ayi nam mashi sogote co'ollaxa da qaicoÿadelec da lauattonaxanaxac, qataq mashi sogote da ÿaÿateeta cam ÿan ñi Dios, qataq sogote da tanguit so Espíritu Santo,