Mateo 12:18 - Nuevo Testamento Toba Sur

¹⁸ Que'eca nachica ca maichi ilatac, camayi maichi llica'aguishic, qataq ÿataqta ÿauotaxat camayi, ÿataqta ñitootapeguec. Qaq camayi aÿim sananguit qome ñi ñi'Espíritu da yaqto' i'axatem nam ÿotta'a't shiÿaxauapi dam shiitapeguec da i'ot.

Nuevo Testamento Toba Sombrero Negro

¹⁸ “Jenjo' mach'e yalemaĝajet, Naqaena jena'me yataqachiñe yiquiyac, Nataq'aen mach'e jauotec Choqoda'me ñetotapec. Janoue ñe'me Yepaqal Qaedi 'yaĝatetapema joda'me yataqatelegue joga'me noyaqapi.

La'aqtaqa Ñim Lo'onatac 'Enauacna 2013

¹⁸ «¡Ñaq qauloỹa na ica'aguishec, nam maiche seỹaxana da yaqto' Aỹem do'onataxanot! Aỹem ỹataqta ỹauotaxat namaye. Namaye ỹataqta Aỹem nlaxatchigui da ñetonaxac. Qaq Aỹem sanaigui namaye da lta'araic Saqcha'a Ỹa'añaxac, da yaqto' ỹa'axatem da nalochiguiñi lataxac, 'enauac nam ỹotta'a't shiỹaxauapi.

Mateo 12:18 Referans Kwoze

Lucas 4:18

So n'Espíritu ñi qadataxala' aÿim netanguit, cha'ayi aÿim qoÿanagui da yaqto' sa'axatem da no'on l'axaÿaxac nam choxodaqpi, qataq aÿim qaÿamaxalec da ñataden na huo'o da laquicoxo, qataq da yaqto' sa'axatem da qaisouec na ncoñitaguishicpi, qataq da sanem da nauaañi ñaq'en na qaicaua naua l'ai'te, qataq da yaqto' sesouec nam qaica ca nyacnataguec,

Hechos 10:38

Qataq qami' qauaÿajñiita da 'eetec ñi Dios da ÿanem co'ollaxa so Jesús mayi Nazaret l'ec da l'añaxac so Espíritu Santo, qataq da 'eetec co'ollaq somayi queuotac nachi i'otec da ÿaÿamaqchiguiñi 'enauac na shiÿaxauapi mayi huetaigui da lque'ejnataxanaxac so shiÿaxaua lma'na. Qaq i'ot de'eda, cha'ayi ñi Dios hueta'aguet somayi.

Juan 3:34

Cha'ayi cam namaq ñi Dios, camayi i'axa't naua l'aqtaqa ñi Dios, cha'ayi ñimayi ÿataqta imato'ot naq'en so n'Espíritu da ÿami' camayi.

1 Pedro 2:4

Qaq ÿoqo'oyi qanquiquiu'a qome so qadataxala' Jesús som 'eeta'am ca coma' mayi ÿataqta nca'altauec. Se'eso coma' l'otanec co'olloxochiyi na shiÿaxauapi, qalaxayi ñi Dios lca'aguishic qataq ÿataqta lauotaxat.

2 Pedro 1:17

Qataq sauanaqchigui co'ollaq ñi qadta'a Dios ÿanem somayi da ñi'oxonnataguec qataq da lli'oxoyic. Qataq so l'aqtac mayi qaica ca 'en'am da lli'oxoyic 'eeta': “'Eda da ÿalec mayi ÿataqta ÿauotaxat, damayi ñitootapeguec.”

Colosenses 1:13

Cha'ayi ñimayi qomi' nca'alaxateeguesopa co'ollaxa da lamaxasoxonaxac na napalaxa, huaña, nachi qomi' inoxonaqchiteu'alo da lamaxasoxonaxac so lauotaxat llalec,

Colosenses 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim soota'aguet ñi Timoteo,

Efesios 1:6

Qaq ÿoqo'oyi nachi 'eetai' qome da shi'oxodenaqtac ñi Dios souaxat da lli'oxoyic da lchoxonnataxanaxa mayi qomi' ÿanema, souaxat da qomi' ñi'adaqtau'a so lauotaxat llalec.

Hechos 14:27

Nachi co'ollaq ivildeu'a yi Antioquía, nachi soomayi lapona't na 'amqajnataxanaxaicpi. Nachi i'axattrapeguem namayipi 'enauac nam i'oteque soomayi ñi Dios qataq da 'eetec so qadataxala' da ÿauateu'a da lpi'iÿaxac nam sa ishit da judiopi, da yaqto' ishit da da'amqajnataxan.

Hechos 11:18

Nachi som nqaÿañicpi mayi netaña yi Jerusalén, co'ollaq hua'axaÿa de'eda, nachi nañaxaañi da ltaxaÿaxac, nachi ÿi'oxodeetac ñi Dios, 'eeta': –¡Aja', qachi nachi 'eeteco' ñi Dios da nataq'en ÿanem na saq judiopi, da yaqto' ca'aisalo naua n'onataxaco, qaq yi ishit da huo'o da lca'alaxa mayi chochaq tateec!

Lucas 23:35

Qaq 'enauac na shiÿaxauapi imeteetac somayi qataq ivida'a nam nta'alpi ÿi'iitac, 'eeta': –Nca'alaxateecnaxa ca lÿa. Qaq nagui, qaq no'on da maichi nca'alaxajla't, qom ÿoqta 'eesa nachiñi ñi nta'a nca'alaxaqui mayi lca'aguishic ñi Dios.

Lucas 9:35

Nachi qai'axaÿa so nvilÿaxac, chimaxaigui so l'oc, 'eeta': –'Eda da ÿalec mayi ÿauotaxat, damayi qan'axaÿaxañiÿa.

Lucas 3:22

Nachi so Espíritu Santo anaÿaña somayi, 'eeta'am na qoto' ÿataqta yi'oqta. Ime, nachi chimqot na piguem so n'aqtac, 'eeta': –'Am mayi nachi'am ÿalamaxat ÿalec, 'am ÿauotaxat, aÿim ÿataqta 'am ñitootapeguec.

Marcos 9:7

Nachi anac so l'oc da nalotelguete soomayi. Qaq se'eso l'oc nachi chimaxaigui so n'aqtac, 'eeta': –'Eda da ÿalec mayi ÿataqta ÿauotaxat, damayi qan'axaÿaxañiÿa qome.

Marcos 1:11

Nachi qai'axaÿa so n'aqtac chimqot na piguem, 'eeta': –'Am mayi nachi'am ÿalec, 'am ÿauotaxat, aÿim ÿataqta 'am ñitootapeguec.

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Mateo 12:17

Qaq 'eetec de'eda, yaqto' ishit da ipacchigui co'olloxochiyi dam l'aqtaxanaxac so l'aqtaxanaxanec ñi Dios mayi l'enaxat Isaías co'ollaq 'eeta':