Mateo 12:15 - Nuevo Testamento Toba Sur

¹⁵ Qaq so Jesús co'ollaq ÿaÿaten de'eda, nachi ca'ai yi'iyi hueta'a. Nachi ÿataqta qalota som shiÿaxauapi mayi ca'ategue somayi. Nachi somayi nataden 'enauac nam sa no'onpi.

Nuevo Testamento Toba Sombrero Negro

¹⁵ Qama'le queda'me Jesús nometelegue da'me dojo', ca'e ga'me ue'ta, qanach'e jalcote ga'me jiyaĝadipi equegue ca'li. Jesús e'n yemedegue joga'me leuaĝaiquipi,

La'aqtaqa Ñim Lo'onatac 'Enauacna 2013

¹⁵ Qaq So Jesús co'ollaq ỹaỹaten da naỹamaxattapigui so fariseopi, nache ca'ai yi'iye hueta'a, nache ỹataqta qalota som shiỹaxauapi ca'ategue Somaye. Nache Somaye nataren 'enauac nam sa no'onpi.

Mateo 12:15 Referans Kwoze

Mateo 10:23

Qaq da huo'otaq qami' qaicana'pe da huo'otaq qoviita'a ca pueblo, qalaq qananeltaxañiÿa ca lÿa. Cha'ayi aÿim qami' shinapegalo da ne'ena shiÿaxaua llalec mashi nvi' qom saxanaxa da qaumachi da qauconñiigui 'enauac nam pueblopi mayi lma' na llalaqpi so Israel.

Juan 11:54

Qaq ÿoqo'oyi so Jesús mashi sa ishit da ÿoqta nachaxaata da huetaigui na judiopi. Chaqdata da somayi ca'ai yi 'alhua Judea da nqo'ona yim pueblo Efraín mayi sa qaÿapeque yim tojlec 'alhua. Huaña, nachi hua'a yimayi nnaictagueto soua lapaxaguenataqa.

Juan 7:1

Qaq co'ollaq ime de'eda, nachi so Jesús coleetac yi 'alhua Galilea. Somayi sa ishit da taÿa yi Judea, cha'ayi na judiopi mayi lma' yimayi nshitaique da ÿalauat somayi.

Mateo 19:2

Nachi ÿataqta qalota na shiÿaxauapi na ca'attague' somayi. Huaña, nachi nataden 'enauac so sa no'onpi.

Marcos 6:56

Nachi cam tau'a somayi nam pueblopiolec, huo'otaq nam pueblo lta'adaicpi, huo'otaq naua n'onaxayi, nachi qaÿachauga na nqa'aicpi na sa no'onpi. Nachi qanachoxonnot so Jesús da ishit da ÿashiita da chochi qaipoteu'a na lapo' laÿi. Nachi 'enauac nam ipoteu'a somayi, nachi no'oita.

1 Pedro 2:21

Cha'ayi nachida da huo'o mshi qami' iÿaxanalo ñi Dios. Cha'ayi so Cristo huo'o da nque'ejnaxac souaxat da qoñiita, da yaqto' qomi' ishit da qauloilec somayi, qataq qoquiitelec da lliquiaxac.

Gálatas 6:9

Qaq ÿoqo'oyi sa ishit qome da ñasamaxañi da so'otaq ca ÿaÿamaqchiguiñi. Cha'ayi qom huo'otaq sa ñasamaxañi, nachi qom ivita ca naloqnec, nachi ñaqataq cam naigui ca so'otaqtac.

Juan 9:4

Cha'ayi llaxatemallaxa nagui da ñaq huo'o na na'a'q, nachi aÿim ishit da so'ot da l'onataxanaxac ñim aÿim namaq. Cha'ayi anata cam pe mayi huaigui da sa ishit da huo'o ca qai'ot.

Lucas 6:12

Qaq huo'o so na'a'q nachi so Jesús tashiguemec aso saqaÿoqotchiguemec 'alhua da natamen, nachi imatteec se'eso pe da natameetacot ñi Dios.

Lucas 5:22

Qalaxayi so Jesús ÿaÿaten da lhuennataxa somayipi, nachi 'enapeco': –¿Tá'ainco' yi qadhuennataxaqui dam da'?

Lucas 9:11

Qalaxayi so shiÿaxauapi co'ollaq l'axaÿaxac de'eda, nachi qaica'ateueegue somayi. Nachi so Jesús ÿaconguet 'enauac somayipi, nachi da'aqtaxaatapeguem da ñi Dios nachiñi ñi ilo'ogue 'enauacna, qataq nataden 'enauac na sa no'onpi.