Mateo 11:21 - Nuevo Testamento Toba Sur

²¹ –¡Ÿataqta qami' choxodaxasodo', qami' mayi qoñiitaña yi pueblo Corazín! ¡Nataq'en qami' mayi qoñiitaña yi pueblo Betsaida! Cha'ayi nam netaña yi la ciudad Tiro qataq yi Sidón, da huo'otaq huañáctaxa nam qai'otpi mayi qami' huaiguilo, qaq sogotéctaxa quesom yimayipi da ca'aisalo naua n'onataxaco, qataq da nachaxaata da ÿaayiñi naua alogo na huasouaxaic qataq da nmettala't na alo.

Nuevo Testamento Toba Sombrero Negro

²¹ —¡Degueja da'me adachoĝodec qomle am Corazín, nataq'aen am Betsaida! Qa'a ta'le qoyacha'ña di'me Tiro nataq'aen Sidón da'me jaloĝon dojo' yañoqotaĝanaĝac jo'ne joote ami jaloĝonouelo, qama'le joote 'niyelaĝadetot ca'li ñe'me Dios, yaidiñe ga'me leuo jo'ne dola'y nataq'aen necouadiye ga'me jalo.

La'aqtaqa Ñim Lo'onatac 'Enauacna 2013

²¹ «Qami' maye qarmaye ye Corazín ¡ỹataqta qauem da qa'aita'ague! ¡Nataqa'en qauem da qa'aita'ague qami' maye qarmaye ye Betsaida! Cha'aye nam netaña ye Tiro qataq ye Sidón, da huo'otaq huaña taxa nam qaỹo'otpi maye qami' qaỹachaxanalo, qaq sogotectaxa quesom yemayepi da ca'aisalo naua qauema lataxaco, qataq da nachaxaata da ỹaayiñi naua alogo maye qaica ca lya'c, qataq da imeelec na lqaic na alo da ỹachaxan da naralaxat da lhuennataxac.

Mateo 11:21 Referans Kwoze

Hechos 12:20

Qaq so Herodes ÿataqta dalemataÿa nam shiÿaxauapi mayi netaña yi Tiro qataq yi Sidón. Qalaxayi somayipi co'ollaxa huaxaÿa't da qaÿauotaique qanqo'oneu'a somayi da qaitaxaÿapegue'. Qalaxayi qai'auaxaañi da qaitaxaÿapegue' so Blasto som nta'a lta'adaic mayi ltaua so Herodes, da yaqto' somayi detaxaÿapegue' so nta'a, da yaqto' ÿanem da l-lagaxayic somayipi. Cha'ayi somayipi da lqui'axac nachi ÿachigoxottapiguiña yim n'alhua so nta'a.

Juan 12:21

Nachi namayipi nqochineu'a so Felipe, mayi lma' yi Betsaida yim huaigui yi Galilea. Nachi nachoxodeetacot somayi, 'eeta': –Qomi' 'anqouagueque qome, qomi' sauoqtaique da ñauanaxai' ca Jesús.

Lucas 9:10

Nachi so lapaxaguenatacpi co'ollaq mashi ñi'iguelaq, nachi da'aqtaxaatapeguem so Jesús 'enauac nam i'otpi. Nachi somayi ndoqteeteec somayipi da ÿauegueuga so 'alhua mayi sa qaÿapeque yi pueblo Betsaida.

Marcos 6:45

Qaq co'ollaq ime de'eda, nachi so Jesús i'auaxa'n soua lapaxaguenataqa, ñiyingui naq'en aso barco da i'axasoxoodelec aso lapel da nqo'ootra yi pueblo Betsaida. Qaq somayi n'onañi da ncoyigueetague' na shiÿaxauapi.

Mateo 15:21

Nachi so Jesús ca'ai yi'iyi hueta'a, nachi taÿa so 'alhua mayi sa qaÿapeque yi Tiro qataq Sidón.

Judas 1:11

Qaq ÿataqta ¡choxodaxaso' namayipi! Cha'ayi quetegue da lataxac so Caín, qataq souaxat da nshitaique da nauec añi plata, nachi dashiuec, 'eeta'am so Balaam. Qataq imeuo qanqoÿin, 'eeta'am so Coré co'ollaq qaÿalauat, souaxat da npa'aguenaxac.

Juan 1:44

Qaq se'eso Felipe, somayi nachi lma' yi pueblo Betsaida, yim nataq'en lma' so Andrés qataq so Pedro.

Lucas 6:17

Nachi so Jesús huenoteeguesop aso saqaÿoqotchiguemec 'alhua, lÿata'pe soomayi. Qaq co'ollaq qanviyiña aso lcomadaxalate, nachi somayi qataq soua lapaxaguenataqa nachi vi'iigueta. Qaq nataq'en ÿataqta qalota na shiÿaxauapi chigaqaña 'enauac yim 'alhua l'enaxat Judea, qataq yi Jerusalén, qataq na loigue yi Tiro qataq yi Sidón. Namayipi anac da huotaique da n'axaÿaxana so Jesús, qataq da qanataden da lalolaxa.

Marcos 8:22

Qaq co'ollaq ivilda yi Betsaida, nachi qanauegueu'a so Jesús so qanamaic, nachi qanachoxodeetot somayi, da yaqto' ÿashil-lec.

Marcos 7:31

Nachi so Jesús qaltaq ca'ai yi 'alhua Tiro, nachi tajlec yi Sidón qataq nam pueblopi yim 'alhua Decápolis, chochi ivittaxaama aso lapel mayi huaña yi Galilea.

Marcos 3:8

Qaq co'ollaq qai'axaÿapeguelec da l'amaqchic nam i'otpi somayi, nachi ÿataqta qalota na anaÿa somayi, mayi chigaqa'a yi Judea, qataq Jerusalén, qataq yi Idumea, qataq da le'ego so tala Jordán mayi pa'aigue da yi'oxoñi, qataq yi 'alhua Tiro qataq Sidón.

Mateo 18:7

Qaq ¡ÿataqta sa ÿaÿamaxañi da huo'o nam shiÿaxauapi mayi i'oteguet ca lasouaxashit ca lÿa ana 'alhua! Qaq damayi nachi 'eetai' qome da huo'o. Qalaxayi ÿataqta ¡choxodaxaso' qome ca shiÿaxaua mayi chigoqchigui ne'ena nasouaxashitpi!

Mateo 11:22

Qaq ÿoqo'oyi qami' shinapegalo da que'eca pa'ateec na'a'q qom qaÿauo'o ca nhuaxanaguecna, nachi qami' ÿataqta ÿacteec ca qanhuaxanaguiiqui, qaq saq 'en'am nam netaña yi Tiro qataq yi Sidón.

Hechos 27:3

Qaq so lÿa na'a'q, nachi sovidaxa yi ñigaxasom l'enaxat Sidón. Qaq yimayi nachi huaña da so Julio da ÿataqta ÿaÿamaxatta so Pablo, nachi ÿanem somayi da yaqto' namaqtega na nauattonaxauapi da yaqto' qaitauan.

Lucas 4:26

Qalaxayi so Elías sa ishit da huo'o aca 'oonole pa'ai asom netalec so n'alhua na Israel llalaqpi da qaÿamaxa. Qaq nachasota asom netaña yi Sarepta yim sa qaÿapeque yi la ciudad l'enaxat Sidón.

Marcos 7:24

Nachi so Jesús ca'ai ca hueta'a, nachi taÿa yi 'alhua Tiro qataq yi Sidón. Nachi co'ollaq taigui ca noÿic, nachi nshitaique da sa ishit da huo'o ca noma somayi, qalaxayi sa ÿañoxot da nqañoxojñi.

Mateo 26:24

Qalaxayi ne'ena shiÿaxaua llalec, namayi ÿataqta quetegue dam lliquiaxac mayi i'axat naua ñiyigui'shi l'aqtaqa ñi Dios. Qalaxayi ¡ÿataqta choxodaxaso' ñim shiÿaxaua mayi ÿaneuo namayi! Ñi mayi 'onaxáictaxa co'ollaxa da sa ishit da ñiguiñi.

Apocalipsis 6:12

Qaq se'eso qagueta llalec can qaltaq nqat aso lÿa n'anaxanaqte, qaq samata'a, nachi huo'o so lta'adaic nacholaxanaxa. Qaq aso nala' nachi 'om, qaq ÿataqta napanñi. Qaq so ca'agoxoic qalaq ÿataqta 'eeta'am na ntago'q na ltogaxa.

Apocalipsis 11:3

Nachi aÿim qome sama'q caua dos ÿamaxa'shi, da yaqto' i'axa't naua i'aqtaqa, ÿataqta ividaxattreec caua mil doscientos sesenta na'axa'te. Qaq caamayi ÿaatrañi caua alogo lasouaxaqui'.