Mateo 11:18 - Nuevo Testamento Toba Sur

¹⁸ Cha'ayi anac so Juan, qalaq somayi sa ishit da deque'e, qataq sa ishit da nÿomtac, nachi qami' qoñiitega da huo'o ca l'ec leguemaxaic.

Nuevo Testamento Toba Sombrero Negro

¹⁸ Qama'le da'me ami yataqata aueñiya'ama jogaa'me, qa'a novi' ca'li ñe'me Juan, jo'ne ja deque'e uotaĝa ta'le niyomigui ga'me lataĝa, qama'te aueñiyapega da'me uetaye ñe'me payac lepaqal.

La'aqtaqa Ñim Lo'onatac 'Enauacna 2013

¹⁸ Cha'aye so Juan maye nachelaxanataxanaq, somaye nqouaqchettac, qaq qami' qalaq qoñiitega da huo'o ca netaigui saqcha'a na'añaxac leguemaxaic.

Mateo 11:18 Referans Kwoze

Lucas 1:15

cha'ayi que'eca 'ai'alec camayi ÿataqta 'amaqtaqaic qome naq'en ñi Dios. Camayi sa ishit qome da nÿomgui na ÿotta'a't lataxa, qataq ÿataqta nlaqchigui so Espíritu Santo qom saxanaxa da ñiguiñi.

Mateo 3:4

Qaq naua alogo so Juan n'oxonqa, chigaqaiguilo na laue ana camello. Qaq so nsaataxaqui l'oc, qataq chictac ana shiiquioxoi qataq na dapic lli'i.

Juan 10:20

Nachi qalota somayipi na 'eeta': –¿Tá'ainco' yi qaualaqaitapeeguet damayi, yi huo'o ñi l'ec leguemaxaic, qataq huo'o da aloic?

Juan 8:48

Nachi na judiopi 'eetega somayi, 'eeta': –Qomi' ÿataqta 'eesa de'eda qad'aqtac co'ollaq shinaqtac da chochi 'am Samaria l'ec qataq huo'o ñi 'ad'ec leguemaxaic.

Juan 7:20

Nachi na shiÿaxauapi 'enapeco': –'Am huo'o ñi 'ad'ec leguemaxaic, cha'ayi ¿negue'to' ca nshitaique da 'am ÿalauat?

Mateo 10:25

Ÿoqo'oyi ca chochi napaxaguenatac ishit qome da machiguiñi da ivi' da 'eeta'am ca napaxaguenaxala', qataq cam chochi nlatac da ivi' da 'eeta'am ca n'aco'. Cha'ayi cam nataxala' cam nma' da huo'otaq qoÿiitega lataxala' na saq cha'api, qaq ¿huá'ago' ca qoÿiitec da qaitaxaÿa cam llalaqpi?

1 Corintios 9:27

Chaqdata da aÿim souaxan da maichi i'oquiaxac da ÿataqta ÿalaq ñaq'en, yaqto' sa ishit da aÿim sa qaÿalegaqneuo qom ime da sapaxagueetac ca iÿa.

Hechos 26:24

Qaq co'ollaq 'enapec de'eda so Pablo, nachi so Festo 'enapeco': –¡Ÿoqta huo'o da 'oic, 'am Pablo! Souaxat da ÿapacteec da 'anapaxaguenaxac, nachi 'am n'aqchit.

Mateo 9:34

Qalaxayi nam ÿalectaigui na fariseopi 'eeta': –De'eda shiÿaxaua do'otaxaatega da l'añaxac som lataxala' nam saq cha'api da i'odauec nam n'ec leguemaxaicpi.

Mateo 11:17

“Sashiidaqtapiguilo naua qadashiide, qalaq qami' sa ishit da qauasochi; qataq so'onaqta'pe naua lalaco na huasouaxaicpi, qalaq sa ishit da qanoÿiñiitac.”

Marcos 3:22

Nataq'en huo'o na anac na dapaxaguenataxaatapeguec na nqataxacpi mayi chigaqa'a yi Jerusalén. Nachi namayipi 'eeta': –De'eda shiÿaxaua, da mayi netaigui ñi Beelzebú ñim lataxala' nam n'ecpi leguemaxaic, qaq nachiñi ñim do'otaxaatega da l'añaxac da i'odauec ne'ena n'ecpi.

Juan 8:52

Nachi na judiopi 'enapego' somayi, 'eeta': –Qomi' nagui saÿajnaqta da 'am huo'o ñi 'ad'ec leguemaxaic. Cha'ayi so Abraham qataq 'enauac so l'aqtaxanaxanecpi ñi Dios, somayipi co'ollaxa ileu, qalaq 'am qonapec: “Da ca ÿalaxaguet cam shinapec, nachi camayi sa ishit da nauane' da ileu.”