Mateo 10:28 - Nuevo Testamento Toba Sur

²⁸ Qaq sa ishit qome da qayi'iÿai cam ishit da ÿalauat da n'oquiaxac, qalaxayi sa ishit da ÿalauat som lqui'i. Chaqdato' qome da qayi'iÿai añi Dios mayi ishit da nlaxajñi da n'oquiaxac qataq som lqui'i, da ÿasaxaña cam nhuaxanqa' na 'itaxaloxoicpi.

Nuevo Testamento Toba Sombrero Negro

²⁸ Ena'te at'oyiyalo gaa'me jo'ne yaqanate't ta'le ami yala't, qa'a ja yaqanate't ta'le yala't ñe'me adepaqali. Nach'edata da'me at'oyiyapega ñe'me jo'ne yaqanatet ta'le ami yamaĝauelo di'me ne'uaĝanaqa' ga'me loeco lo'olpi jo'ne payac 'lachaqa' qaedi yapalaĝat ñe'me adepaqali nataq'aen ga'me adapachi.

La'aqtaqa Ñim Lo'onatac 'Enauacna 2013

²⁸ Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Mateo 10:28 Referans Kwoze

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

Santiago 4:12

Qalaxayi 'oonolec ñim ÿan na nqataxacpi, qataq nachiñi ñi nmit na nasouaxashit. Qaq nachiñi mayi ishit da deca'alaqtaxan qataq delaqtaxan. Qalaq 'am, ¿négue't 'am da 'anmit ca lasouaxashit ca 'adÿa?

1 Pedro 3:14

Qaq nai'ctaxa da huo'otaq huo'o da qanque'ejnaxaqui souaxat da qui'itta qanachaalataxaqui, qalaxayi ÿataqta qami' machiyiñi. Qataq sa ishit da huo'o ca qayi'iitega, qataq saq qami' qaicolanaqchi't.

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

Hebreos 10:31

Qaq ¡ÿataqta lta'adaic da lchiquiaxac da lhuaqÿaxac ñi Dios mayi nachi 'eetai' da nca'altauec, da huo'otaq huo'o ca ÿaconeu'a!

Mateo 10:26

Qaq ÿoqo'oyi sa ishit qome da qayi'iitega nam shiÿaxauapi. Cha'ayi sa ishit da huo'o ca saq cha'a lataxac da huo'otaq sa qaÿaÿaten, qataq sa ishit da huo'o ca qoÿoxottapiguiñi da huo'otaq sa qaÿanata.

Hebreos 11:35

Huo'o na 'alpi nataq'en ishit da qaltaq nauane' na lqatacpi da qaltaq qanca'alaxateec. Qataq huo'o na ileu souaxat da nque'ejnaxac, cha'ayi sa ÿaconguet da yaqto' qoÿaxaneec. Cha'ayi nshitaique da ivida'a qom qaltaq qanca'alaxateec na leuaxaicpi mayi qaica ca 'en'am qome ca achaalataxac.

Hechos 21:13

Qalaxayi so Pablo 'enapec: –¿Tá'ainec yi qanoÿiñiitac qataq qanshiitaique da aÿim qauaquicoqchichi? Yi aÿim ÿataqta qaica ca shictega, nai'ctaxa da huo'otaq aÿim qaicoñi', huo'otaq da aÿim qaÿalauat da huaña yi Jerusalén, souaxat da sasoilec so qadataxala' Jesús.

Mateo 5:22

Qalaxayi aÿim qami' shinapegalo da huo'otaq huo'o ca dalemataÿa ca lÿa, nachi camayi qaÿauo'o ca nhuaxanaguec. Qataq cam ishiuen ca lÿa, qalaq camayi qaÿauegueu'a cam nta'alpi mayi loicnatac na lataxacpi, da yaqto' qanmit. Qataq cam ÿamata'ac qaica ca ÿaÿajnapec ca lÿa, nachi camayi huetalec da lchic da tangui qanqoÿin ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

Juan 5:29

nachi chigoqchiguinguilo naua huachiqui da ñishiguem. Nachi nam i'ottac ca ÿaÿamaqchiguiñi qaltaq nca'aleec, da yaqto' huo'o da lca'alaxa; qaq nam i'ottac ca sa ÿaÿamaxañi, qalaq nca'aleec, da yaqto' qaÿauo'o ca nhuaxanaguec.