Mateo 10:23 - Nuevo Testamento Toba Sur

²³ Qaq da huo'otaq qami' qaicana'pe da huo'otaq qoviita'a ca pueblo, qalaq qananeltaxañiÿa ca lÿa. Cha'ayi aÿim qami' shinapegalo da ne'ena shiÿaxaua llalec mashi nvi' qom saxanaxa da qaumachi da qauconñiigui 'enauac nam pueblopi mayi lma' na llalaqpi so Israel.

Nuevo Testamento Toba Sombrero Negro

²³ Qom ami qoyecaa'tape, oquiya'e di'me oñiya'ña qama'le auapiñeya ga'me noic laqaya. Eja ami ja'aĝatema queda'me ja auaqanachichi ta'le yemeda auecaechiyalo jogaa'me noyaqa jona'me israelpi, chayovida'a male 'ñiyelaq, da'me jayem jo'ne jayem Jiyaĝaua Lec'oĝot.

La'aqtaqa Ñim Lo'onatac 'Enauacna 2013

²³ Qaq ca shiỹaxauapi maye hueta'a ca nỹecpiolec da huo'otaq qami' icana'ape qataq da huo'otaq qami' sa iyacna'ape, nache qananeltaxañi da qanqo'oñiỹa ca laỹepi nỹecpiolec. Cha'aye ỹoqta 'eesa de'era qami' sa'aqtaxanema da Aỹem Shiỹaxaua Llalec, ñe'eguelaq qome ñanactaigui da la'añaxac Ñim Lo'onatac 'Enauacna qom saxanaxa da qaumache da 'enauac qaviyiỹa na nỹecpiolec na lma' na Israel le'ecpi.

Mateo 10:23 Referans Kwoze

Mateo 16:28

Qaq ÿataqta 'eesa de'eda qami' shinapegalo da huo'o nagui na ÿalectauo da sa ishit qome da ileu qom saxanaxa da ilogui na shiÿaxaua llalec qom mashi ñi'iguelaq da nactaigui da l'onataxanaxac da nta'a.

Hechos 17:10

Qaq so nqaÿañicpi nachi ÿataqta sa qaÿaÿaloxon da so Pablo qataq so Silas qaÿamaxadegue da Berea se'eso pe. Qaq co'ollaq ivilyi', nachi nqo'oodeu'a aso laponaxaqui na judiopi.

Hechos 8:1

Qaq so Saulo ÿataqta ÿaÿamaxadeeta da nalaataguec so Esteban. Qaq nachi huetoigui se'eso na'a'q da qaicanaxangui na 'amqajnataxanaxaicpi yi Jerusalén, nachi huo'o na taÿa yi 'alhua Judea qataq yi Samaria. Qaq chaqsouate' soua Jesús lamaxa'shi n'oidañi.

Marcos 13:26

Nachi qaila'aguet qome na shiÿaxaua llalec da nactaigui ca l'oc, ÿataqta qaica ca 'en'am da l'añaxac qataq da lli'oxoyic.

Lucas 21:27

Huaña qome, nachi qaila'a na shiÿaxaua llalec nactaigui ca l'oc ÿataqta qaica ca 'en'am da l'añaxac qataq da lli'oxoyic.

Lucas 18:8

Qaq aÿim shinapec da ÿataqta qaica ca ÿiga ñimayi da iuejlec ca shiÿaxaua. Qalaxayi ne'ena shiÿaxaua llalec qom ñi'iguelaq, qaq ¿peta'a ñaq huo'o qome nam i'amaqteetac namayi nam huetalec ana 'alhua?

Juan 7:1

Qaq co'ollaq ime de'eda, nachi so Jesús coleetac yi 'alhua Galilea. Somayi sa ishit da taÿa yi Judea, cha'ayi na judiopi mayi lma' yimayi nshitaique da ÿalauat somayi.

Mateo 26:64

Nachi so Jesús 'enapeco': –Aja', nachaÿim, nachida dam qonapec. Nataq'en qami' shinapegalo da qami' qauloÿa'a qome na shiÿaxaua llalec da nso'oota'ague na aloic ñim Dios mayi qaica ca ÿaqalanapec, qataq qom anactaigui ca l'oc da ñi'iguelaq.

Mateo 24:30

Huaña, nachi qaila'a na piguem ca l'anaxat na shiÿaxaua llalec. Nachi 'enauac qome na ÿotta'a't shiÿaxauapi noÿiitagui, qom qaila'aguet na shiÿaxaua llalec da nactaigui na l'oc, ÿataqta lta'adaic da l'añaxac qataq da lli'oxoyic.

Hechos 17:14

Qalaxayi so nqaÿañicpi sa ÿaÿaloxonai' somayi da qaÿamaq, da yaqto' taxaama so loigue aso auaxai. Qaq nda'a't so Silas qataq so Timoteo n'oidaña yi Berea.

Mateo 25:13

Nachi so Jesús 'enapeco': –Qami' ÿataqta qanloiteec qome, cha'ayi sa ishit da qauaÿajñi ca na'a'q qataq ca laloqo' da ñi'iguelaq na shiÿaxaua llalec.

Mateo 24:48

Qalaxayi que'eca nlatac, da huo'otaq qauemaic, nachi 'eeta': “Ca ñi'aco' ÿataqta qaÿaloqteguet.”

Mateo 24:27

Cha'ayi camayi 'eeta'am qome da qaila'a ca nqashilgaxa, da chigoqtegue da yi'oxoñi, nachi ividangui da avit, qaq 'eda qome da 'eetec da lvidaxac na shiÿaxaua llalec qom ñi'iguelaq.

Mateo 23:34

Qaq ÿoqo'oyi aÿim ñamaq qome ca i'aqtaxanaxanecpi qataq ca ÿajnaxanaxaicpi qataq ca napaxaguenataxanaqpi. Qalaxayi qami' qome huo'o na qaualauachi qataq qauaxañiiguet ca npe'enaxaqui, qataq huo'o qome na qauaxañiitac da huaigui ana qalaponaxaquiipi, qataq huo'o na qaucañiÿa'alo naua lÿa't puebloyi.

Mateo 4:12

Qaq so Jesús co'ollaq l'axaÿaxac da so Juan qoÿanaigui aca ncoñitaxanaxaqui, nachi somayi taÿa yi 'alhua Galilea.

Mateo 2:13

Qaq co'ollaq mashi je'c soua ÿajnaxanaxaiqa, nachi so lamaxashic ñi qadataxala' nachaxana so José co'ollaq huaigui so l'ochaxa. Nachi 'enapega, 'eeta': –Qoñishiguem qome, nachi 'auacoosop yi nogotolec, qataq añi late'e, nachi 'ananeltaxangue da Egipto. Nachi qoueta'a qome yimayi, to' qom 'am shinapega. Cha'ayi ñi Herodes anac da nmitaique na nogotolec da ÿalauat.

Hechos 20:1

Qaq co'ollaq mashi ime se'eso cotaxac, nachi so Pablo iÿaxanoigui na 'amqajnataxanaxaicpi, da yaqto' ÿanem da lqataxac. Ime, nachi ncoyigueetague' somayipi, nqapaltague', nachi taigue da Macedonia.

Mateo 16:27

Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

Mateo 23:36

Qaq ÿataqta 'eesa de'eda qami' sa'axatema da 'enauac qome ne'ena nasouaxashitpi qaipataxalec qome qanqoÿin na shiÿaxauapi mayi huetaiguilo ne'enaua na'axa'te mayi souaqtaiguilo.

Mateo 24:34

Qaq ÿataqta 'eesa de'eda qami' sa'axatema, da 'enauac qome ne'ena hua'auñi da yi'oq, qom huo'otaq saxanaxa da ileu na shiÿaxauapi mayi huetaiguilo nagui ne'enaua na'axa'te.