Marcos 9:7 - Nuevo Testamento Toba Sur

⁷ Nachi anac so l'oc da nalotelguete soomayi. Qaq se'eso l'oc nachi chimaxaigui so n'aqtac, 'eeta': –'Eda da ÿalec mayi ÿataqta ÿauotaxat, damayi qan'axaÿaxañiÿa qome.

Nuevo Testamento Toba Sombrero Negro

⁷ Qama'le ua'a ca'li needañe ga'me piyem lo'oc jo'ne yapadelo'te jogaa'me. Nataq'aen queda'me chimaqapegoue joga'me lo'oc ga'me nejamaĝa jo'ne enaac: “Jenjo' mach'e yalec jo'ne jauotec: ¡anaquiaĝañiya!”

La'aqtaqa Ñim Lo'onatac 'Enauacna 2013

⁷ Nache saqaỹaloq da anac so lo'oc chegoqo'ot na piguem da naloteleguete soomaye. Qaq se'eso lo'oc chemaxaigui so na'aqtac, 'eeta': «'Era da Ỹalec maye ỹataqta ỹauotaxat, damaye qaualaqaiguet qome.»

Marcos 9:7 Referans Kwoze

2 Pedro 1:17

Qataq sauanaqchigui co'ollaq ñi qadta'a Dios ÿanem somayi da ñi'oxonnataguec qataq da lli'oxoyic. Qataq so l'aqtac mayi qaica ca 'en'am da lli'oxoyic 'eeta': “'Eda da ÿalec mayi ÿataqta ÿauotaxat, damayi ñitootapeguec.”

Mateo 3:17

Nachi qai'axaÿa, chimqot na piguem, 'eeta': –'Eda da ÿalamaxat ÿalec mayi ÿauotaxat. Damayi ÿataqta ñitootapeguec.

Marcos 1:11

Nachi qai'axaÿa so n'aqtac chimqot na piguem, 'eeta': –'Am mayi nachi'am ÿalec, 'am ÿauotaxat, aÿim ÿataqta 'am ñitootapeguec.

Apocalipsis 1:7

Qaq ¡ña qauloÿa, na Cristo nactaigui na l'oc! Qaq 'enauac qome da qaila'aguet, qaq ivida'a qome nam ique'emaqchit ishit da ila'a namayi. Qaq 'enauac qome na ÿotta'a't shiÿaxauapi mayi huetalec ana 'alhua ÿataqta noÿiitagui qome qaila'aguet. Aja', nachi 'eetec.

Hebreos 2:1

Qaq ÿoqo'oyi qomi' qome ÿataqta seloqtegue ca llic dam sa'axasoqchigui, yaqto' sa ishit da 'ico' selamaxataqhuec.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Juan 6:69

Qomi' mashi sogote da sa'amqajnataxanaq, qataq saÿajnaq da nachi'am mayi 'am nta'a nca'alaxaqui mayi 'am llalec ñi Dios mayi nachi 'eetai' da nca'altauec.

Juan 1:34

Qaq aÿim mashi sauaachigui somayi, nachi sa'axattac da somayi nachiso so llalec ñi Dios.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Romanos 1:4

Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa.

Hechos 8:36

Qaq co'ollaq ivitra som huaña da huo'o na 'etaxat, nachi se'eso nta'a 'enapeco': –Ne'ena huo'o na 'etaxat, qaq ¿sa ishito' peta'a da aÿim qanachilaxan?

Hechos 7:37

Qataq nachiso se'eso Moisés so da'aqtaxanem co'olloxochiyi so Israel llalaqpi, 'eeta': “Ñi Dios qami' namaxalo qome ca l'aqtaxanaxanec, camayi maichi qadalamaxachi qadqaÿai, camayi 'eeta'am aÿim da qami' qanamaxalo. Qaq camayi ÿataqta qaualaqaileco' qome.”

Hechos 1:9

Qaq co'ollaq ime da i'axattac de'eda so Jesús, nachi ÿauaachiguilo soomayi co'ollaq naÿoxotchiguem da qaÿaueegue da piguem. Qaq anac so l'oc, nachi taigui. Huaña, nachi sa ishit da qaila'a.

Juan 19:7

Qalaxayi na judiopi 'enapeco': –Qomi' huo'o dam nqataxac mayi qomi' qoÿanema co'ollaxa, qaq damayi 'enapec yi ishit da qaÿalauat ca shiÿaxaua, cha'ayi damayi yi 'eetega da llalec ñi Dios.

Juan 9:35

Qaq so Jesús l'axaÿaxac da qaÿamaqhuec som qanamaic co'ollaxa. Nachi co'ollaq nauane', nachi 'eetega, 'eeta': –¿'Am peta'a 'au'amaqten so llalec ñi Dios?

Juan 5:37

Nataq'en ñi ita'a mayi aÿim namaq, ñimayi ÿataqta 'eesa naq'en de'eda ñi'aqtaguec. Qaq nai'ctaxa da qami' sa qauauañiÿapega da qau'aqaichigui ca lavilÿaxac ñimayi, qataq sa ishit da qauauattoñi ca lashiguiÿaxac.

Juan 5:18

Qaq ÿoqo'oyi na judiopi nquicteec da nshitaique da ÿalauat so Jesús, cha'ayi sa ishit da chaqdata da sa ÿalaxalec da lataxac yi na'a'q mataxaqui, cha'ayi nataq'en 'eetega da 'en'am ñi Dios co'ollaq 'eetega da ÿataqta lta'a ñimayi.

Juan 1:49

Nachi so Natanael 'enapeco': –'Am mayi 'auapaxaguenataxaatac, nachi'am llalec ñi Dios, qataq nachi'am lta'a na Israel llalaqpi.

Mateo 27:54

Nachi so huataxanaq lta'a qataq som laÿipi mayi nauaatalec so Jesús co'ollaq ÿauaachigui so nacholaxanaxa qataq nam laÿipi mayi yi'oq, nachi ÿataqta qalota da lcolanaxa. Nachi somayipi 'enapeco': –Ñi'iñi shiÿaxaua ÿoqta 'eesa da llalec ñi Dios.

Mateo 27:43

Ñi mayi ÿachito'ot da lpi'iÿaxac ñi Dios. Qaq ñi Dios no'on da nca'alaxateec nagui ñimayi, qom ÿoqta 'eesa da lauotaxat. Cha'ayi ñimayi maichi qomi' da'aqtaxaatapeguema co'ollaxa da 'eetega ÿataqta llalec ñi Dios.

Marcos 9:6

Cha'ayi soua lapaxaguenataqa ÿataqta ñi'i' co'ollaxa, ÿoqo'oyi so Pedro sa ÿaÿaten ca nauga.

Marcos 9:8

Qaq co'ollaq namatrashigue'm, nachi qaica ca iloda'a, chaqsota so Jesús ndota't.

Lucas 3:22

Nachi so Espíritu Santo anaÿaña somayi, 'eeta'am na qoto' ÿataqta yi'oqta. Ime, nachi chimqot na piguem so n'aqtac, 'eeta': –'Am mayi nachi'am ÿalamaxat ÿalec, 'am ÿauotaxat, aÿim ÿataqta 'am ñitootapeguec.

Juan 12:28

Qaq 'am ita'a, ña 'au'ot qome ca lli'oxoyic da maichi 'ad'enaxat. Huaña, nachi qai'axaÿa so nvilÿaxac, chimqot na piguem, 'eeta': –Mashi sogote da ÿi'oxodaq ñaq'en damayi, qalaxayi nagui qaltaq shi'iguelaxalec da ÿi'oxodaq ñaq'en.