Marcos 9:50 - Nuevo Testamento Toba Sur

⁵⁰ Na toue, namayi ÿataqta no'on. Qalaxayi da huo'otaq daqat na lli'iuaxa, qaq ¿ishit peta'a camayi da qaltaq huo'o ca taiguet qanqoÿin? Qaq qami' qoñiita'amo' qome ca toue da 'ico' qami' nalecnaxanqa'te, qalaxayi ñi 'oonolec da qoñiita ÿataqta lactapegue' na laÿipi.

Nuevo Testamento Toba Sombrero Negro

⁵⁰ Jalcote onaĝaic ga'me qa'noua; qalaĝaja qom qaya da'me 'louaĝa, ¿jach'e ga'me eeta ta'le auaqanachichi da'me yitaĝa a'uonataĝañiya? 'Noota qom ena'am ta'le ami uetauelo ga'me qa'noua, nataq'aen 'noota qom 'uo da'me at'emaĝaqui da'me aniyamaĝadeñiyapega't.”

La'aqtaqa Ñim Lo'onatac 'Enauacna 2013

⁵⁰ Na toue, namaye ỹataqta no'on. Qalaxaye da huo'otaq deqat da lle'euaxa, qaq ¿ca 'eetec qami' da qavi'eguelaxachiỹa da lle'euaxa? Qaq ỹoqo'oye, qami' iuen da qoñiỹa'am namaye da ỹataqta qami' no'o'n: qauo'oche ca ỹaỹamaqchiguiñi qataq qaulaquiitapiguiñi da qaualliquiitaigui na shiỹaxauapi.

Marcos 9:50 Referans Kwoze

Colosenses 4:6

Naua qadtaxaÿaxacolli' ÿataqta qaÿaÿamaxadeete' qome qataq ÿataqta qanqopitalo. Ñi 'oonolec da detaxaÿapegue' ca lÿa, qalaq ÿaÿaten da ÿaÿamaxatchiguiñi ca lataxac.

Romanos 12:18

Qaq souaxat da qanshiitaique da qaica ca da qanqashiñi 'enauac na shiÿaxauapi, qaq ÿoqo'oyi qan'añaxachi qome, ÿataqta cam tachiguiña ca qauañoxochi.

Mateo 5:13

Qami' qoñiita'am ca toue mayi iuen nam huetalec ana 'alhua. Qalaxayi ca toue, da huo'otaq imeuo na lli'iuaxa, qaq ¿ishit peta'a da qaltaq ÿi'iguelaxalec da no'on? Camayi nachi sa ishit da huo'o ca taiguet. Chaqdata da qaÿasaxauec, qataq chochi pigui nam shiÿaxauapi.

Hebreos 12:14

Qaq ÿataqta qanpogoxoiñiÿapegue' da qaulaquiitapegue' 'enauac na shiÿaxauapi, ÿataqta qui'itta qanqashiñi da qadataxaqui. Cha'ayi ca sa qui'itta naq'en da nachaalataxac, nachi sa ishit da nauane' ñi qadataxala'.

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

1 Ts 5:13

Ÿataqta qauauochiic, qataq ÿataqta qauchoxoyiñi, souaxat da l'onataxanaxac. Qoviitaiguio' da qami' lactrapiguiñi, saqca ca da ñi 'oonolec da qoñiita.

Efesios 4:29

Qataq sa ishit da qauema naua qad'aqtaqalli'. Chaqdata da qan'onaxachi' naua qad'aqtaqalli', yaqto' ishit da nquiguishiguem, qataq huo'o da n'achiquiaxac cam qami' n'axaÿaxaategalo.

1 Pedro 3:8

Qataq iuen da 'enauac da qoñiita ÿataqta 'oonolec da qadhuennataqai, qataq qauchoxoyiñi ca huo'o ca huetapoigui qadÿai. Ñi 'oonolec ÿataqta ÿauotec ca lÿa, 'eeta'am naq'en ca maichi lqaÿa. Qataq ÿataqta qami' choxonnataxanaxaiqa, qataq sa ishit da qami' napagaqnaxaiqa.

Santiago 1:20

Cha'ayi ca shiÿaxaua lemataqaic sa ishit da i'ot ca ÿaÿamaxadeeta ñi Dios.

2 Timoteo 2:22

'Auataueguesopo' qome na lqopitaxanaqtaiguesat da nogotshic. Qoquetelco' da achaalataxac qui'itta, qataq da npi'iÿaxac, qataq da nsoxoyic. 'Anpogoxoinapegue' da qaica ca da 'enauac nam mashi qui'itte' naua lquiyaqte mayi iÿaxaatega da l'enaxat so qadataxala' Jesús da nqouagaxaunot.

Colosenses 3:12

Cha'ayi ñi Dios ÿataqta qami' ÿauoteque, qataq qami' lca'agui'shi, da yaqto' qami' lalamqa'te. Qaq ÿoqo'oyi ÿataqta qai'añiiñi qome da qami' choxonnataxanaxaiqa, huotaxanaqtaqaiqa, qataq sa qami' n'amqajnaxaiqa, qataq huosotta da qadataxaqui, qataq qami' hualaxaunaxaiqa.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Marcos 9:34

Qalaxayi soomayi sa ishit da ÿasa't, cha'ayi soomayi co'ollaq huangui so nqa'aic, nachi ncotatrapigui da chaq negue't soomayi ca ÿoqta ÿacteec da l'amaqchic.

Marcos 9:49

Cha'ayi 'enauac na shiÿaxauapi qaÿi'iguenec ca nodec, qataq 'enauac na nachitaqtaxanaxatpi mayi qaÿavigaxat, namayi qaÿasaxagui na toue.