Marcos 9:44 - Nuevo Testamento Toba Sur

⁴⁴ qataq huetaña na qochi'l mayi sa ishit da ileu. Que'eca nodec sa ishit da qaÿalamat.

La'aqtaqa Ñim Lo'onatac 'Enauacna 2013

⁴⁴ [Qataq hueta'a na qoche'l maye saishet da ileu, qataq ca norec maye saishet da 'om.]

Marcos 9:44 Referans Kwoze

Marcos 9:43

Na maichi 'adhuaq da huo'otaq 'am ÿaueca'aguet ca 'adasouaxashit, qaq no'on da 'auchigueec. Cha'ayi ÿaÿamaqchiguiñi da 'aunoxoneu'a da nca'alaxa, da 'oonolec na 'adhuaq, qalaxayi saq 'en'am da nalota't naua 'adhuaxayi, qaq 'am qaÿasaxaña ca nhuaxanqa' na 'itaxaloxoicpi mayi huaña ca nodec mayi sa ishit da qaÿalamat,

Marcos 9:45

Qataq na 'adapia' da huo'otaq 'am ÿaueca'aguet ca 'adasouaxashit, qaq no'on da 'auchigueec. Cha'ayi ÿaÿamaqchiguiñi da 'aunoxoneu'a da nca'alaxa da 'am tedaic, qalaxayi saq 'en'am da nalota't naua 'adapia'te da 'am qaÿasaxaña ca nhuaxanqa' na 'itaxaloxoicpi mayi huetaña ca nodec mayi sa ishit da qaÿalamat,

Mateo 3:12

Qaq camayi lasoqta'a ca lchigoxosoxonaxat, da yaqto' ichigoq na trigo da nqat na lvi. Ime, qaq ÿoxotoigui ca laÿi'. Qaq na lvi, qalaq ÿavigaxat, ÿasaxangui ca nodec mayi sa ishit da 'om.

Mateo 25:41

Nachi ne'ena nta'a 'enapega qome nam hueta'ague na n'emaq, 'eeta': “Aÿim qoquiÿa'ai qome, qami' mayi qaÿauo'o da qanhuaxanaguiiqui. Qaÿingui yim chochaq tateec nodec mayi qaÿaqataxaatai' da yaqto' qaÿasaxangui so shiÿaxaua lma'na qataq nam lamaxashicpi.

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

Marcos 9:48

cam huetaña na qochi'l mayi sa ishit da ileu, qataq sa ishit da qaÿalamat que'eca nodec.

2 Ts 1:9

Namayipi ÿataqta saq llalcolec da nhuaxanaguec lta'adaic mayi chochi tateec qanqoÿin, qataq qaimaqhuec, ÿataqta qaÿoqteuga qanqoÿin da yaqto' sa ilogui da lli'oxoyic qataq da l'añaxac so qadataxala',

Apocalipsis 14:10

nachi camayi nÿomgui qome dam qaica ca 'en'am da lchiquiaxac lhuaxanaxanaxac ñi Dios, qom ivita da icodeec dam ÿaqataxaatapigui' layiloxo mayi 'eeta'am ca ndoteec lataxa. Nachi camayi ÿataqta nque'etaxangui qome da lqui'ic ca nodec qataq nam quiquiaxadaic mayi ÿavictaigui. Qaq ÿauaachigui qome nam lamaxashicpi ñi Dios qataq so qagueta llalec.

Apocalipsis 20:10

Qaq som shiÿaxaua lma'na mayi ÿatenachit somayipi, qaÿasaxangui so lta'adaic nodec mayi huaña da ÿavictac na quiquiaxadaic, som huaña da qaÿasaxangui co'ollaxa so shiguiÿac qataq so 'eetega da l'aqtaxanaxanec ñi Dios. Huangui se'eso nodec, nachi huo'o da nque'ejnaxac chochaq tatreec 'enauaque naua na'axa'te.

Apocalipsis 20:15

Nachi somayi qaÿasaxangui nam sa ishit da qoÿittau'a aso nanedaxalate nam qanca'alaxateecpi.

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.