Marcos 9:43 - Nuevo Testamento Toba Sur

⁴³ Na maichi 'adhuaq da huo'otaq 'am ÿaueca'aguet ca 'adasouaxashit, qaq no'on da 'auchigueec. Cha'ayi ÿaÿamaqchiguiñi da 'aunoxoneu'a da nca'alaxa, da 'oonolec na 'adhuaq, qalaxayi saq 'en'am da nalota't naua 'adhuaxayi, qaq 'am qaÿasaxaña ca nhuaxanqa' na 'itaxaloxoicpi mayi huaña ca nodec mayi sa ishit da qaÿalamat,

Nuevo Testamento Toba Sombrero Negro

^43-44 “Qom na'me adouaq auachiyoĝotaye da'me aua'uo ga'me adoec, qama'le ¡'noota qom avichaĝayi! 'Noota da'me am jopo da'me aue joda'me at'oyaĝac jo'ne ja 'naidena'a, qalaĝaja ja 'noota ta'le nalo'ta'ajalo naa'me adoua' da'me auec'ata ga'me ne'uaĝanaqa' gaa'me loeco lo'olpi jo'ne payac 'lachaqa', ua'a ga'me dole' jo'ne qaya'te yaqanatet ta'le 'yomaĝat.

La'aqtaqa Ñim Lo'onatac 'Enauacna 2013

⁴³ Na maiche 'arhuaq da huo'otaq 'am ỹaueca'a da sa 'aualaxaguet Ñim Lo'onatac 'Enauacna, qaq no'on da 'aucheguec. Cha'aye ỹaỹamaqchiguiñi da 'aunoxoneua'a da nca'alaxa da 'oonolec na 'arhuaq, saq 'ena'am da nalota't naua 'arhuaxaye, qalaxaye 'am qaỹasaxaña ca hueta'a ca norec maye saishet da qaỹalamat.

Marcos 9:43 Referans Kwoze

Mateo 25:41

Nachi ne'ena nta'a 'enapega qome nam hueta'ague na n'emaq, 'eeta': “Aÿim qoquiÿa'ai qome, qami' mayi qaÿauo'o da qanhuaxanaguiiqui. Qaÿingui yim chochaq tateec nodec mayi qaÿaqataxaatai' da yaqto' qaÿasaxangui so shiÿaxaua lma'na qataq nam lamaxashicpi.

Hebreos 12:1

Qaq ÿoqo'oyi qomi', cha'ayi ÿataqta qalota na qomi' datatau'alo shiÿaxauapi mayi ÿataqta ÿachaxaata da lpi'iÿaxac, nachi no'on da ñi'onaxataqchigui 'enauac nam qomi' sa'apiaqtapigui qataq nam ñi'itaxaloxo mayi qomi' nqanaxatta'pe. Nachi ÿataqta sauoqo'o da qadhualaxavic da ñaqalgoxosoq dam aloxoyaxac dam saqta'ague.

Mateo 5:22

Qalaxayi aÿim qami' shinapegalo da huo'otaq huo'o ca dalemataÿa ca lÿa, nachi camayi qaÿauo'o ca nhuaxanaguec. Qataq cam ishiuen ca lÿa, qalaq camayi qaÿauegueu'a cam nta'alpi mayi loicnatac na lataxacpi, da yaqto' qanmit. Qataq cam ÿamata'ac qaica ca ÿaÿajnapec ca lÿa, nachi camayi huetalec da lchic da tangui qanqoÿin ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

Mateo 3:12

Qaq camayi lasoqta'a ca lchigoxosoxonaxat, da yaqto' ichigoq na trigo da nqat na lvi. Ime, qaq ÿoxotoigui ca laÿi'. Qaq na lvi, qalaq ÿavigaxat, ÿasaxangui ca nodec mayi sa ishit da 'om.

Tito 2:12

Qaq de'eda lqouagaxanaqtaic ñi Dios qomi' ÿapaxaguenque da 'enauac soqolqa'ai na qan'onatagueguesat qataq da qadqopitaxanaqtaic. Qanachi sachoq da achaalataxac da ntel-la't ca shiÿaxaua, qataq no'on da lataxac, qataq nañanot da quetague' ñi Dios, nagui da ñaq souaqta'a ana'ana 'alhua.

Colosenses 3:5

Qaq ÿoqo'oyi qami' ÿataqta imeuo qanqashiñi 'enauac na qan'onataxaqui mayi huetalec ana 'alhua. Qaica qome ca huetapeeguet aca sa lhua, qataq sa ishit da qau'ochi cam ishit da deshipaxanaqtaxan, qataq sa ishit da qoquiitagueto naua qadqopitaxanaqtaicolli' qataq naua qauema qadhuennataxacolli'. Qataq sa ishit da qami' qopitaxanaqtaqaiqa, cha'ayi damayi 'eeta'am da qanatamnot ca nqolac.

Romanos 8:13

Cha'ayi qami' da huo'otaq chaqdata da qoquiitague' cam maichi 'eetapeguec da qadapachiyaxaqui, nachi ishit da qadellivi. Qalaxayi da chigoqchigui qanqashiñi so Espíritu Santo da 'ico' qaualauachi nam 'eetapegueguesat de'eda qadapachiyaxaqui, nachi ishit da qadca'allivic.

Lucas 14:13

Qaq ÿoqo'oyi da ivita da 'au'ot ca 'adqui'axac, qalaq 'auachit nam choxodaqpi qataq na ÿamaxaic qataq nam ñi'idauo naua lchil qataq nam qanamaicpi,

1 Pedro 2:1

Qaq ÿoqo'oyi no'on qome da qai'axañiiuec 'enauac na ÿotta'a't sa ÿaÿamaxañisat. Sa ishito' da qauatenataxañiitac, qataq sa ishit da dos naua qoquiitagueto, qataq sa ishit da qaupa'aguiñiitac ca qadÿai, qataq sa ishit da qami' n'aqtaqa l'o'.

1 Corintios 9:27

Chaqdata da aÿim souaxan da maichi i'oquiaxac da ÿataqta ÿalaq ñaq'en, yaqto' sa ishit da aÿim sa qaÿalegaqneuo qom ime da sapaxagueetac ca iÿa.

Lucas 14:21

Qaq so nlatac co'ollaq mashi ñi'iguelaq, nachi da'aqtaxaatapeguem 'enauac de'eda so n'aco'. Nachi 'enapega so l-latac, 'eeta': “Qojec qome, sa 'anaÿaloxon da qoqueguelo naua lta'al nqa'aico qataq naua nqa'aicolqa nam la ciudad. Ime, qaq 'anauegueuo qome na choxodaqpi qataq nam ÿamaxaicpi qataq nam ñi'idauo naua lchil qataq nam qanamaicpi.”

Mateo 17:27

Qalaxayi da yaqto' sa ishit da huo'o ca qadasouaxashit, qaq no'on da 'anqo'onaxaama qome aso auaxai. Ime, nachi 'auasaxañi aca 'adqoina. Qaq ca hua'auchiguiñi 'adqoishic nÿaq, camayi huetaigui na alap aca anom lcatole. Qaq nachaca qome nalotañi da 'angui aca ishiitenaxanaqte qataq aca 'adshiitenaxanaqte. Ime, qaq 'audouo qome, 'aushiitenaxana.

Marcos 9:44

qataq huetaña na qochi'l mayi sa ishit da ileu. Que'eca nodec sa ishit da qaÿalamat.

Lucas 3:17

Namayi lasoqta'a ca lchigoxosoxonaxat, da yaqto' ichigoq na trigo da iÿotauga ana ala qataq na lvi. Ime, qaq iÿotauga ana ala na trigo da ÿachaigui ca laÿi'. Qaq nam lvi qalaxayi ÿavigaxat, ÿasaxangui cam nodec mayi sa ishit da 'om.