Marcos 9:42 - Nuevo Testamento Toba Sur

⁴² Qaq camachicague't shiÿaxaua da huo'otaq ÿaueca'aguet ca lasouaxashit ca 'oonolec ne'enatai' saq 'amaqtaqpiolec mayi aÿim i'amaqten, nachi camayi no'on da qaicoñida'ac na lqosot ca coma' lta'adaic mayi namaicnaxanaxat, nachi qaÿasaxangui aca auaxai.

Nuevo Testamento Toba Sombrero Negro

⁴² Nataq'aen enaac joñe'me Jesús: —Gamachaqaega ga'me jo'ne en tauelo daa'me loeco nat'olqa jo'ne maliaĝa 'najodolqa da'me jayem p'iida'a, qama'le 'noota da'me qoyecoñeteguet ga'me qa' t'adaic jo'ne dejali ga'me loqojot, qama'le qoyajaĝañgui ga'me noĝop let'adaic.

La'aqtaqa Ñim Lo'onatac 'Enauacna 2013

⁴² Da huo'o ca ỹo'otec ne'enatai' saq 'amaqtaqpiolec maye Aỹem quetague' da ỹaxaañi da Aỹem pi'iỹa'a, nache camaye no'on da qaicoñero'ot na lqosot ca lta'araic coma', ime, nache qaỹasaxangui aso auaxai.

Marcos 9:42 Referans Kwoze

Mateo 18:6

Camachicague't shiÿaxaua da huo'otaq ÿasouaxateguet ca lasouaxashit ca 'oonolec ne'ena qaica ca l'amaqchic mayi aÿim i'amaqteetac, nachi camayi no'on da ÿataqta qaÿasaxangui na laiñi aca auaxai, qoÿaxatot na lqosot ca namaicnaxanaxat coma'.

Mateo 18:10

Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

2 Corintios 6:3

Qaq sa ishit da huo'o ca 'ico' ñaqanaxataqtac, yaqto' sa ishit da qauem da n'aqtaguec da qad'onataxanaxac.

Romanos 16:17

Qami' ÿaqaÿa't, qami' ñachoxodeetoiguilo da ÿataqta qauloiteguet qome nam huesogui naq'en na shiÿaxauapi, qataq 'ico' qui'aqañi naq'en. Cha'ayi namayipi ÿataqta npa'aguene' nam napaxaguenataxanaxacpi mayi mashi qauaÿajñi. Ÿoqo'oyi qoquiÿa'ai qome namayipi.

Romanos 14:13

Qaq ÿoqo'oyi sa ishit qome da ca 'oonolec da shinaqta da quetapeguelec ca l'amqajnataxanaxaua. Chaqdata da qami' qanpogoxoiñiÿapegue' da sa ishit da 'ico' huañi qanqashiñi ca qad'amqajnataxanaxauai, huo'otaq da huo'o qanqashiñi ca lasouaxashit.

2 Pedro 2:2

Qaq ÿataqta qalota qome na quegue da qauem lataxac namayipi. Qaq souaxat namayipi nachi ÿataqta qauem da n'aqtaguec da llic da n'aqtac mayi ÿoqta 'eesa.

Hechos 9:4

Nachi so Saulo najñi. Huaña, nachi hua'axaÿa so n'aqtac, 'eeta': –Saulo, Saulo, ¿tá'ainco' yi aÿim 'aucaatac?

1 Timoteo 5:14

Ÿoqo'oyi ana pa'ai mayi saxanaxa da ÿi'axaina', 'onaxaic da qaltaq huadon, yaqto' huo'o ca llalaqpi, qataq ishit da ilo'ogue ca lma'. Yaqto' qaica ca lligueuo ca depa'aguenataxaatac da huo'otaq ÿasaxalec ca sa ÿaÿamaxañi.

Filipenses 1:10

yaqto' ishit da qauaÿajñi da qalca'aiua'a ca ÿataqta ÿaÿamaqchiguiñi. Qataq yaqto' ishit da qui'itta da qanachaalataxaqui, qataq sa ishit da huo'o ca qami' qaÿasaxalguete qadasouaxashichi qom ivita da ñi'iguelaq so Cristo.

Romanos 15:21

Chaqdata da yaqto' ipacchigui dam 'enapec naua ñiyigui'shi l'aqtaqa ñi Dios, mayi 'eeta': Yaqto' nam sa ishit da nauanapegue' da hua'axagui ca n'aqtaguec somayi ishit da ila'a, qataq yaqto' ÿauatton nam sa ishit da hua'axaÿapeguelec somayi.

Mateo 17:27

Qalaxayi da yaqto' sa ishit da huo'o ca qadasouaxashit, qaq no'on da 'anqo'onaxaama qome aso auaxai. Ime, nachi 'auasaxañi aca 'adqoina. Qaq ca hua'auchiguiñi 'adqoishic nÿaq, camayi huetaigui na alap aca anom lcatole. Qaq nachaca qome nalotañi da 'angui aca ishiitenaxanaqte qataq aca 'adshiitenaxanaqte. Ime, qaq 'audouo qome, 'aushiitenaxana.