Marcos 9:33 - Nuevo Testamento Toba Sur

³³ Nachi mashi ivildeu'a yi la ciudad Capernaum. Qaq co'ollaq huetra'a ca lma', nachi so Jesús inatta'pe soua lapaxaguenataqa, 'eeta': –¿Négue't ca qanqalligochiitapigui qami' can huangui na nqa'aic?

Nuevo Testamento Toba Sombrero Negro

³³ Yovideta di'me Capernaúm. Mane'e ca'li joote netedaue ga'me emec, Jesús yena't jogaa'me: —¿Jach'e ga'me anec'onaĝañiitapiye jena'me adadiqui?

La'aqtaqa Ñim Lo'onatac 'Enauacna 2013

³³ So Jesús qataq soua lapaxaguenataqa ivildeua'a ye nỹecpi ye Cafarnaúm. Qaq co'ollaq mashe huetra'a ca nỹec, nache So Jesús inatta'ape soua lapaxaguenataqa, 'eeta': «¿Negue't ca qanqalloxocheetapigui qami' so ñanaguenaqtague' na nqa'aic?»

Marcos 9:33 Referans Kwoze

Hebreos 4:13

Qaq sa ishit da huo'o ca 'oonolec nam l'onatacpi ñi Dios da huo'otaq ishit da nqañoxochiisop ñimayi. Cha'ayi 'enauac namayipi ÿataqta yi'oqta qataq ÿaateec naq'en da ilotalec ñim huo'o ca na'a'q qaq ñachaataxau'a da sa'axataxam ca qad'onataxanaxac.

Apocalipsis 2:23

Qataq salauat qome 'enauac na llalaqpi, yaqto' 'enauac na 'amqajnataxanaxaicpi ishit da ÿaÿaten da aÿim 'eesa da saÿateetac cam saq cha'a nhuennataxac qataq da nquiyaqteÿaxac. Qataq ñi 'oonolec da qoñiita seshiitenguet cam naigui ca i'ottac.

Juan 21:17

Nachi qaltaq ÿi'iguelaxalec da inat, 'eeta': –'Am Simón mayi 'am llalec so Jonás, ¿peta'a aÿim 'auauotec? Nachi so Pedro ÿataqta naquicochiguiñi, souaxat da mashi ivi' tres da qaÿi'iguelaxalec da qainat da ÿoqta 'eesa da dauotaxanaqta. Nachi somayi 'enapeco': –'Am ÿataxala', 'am 'auaÿaten mque' 'enauac da ÿataxac, qataq 'auaÿateeta da ÿataqta 'am ÿauotaxat. Nachi so Jesús 'enapego' somayi, 'eeta': –'Aulo'ogue qone' ana ilopi qagueta.

Juan 2:25

Qaq sa ishit da iuen da huo'otaq huo'o ca da'aqtaxanem somayi da lataxac na shiÿaxauapi, cha'ayi somayi maichi ÿaÿateetac na lhuennataxacpi na shiÿaxauapi.

Marcos 2:8

Qalaxayi so Jesús, somayi maichi ÿaÿateetac da lhuennataxac namayipi. Nachi 'enapego', 'eeta': –¿Tá'ainco' yi qadhuennataqai de'eda?

Mateo 17:24

Qaq so Jesús qataq soua lapaxaguenataqa co'ollaq mashi ivitra yi pueblo Capernaum, nachi nam ÿacootapeeguet ana nshiitenaxanaqte da qaishiiten aso n'onaxanaxaqui, namayipi nau'a so Pedro, nachi inattac, 'eeta': –¿Ñi qami' ÿapaxagueeta'pe peta'a sa ishit da ishiiten añi n'onaxanaxaqui?

Marcos 3:19

qataq so Judas Iscariote, mayi ÿaneuo co'ollaxa so Jesús. Qaq co'ollaq ime, nachi so Jesús inoxonoigui ca noÿic, nataq'en soua lapaxaguenataqa.