Marcos 9:31 - Nuevo Testamento Toba Sur

³¹ Cha'ayi somayi i'axattapeguema soua lapaxaguenataqa da 'eeta': –Na shiÿaxaua llalec qoÿanoigui qome na shiÿaxauapi, da yaqto' ÿalauat. Qalaxayi qom ivi' caua tres na'axa'te, nachi qaltaq nca'aleec.

Nuevo Testamento Toba Sombrero Negro

³¹ qa'a uetauelo gaa'me lapaĝaguenataqa qaedi cha'li yapaĝague'n. Nale enaac: —Jayem jo'ne yataqachiñe Jiyaĝaua Lec'oĝot male ja'ta da'me jayem qoyanouelo joga'me jiyaĝadipi qaedi jayem qoyalat. Qalaĝaja yenoĝodegue tres gaa'me noloqo'ote qama'le 'ñiyelaĝajeguem.

La'aqtaqa Ñim Lo'onatac 'Enauacna 2013

³¹ cha'aye Somaye huotaique da nalemaqte' da ỹapaxague'n soua lapaxaguenataqa nache, 'eeta': «Aỹem Shiỹaxaua Llalec Aỹem qoỹaneua'a qome na shiỹaxauapi da yaqto' Aỹem ỹalauat. Qalaxaye qom inoxoore'c caua tres na'axa'te, nache qaltaq ñeca'alec.»

Marcos 9:31 Referans Kwoze

Mateo 16:21

Qaq huaña, nachi so Jesús ÿataqta da'aqtaxaatema soua lapaxaguenataqa, 'eeta': –Aÿim saigue da Jerusalén. Qaq huaña qome yimayi, nachi na nquedoxonecpi qataq na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios, qataq nam dapaxaguenataxaatapeguec na lqataxacpi so Moisés, namayipi ÿataqta qalota qome naq'en da ñique'ejnaxac, qataq aÿim qaÿalauat. Qalaxayi qom mashi inoxoodeec caua tres na'axa'te, nachi qaltaq ñica'aleec.

Marcos 9:12

Nachi somayi 'enapeco': –'Eesa ca Elías da hua'auñi da nvi' qome, da yaqto' ÿaÿamaxajñi 'enauac na lataxaguesat. Qalaxayi ¿huá'ago' ca 'eetec naua ñiyigui'shi l'aqtaqa ñi Dios yi nataq'en i'axat da 'eetec qome cam shiÿaxaua llalec? Da huo'o da nque'ejnaxac qanqoÿin qataq da n'otanaguec.

Marcos 8:31

Huaña, nachi da'aqtaxanema soomayi, 'eeta': Ne'ena shiÿaxaua llalec ÿataqta qalota qome da nque'ejnaxac, qataq ÿamaqhuec qome namayi na nquedoxonecpi, qataq na lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi. Qataq i'axatema soomayi da somayi taÿa'a da qaÿalauat, qalaxayi qom mashi inoxoodeec caua tres na'axa'te, nachi qaltaq nca'aleec.

Lucas 24:26

¿Sa qauaÿajñiÿo' peta'a da que'eca nta'a nca'alaxaqui hua'auñi qome da huo'o da nque'ejnaxac qom saxanaxa da inoxoneu'a ca lli'oxoyic?

Mateo 26:2

–Qami' qauaÿajñi da qom inoxoodeec ne'enaua dos na'axa'te, nachi nnoxoneuo ca na'a'q mayi huetoigui da qaiuennate so na'a'q co'ollaq qanayica'ai yi Egipto. Nachi na shiÿaxaua llalec qome qoÿaneuo, da yaqto' qaiuaxaneuo.

Mateo 20:28

Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.

2 Timoteo 2:12

da huo'o da qanque'ejnaxac, nachi 'en'am ñiuanaqhua'a qome da qailo'ogue 'enauacna. Da shinaqpec sa sauattonaq somayi, nachi 'en'am somayi 'enapec qomi' sa ÿauatto'n.

Juan 10:18

Qaica ca ishit da deuotaxanec de'eda ñachaalataxac, qalaxayi maichi aÿim chigoqchigui da san damayi. Qaq aÿim huo'o da shinec da san damayi, qataq da ñi'iguelaxajla't. Qaq 'eda dam aÿim ÿamaxalec ñi ita'a.

Juan 3:14

Qaq de'eda 'eetec co'ollaxa so Moisés da nauaxaÿaxaashiguem so l'enaqtac n'adaxanaq co'ollaq hualec so tojlec 'alhua, qaq nachida da 'eetec nataq'en na shiÿaxaua llalec da namayi taÿa'a da qanauaxaÿaxaashiguem,

Juan 2:19

Nachi so Jesús 'enapeco': –Qomyi qanlaxachiiñi ana n'onaxanaxaqui, nachi aÿim qaltaq ñi'oxooshiguem qome; tres na'axa'te, nachi qaltaq semat.

Lucas 9:44

–Ña qan'axaÿaxañiichigui da shinapec, qataq sa ishit qome da qaucouaÿa'ai, da ne'ena shiÿaxaua llalec qoÿanoigui qome na shiÿaxauapi, qaq namayipi maichi ÿoiqueetac qome.

Mateo 27:63

Nachi qoÿiitega, qoÿiita': –'Am qadataxala', qomi' tachigui qadhuel se'eso shipecaic da l'aqtac co'olla ña nca'altauec, qalaq 'eetega da mashi inoxoodeec caua tres na'axa'te nachi qaltaq nca'aleeguesop da nleuaxa.

Marcos 10:34

Nachi namayipi qome ÿataqta aÿim i'en, qataq aÿim iuaxaatalec, qataq nqaigoqtaigui na ÿashic qataq aÿim ÿalauat. Qalaxayi qom mashi ivi' caua tres na'axa'te, nachi qaltaq aÿim qanca'alaxateec.