Marcos 9:26 - Nuevo Testamento Toba Sur

²⁶ Qaq se'eso n'ec leguemaxaic i'alaq, nachi decopchi naq'en so nsoq. Ime, nachi ca'ai, qalaxayi 'eeta'am naq'en da ileu. Qaq ÿoqo'oyi qalota na 'eetega da ileu somayi.

Nuevo Testamento Toba Sombrero Negro

²⁶ Ñe'me nepaqal jalcote da'me 'yalaqatet ñe'me notolec, nach'eda da'me yitaĝa yecopichaqatet joga'me. Yem qama'le yemta yenoĝonegue qama'le ca'e, yachetai'ndi ena'am da'me yataqachiñe joote yeleu, chane'eja ga'me jiyaĝadipi yepetedapega da'me yataqachiñe yeleu.

La'aqtaqa Ñim Lo'onatac 'Enauacna 2013

²⁶ Nache so saqcha'a na'añaxac leguemaxaic ỹa'alaq, nache decopche naqa'en so nsoq. Ime, nache ca'ai, qalaxaye 'eeta'am naqa'en da ileu. Qaq ỹoqo'oye qalota na 'eetega da ileu so nsoq.

Marcos 9:26 Referans Kwoze

Marcos 9:20

Nachi qanauega somayi so nsoq. Nachi so l'ec leguemaxaic co'ollaq ilo'ot so Jesús, nachi decopchi naq'en so nsoq, nachi ncocatapiguiñi, qataq anac naq'en ana l'alli na alap.

Marcos 1:26

Nachi se'eso n'ec leguemaxaic decopchi naq'en se'eso shiÿaxaua, nachi n'axannec da i'alaq, nachi ca'ai somayi.

Apocalipsis 12:12

Qaq ÿoqo'oyi 'am piguem, qataq 'enauac na 'am netalec, ÿataqta qauamaichiguiñi qome. Qalaxayi ÿataqta choxodaicpiolec qome na netalec ana 'alhua qataq asom auaxai. Cha'ayi so shiÿaxaua lma'na ÿataqta dalemata. Qaq somayi qami' huenoteeguesopa, cha'ayi somayi ÿaÿateeta'a da mashi sa qaÿapeque ca laloqo'.

Marcos 9:18

Camachica pa'aigue, nachi ÿacha'ague ñi'iñi l'ec leguemaxaic da nalaqaañi. Huaña, nachi anac naq'en ana l'alli na alap, qataq inaga't naq'en naua lhue, qa nachi 'eetai' da nquigaxatta'aguet da saqca ca l'añaxac naq'en. Qaq mashi sogote da seÿaxanoto naua 'adapaxaguenataqa, da yaqto' i'oldaue'c ñi l'ec leguemaxaic, qalaxayi sa ÿañoxot.

Mateo 15:22

Nachi aso 'alo mayi Canaán lashi mayi netaña yi'iyi 'alhua, asomayi anac, i'alaqtalec so Jesús, 'eeta': –¡'Am ÿataxala' mayi 'am llalec so nta'a David, aÿim 'auchoxoden qome! Añi ÿale huo'o so l'ec leguemaxaic, añimayi ÿataqta lta'adaic da nque'ejnaxac.

Marcos 9:25

Nachi so Jesús co'ollaq ila'aguet da mashi qalota na shiÿaxauapi, nachi nlaxa so n'ec leguemaxaic, 'eeta': –'Am n'ec leguemaxaic mayi sa 'au'aqtaxanaxan qataq sa hua'aqa 'anqa'en na shiÿaxaua, 'am shinapega da qoca'ai ne'ena nsoq, nachi sa ishit qome da 'avi'iguelaxaigui namayi.

Marcos 9:27

Qalaxayi so Jesús ÿacona na lhuaq somayi, nachi nachaalataxaañi. Nachi somayi nachajñi.