Marcos 9:24 - Nuevo Testamento Toba Sur

²⁴ Nachi so lta'a so nsoq, somayi i'alaq, 'eeta': –¡Sa'amqajnataxan, aÿim 'autauan, yaqto' nquic da i'amqajnataxanaxa!

Nuevo Testamento Toba Sombrero Negro

²⁴ Chane'eja ñe'me let'a ga'me notolec netenec ga'me 'laqatac: —Am jep'iya'a, qalaĝaja ¡'noota qom jayem alecochiya da'me qaedi yataqachiñe am jep'iya'a!

La'aqtaqa Ñim Lo'onatac 'Enauacna 2013

²⁴ Nache so lta'a so nsoq, somaye ỹa'alaq, 'eeta': –¡Aja', sepi'iỹa'a Ñim Lo'onatac 'Enauacna! ¡Aỹem 'autauan, yaqto' nquiguisheguem da ipi'iỹaxac Ñimaye!

Marcos 9:24 Referans Kwoze

Lucas 17:5

Nachi soua lamaxa'shi 'enapegalo' so Jesús, 'eetra': –'Am qadataxala', 'anquigaxatshiguem qome da qadpi'iÿaxac.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Efesios 2:8

Cha'ayi nachida da lqouagaxanaqtaic ñi Dios da huo'o mshi qami' nca'alaxatreec, cha'ayi huo'o da qadpi'iÿaxaqui ñimayi. Qaq damayi sa ishit da qami' chigoqchiguilo, cha'ayi damayi maichi lachitaqtaxanaxat ñi Dios.

2 Ts 1:11

Qaq nachida da huo'o mshi ñoqouagaxaunaqteguelec da qoñiita, seÿaxanaqtacot ñi qadta'a Dios da ña qami' itauanque da ÿataqta qoquiitalec da lliquiaxac da huo'o mshi qami' iÿaxanalo. Nataq'en ñoqouagaxaunaqtacot ñi Dios mayi 'añaxaic da ña ipactelec 'enauac nam ÿaÿamaqchiguiñi qoñiitapeguecpi qataq da l'onataxanaxac da qadpi'iÿaxaqui.

2 Ts 1:3

Qami' qadqaÿa't, qomi' soqolaqtot da sanaqtacot da qan'achiquiaxac ñi Dios, souaxat da qoñiita. Qaq damayi nachi lataxac, cha'ayi qami' ÿataqta nquictashiguem da qadpi'iÿaxaqui qataq da lsoxoyic ñi 'oonolec da ÿauotec ca lÿa, ÿataqta nqochiitauec.

Filipenses 1:29

Cha'ayi qami' qoÿanema da qan'achiquiaxaqui, da yaqto' qau'amaqchiñi so Cristo, qataq da huo'o da qanque'ejnaxaqui, souaxat somayi.

2 Corintios 2:4

Cha'ayi can settapiguiñi asa'aso ÿide, qala ÿataqta lta'adaic da shiita qataq huo'o da ÿaquicoxo, ivida'a da ñoÿiitac. Qalaxayi sa ishit da shiyiñi asomayi da yaqto' qami' ÿaquicoqchi't, qalaxayi chochi ñishitaique da qauaÿajñi da ÿataqta lta'adaic da ÿauotaxanaqtaic da qoñiita.

Hebreos 5:7

So Cristo co'ollaq hueta'a ana 'alhua, qalaq somayi ÿataqta nlamaxaden da nqouagaxaueetac qataq da deÿaxaatac, noÿiito'ot ñim Dios mayi huo'o da l'añaxac da yaqto' nca'alaxateeguesop somayi da nleuaxa. Qalaq ñi Dios hua'axaÿa somayi, souaxat somayi da ÿataqta nañanot ñimayi.

Hechos 10:31

Nachi somayi aÿim 'enapega, 'eeta': “Cornelio, ñi Dios mashi hua'aqtega da 'anqouagaxaunaxac, qataq iuennate dam 'adtaunaxanaxac da 'autauaatac nam huo'o da lhuenaxanaxa.

2 Timoteo 1:4

Qaq naxa da tachigui iuel da 'anneenaxac, nachi huo'o da iyaxa da 'am ñauane', yaqto' aÿim nlaqchigui da ñitonaxac.

Lucas 7:44

Nachi so Jesús ÿamato'ot aso 'alo. Ime, qaq 'enapega so Simón, 'eeta': –¿'Am peta'a 'aulota'a añi'añi 'alo? Can ñinoxonoigui na 'adma', qalaq sa ishit da aÿim 'ai'anem ca 'etaxat da seÿoi' naua ichil. Qalaq añim aña' 'alo yi iÿoi' naua ichil, deÿoxonalo naua lachi', qataq ÿaqaxaÿaxa't, huota'a na laue.

Lucas 7:38

Nachi asomayi noÿiitac, nachi huaqtau'alo naua lchil so Jesús, nachi iÿota'pe, deÿoxonalo naua lachi'. Ime, qataq ÿaqaxaÿaxa't naua lchil somayi, huota'a na laue. Nachi napigoqta'pe, qataq icodelguete som codaxat.

Hebreos 12:17

Qaq qami' qauaÿajñi da co'ollaq imat da imen, nachi co'ollaq ivita so na'a'q da so Esaú nshitaique da ÿaconguet da no'on lliquiaxac mayi ÿami' so lta'a, nachi somayi qaimaqa'aguet. Nai'ctaxa da ÿataqta noÿiitac, qalaxayi mashi sa ishit da nadalaxat ca 'eetec dam mashi i'ot.

Hechos 10:19

Qaq so Pedro ñaq iuennatapega som lauanaqchic, nachi so Espíritu Santo 'enapego' somayi, 'eeta': –Huo'oi daua tres shiÿaxa'u 'am nmittapigui.

Marcos 9:23

Nachi so Jesús 'enapego' somayi, 'eeta': –Da 'aushit da 'au'amqajnataxan, cha'ayi cam da'amqajnataxan, nachi sa ishit da huo'o ca alaq.

Marcos 9:25

Nachi so Jesús co'ollaq ila'aguet da mashi qalota na shiÿaxauapi, nachi nlaxa so n'ec leguemaxaic, 'eeta': –'Am n'ec leguemaxaic mayi sa 'au'aqtaxanaxan qataq sa hua'aqa 'anqa'en na shiÿaxaua, 'am shinapega da qoca'ai ne'ena nsoq, nachi sa ishit qome da 'avi'iguelaxaigui namayi.