Marcos 9:23 - Nuevo Testamento Toba Sur

²³ Nachi so Jesús 'enapego' somayi, 'eeta': –Da 'aushit da 'au'amqajnataxan, cha'ayi cam da'amqajnataxan, nachi sa ishit da huo'o ca alaq.

Nuevo Testamento Toba Sombrero Negro

²³ Jesús 'yateguet: —¿Toqoch'e auenaac: “qom auaqanatet”? ¡Yema qaya'te laqalaic ga'me jo'ne jayem p'iya'a!

La'aqtaqa Ñim Lo'onatac 'Enauacna 2013

²³ Nache So Jesús inat somaye, 'eeta': –¿'Aupi'iỹa'a Ñim Lo'onatac 'Enauacna? Cha'aye cam pi'iỹa'a Ñimaye, nache qaica ca alaq.

Marcos 9:23 Referans Kwoze

Juan 11:40

Qalaxayi so Jesús 'enapeco': –¿Sa ishito' da 'am shiitega caillaxa da huo'otaq 'au'amqajnataxan, nachi ishit da 'aulogui da lli'oxoyic ñi Dios?

Hebreos 11:6

Qaq ÿoqo'oyi sa ishit da huo'o ca chochi ÿaÿamaxadeeta ñi Dios da huo'otaq qaica ca lpi'iÿaxac. Cha'ayi da qanquigueu'a ñimayi, qalaq ñi 'oonolec iuen da ÿataqta i'amaqten ñi Dios da ÿataqta 'eesa da huo'o, qataq i'amaqten da ñimayi ishit da ishiiten cam nmitaique ñimayi.

Marcos 11:23

Ÿataqta 'eesa de'eda qami' sa'axatema, da huo'o ca camachicague't da huo'otaq 'enapega añi qasoxonaxa da 'eeta': “Qoca'ai qome na qonetaña, nachi 'angui aso auaxai,” qaq camayi da sa ishit da ÿoqolguet da l'aqtac, nda'a't da i'amaqten, nachi ishit da ipacchigui.

Mateo 17:20

Nachi so Jesús 'enapeco': –Cha'ayi qami' ÿataqta qapi'olec da qadpi'iÿaxaqui. Qaq ÿataqta 'eesa de'eda qami' shinapegalo nagui da huo'otaq qami' huo'o ca qadpi'iÿaxaqui, nai'ctaxa da lcata'amolec aca ala ana nanguishi l'enaxat mostaza, qalaq ishit da qoñiÿapega aca qasoxonaxa, qoñiita': “Qoca'ai ne'ena qoueta'a, 'anqo'ona ca lÿa 'alhua;” nachi acamayi ishit da ÿalaq. Qaq qami' ÿataqta qaica ca qauqalañiÿapec, da ÿoqta 'eesa da huo'o ca qadpi'iÿaxaqui.

Lucas 17:6

Nachi so qadataxala' 'enapegalo' soomayi, 'eeta': –Qami' da huo'o ca qadpi'iÿaxaqui, nai'ctaxa da 'ico' lcata'amole aca ala ana l'enaxat mostaza, qalaxayi qoñiÿapega ada'ada qo'ipaq late'edai, qoñiita': “Qoca'ai ne'ena qonetaña, ime, qaq qonangui aso auaxai,” qaq ada'ada qo'ipaq ishit da qami' ÿalaxagueta.

Hechos 14:9

Qaq se'eso shiÿaxaua co'ollaq n'axaÿaxaatega da l'aqtaxanaxac so Pablo. Nachi so Pablo co'ollaq ÿamato'ot somayi, nachi ila'a da ÿataqta huo'o da lpi'iÿaxac da qanataden.

Marcos 9:22

Qaq qalota naxa da ñi'iñi l'ec leguemaxaic tangui naq'en na nodec qataq na 'etaxat da nshitaique da ÿalauat. Qaq ÿoqo'oyi da 'aushit, qaq no'on da qomi' 'auchoxode'n da qomi' 'autaua'n.

Marcos 9:24

Nachi so lta'a so nsoq, somayi i'alaq, 'eeta': –¡Sa'amqajnataxan, aÿim 'autauan, yaqto' nquic da i'amqajnataxanaxa!

Mateo 14:29

Nachi so Jesús 'enapeco': –Aja', 'ayala. Nachi so Pedro huenoteeguesop aso barco, nachi petalec na 'etaxat da nqo'oneuga so Jesús.