Marcos 9:20 - Nuevo Testamento Toba Sur

²⁰ Nachi qanauega somayi so nsoq. Nachi so l'ec leguemaxaic co'ollaq ilo'ot so Jesús, nachi decopchi naq'en so nsoq, nachi ncocatapiguiñi, qataq anac naq'en ana l'alli na alap.

Nuevo Testamento Toba Sombrero Negro

²⁰ Chane'eja qoyedouo'o ñe'me Jesús ga'me notolec. Qalaĝaja mane'e ca'li yelo'ot ñe'me Jesús ñe'me nepaqal jo'ne uetaye, qama'le en qopete ñe'me notolec, nataq'aen najoneguet jena'me aleua qama'le nojouoqotapela't, nataq'aen na'ya na'me nedegaĝat jaga'me 'lali.

La'aqtaqa Ñim Lo'onatac 'Enauacna 2013

²⁰ Nache sa qaỹaỹaloxon da qaỹauegueua'a Somaye so nsoq. Nache so saqcha'a na'añaxac leguemaxaic co'ollaq ilo'ot So Jesús, nache decopche naqa'en so nsoq, nache ncocatapiguiñi, qataq anac naqa'en na lcochaxa na alap.

Marcos 9:20 Referans Kwoze

Marcos 1:26

Nachi se'eso n'ec leguemaxaic decopchi naq'en se'eso shiÿaxaua, nachi n'axannec da i'alaq, nachi ca'ai somayi.

Lucas 4:35

Nachi so Jesús nlaxa so n'ec leguemaxaic, 'eeta': –¡'Au'enaxanai', nal'en qoca'ai ne'ena shiÿaxaua! Nachi se'eso n'ec leguemaxaic nachi huañi naq'en so shiÿaxaua, taqtoigui naq'en somayipi. Ime, nachi ca'ai so shiÿaxaua, sa ishit da huo'o ca 'en'ac.

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Lucas 9:42

Qaq co'ollaq mashi nquigueuo so nsoq, nachi so n'ec leguemaxaic huañi naq'en somayi, nachi ÿi'iguelaxalec da decopchi naq'en. Qalaxayi so Jesús nachi nlaxa se'eso n'ec leguemaxaic, nachi no'oita naq'en so nsoq. Ime, qaq ÿi'iguelaxatot so lta'a.

Lucas 8:29

Qaq 'enapec de'eda somayi, cha'ayi so Jesús ÿamaqtapeguec se'eso n'ec leguemaxaic da ca'ai se'eso shiÿaxaua. Cha'ayi mashi qalotacnaxa da natot naq'en se'eso shiÿaxaua se'eso n'ec leguemaxaic. Nachi na shiÿaxauapi nllañicnaxa somayi da qaicoñidai'salo naua lhua'q qataq naua lchil na lquet, da yaqto' sa dedaÿapigui'. Qalaxayi ñaqaiyita ÿachiapiaxattac, nachi se'eso n'ec leguemaxaic ÿi'iguenaxaneugacnaxa ca tojlec 'alhua.

Marcos 9:26

Qaq se'eso n'ec leguemaxaic i'alaq, nachi decopchi naq'en so nsoq. Ime, nachi ca'ai, qalaxayi 'eeta'am naq'en da ileu. Qaq ÿoqo'oyi qalota na 'eetega da ileu somayi.

Marcos 9:18

Camachica pa'aigue, nachi ÿacha'ague ñi'iñi l'ec leguemaxaic da nalaqaañi. Huaña, nachi anac naq'en ana l'alli na alap, qataq inaga't naq'en naua lhue, qa nachi 'eetai' da nquigaxatta'aguet da saqca ca l'añaxac naq'en. Qaq mashi sogote da seÿaxanoto naua 'adapaxaguenataqa, da yaqto' i'oldaue'c ñi l'ec leguemaxaic, qalaxayi sa ÿañoxot.

Marcos 9:19

Nachi so Jesús 'enapeco': –¡Aicoue nam na' shiÿaxauapi yi sa da'amqajnataxan! ¡Mashi huo'oi soua na'axa'te da qami' sootaiguilo, qataq mashi huo'oi soua na'axa'te da qami' ñiualaxaueetapegueto! Ñaq aÿim qanaviquiÿa na nsoq.

Marcos 9:21

Nachi so Jesús inattac so lta'a so nsoq, 'eeta': –¿Chaxan lcáte' soua na'axa'te da 'eeta'ac de'eda? Nachi somayi 'enapeco': –Qomyi naquitchigueme'.

Lucas 9:39

Huo'o so n'ec leguemaxaic imattaigui, nachi i'alaqchittac qataq icopchaqchit. Nachi anacnaxa naq'en na lcochi na alap. Qaq qaica ca lyac naq'en, qataq sa ishit da ÿaxaneec.