Marcos 9:17 - Nuevo Testamento Toba Sur

¹⁷ Nachi huo'o som ÿalectauo ÿasat, 'eeta': –'Am mayi 'auapaxaguenataxaatac, na ÿalec 'am ñauegueu'a, namayi huo'o ñi l'ec leguemaxaic mayi sa ishit da i'aqtaxanaxan.

Nuevo Testamento Toba Sombrero Negro

¹⁷ Qama'le 'uo ñe'me jiyaĝaua jo'ne chiyaqauelo ga'me jiyaĝadipi jo'ne enaac: —Paĝaguenataĝanaĝaic, jenjo' yalec am ñeda'a, qa'a 'uo ñe'me payac lepaqal jo'ne uetaye jo'ne en chiyoĝojec q'aen.

La'aqtaqa Ñim Lo'onatac 'Enauacna 2013

¹⁷ Nache huo'o som ỹalectauo ỹasat, 'eeta': –'Am Napaxaguenataxanaq, 'am ñauegueua'a da ỹalec, cha'aye damaye huo'o ñi netaigui saqcha'a na'añaxac leguemaxaic maye saishet da ỹashenem da da'aqtaxan.

Marcos 9:17 Referans Kwoze

Lucas 11:14

So Jesús i'ottapeguec so n'ec leguemaxaic mayi qaicaua naua l'aqtaqa naq'en so shiÿaxaua, qaq co'ollaq mashi inoxoneec so n'ec, nachi ishit da detaqa som qaicaua l'aqtaqa. Nachi na shiÿaxauapi ÿataqta huo'o da l'aalaxa de'eda.

Marcos 9:25

Nachi so Jesús co'ollaq ila'aguet da mashi qalota na shiÿaxauapi, nachi nlaxa so n'ec leguemaxaic, 'eeta': –'Am n'ec leguemaxaic mayi sa 'au'aqtaxanaxan qataq sa hua'aqa 'anqa'en na shiÿaxaua, 'am shinapega da qoca'ai ne'ena nsoq, nachi sa ishit qome da 'avi'iguelaxaigui namayi.

Juan 4:47

Qaq se'eso ltaua so nta'a co'ollaq l'axaÿaxac so Jesús da chigaqa'ague da Judea da nvita yi Galilea, nachi nqo'ona cam hueta'a, nachi nachoxodeetot somayi, da yaqto' taÿa ca lma' da nataden so llalec mayi mashi ileetapigui'.

Lucas 9:38

Nachi huo'o so shiÿaxaua detaqa, ÿataqta n'axannec da l'aqtac, chimaqtoigui se'eso shiÿaxauapi, 'eeta': –'Am mayi 'auapaxaguenataxaatac, ña 'aumeten yi ÿalec. Ten, nachaqyita 'oonolec ÿalec.

Marcos 10:13

Nachi huo'o na qanauegueu'a ñaqpiolec so Jesús, da yaqto' somayi ÿashil-lec, qalaxayi soua lapaxaguenataqa nachi nlaqtrega na nauectapegueuo namayipi.

Marcos 7:26

Qaq asa'aso 'alo chigaqhuec, asomayi chigaqaigui na Sirofenicia l'ecpi. Qaq asomayi anac da iÿaxanot so Jesús, da yaqto' i'odauec so l'ec leguemaxaic aso llale.

Marcos 5:23

Nachi ÿataqta nachoxodeetot, 'eeta'; –Ayi ÿale mashi ileetapigui'. Ña 'auanáctaxa da 'auashil-lec, yaqto' no'oita qataq nca'aleec.

Mateo 17:15

–'Am ÿataxala', ÿataqta 'auchoxoden qome da ÿalec, cha'ayi damayi copchaxaic qataq ÿataqta lta'adaic da nque'ejnaxac. Cha'ayi qalota naxa da tangui na nodec, huo'otaq na 'etaxat.

Mateo 12:22

Huaña, nachi qaÿauegueu'a so Jesús so shiÿaxaua mayi qanamaic qataq qaicaua naua l'aqtaqa. Somayi huo'o so l'ec leguemaxaic. Nachi so Jesús no'oita naq'en somayi, nachi se'eso shiÿaxaua ishit da nauaachiguiñi, qataq huo'oi naua l'aqtaqa.

Mateo 9:32

Qaq co'ollaq chochi je'c soomayi, nachi huo'oi soua shiÿaxa'u naueguedeu'a so Jesús so qaicaua naua l'aqtaqa mayi huo'o so l'ec leguemaxaic.

Marcos 9:16

Nachi so Jesús denataxan, 'eeta': –¿Négue't cam qanqalligochiitapigui?

Marcos 9:18

Camachica pa'aigue, nachi ÿacha'ague ñi'iñi l'ec leguemaxaic da nalaqaañi. Huaña, nachi anac naq'en ana l'alli na alap, qataq inaga't naq'en naua lhue, qa nachi 'eetai' da nquigaxatta'aguet da saqca ca l'añaxac naq'en. Qaq mashi sogote da seÿaxanoto naua 'adapaxaguenataqa, da yaqto' i'oldaue'c ñi l'ec leguemaxaic, qalaxayi sa ÿañoxot.