Marcos 8:38 - Nuevo Testamento Toba Sur

³⁸ Cha'ayi ca aÿim da'aguelec qataq dam i'aqtaxanaxac, da ncaxa nam shiÿaxauapi mayi ÿalat ñi Dios qataq 'itaxaloxoicpi, nachi ne'ena shiÿaxaua llalec nataq'en ÿataqta da'aguelec camayi, qom ivita da ñi'iguelaq da nactaigui da lli'oxoyic ñi lta'a qataq na lamaxashicpi mayi qui'itta.

Nuevo Testamento Toba Sombrero Negro

³⁸ Qa'a qom 'uo ga'me jayem nepocoĝolegue nataq'aen daa'me 'yaqataqa qom dajoya'agueta jena'me jenjo' jiyaĝadipi jo'ne ja jayem 'te p'iida'a, jo'ne loeco lo'olpi, qama'le nach'e ena'am da'me jayem jo'ne yataqachiñe Jiyaĝaua Lec'oĝot ñepocoĝolegue joga'me qom yitaĝa 'ñiyelaq nataq'aen da'me jayem uetaue da'me 'lonaĝac ñe'me Yet'a nataq'aen jogaa'me piyem laje' jo'ne ja 'nalo'te.

La'aqtaqa Ñim Lo'onatac 'Enauacna 2013

³⁸ Da qaualliquiitaigui ne'ena shiỹaxauapi maye 'etaxaloxoicpi qataq saishet da ỹaconeguet Ñim Lo'onatac 'Enauacna, nache saishet da Aỹem qaua'aquiiteguelec qataq naua ỹa'aqtaqa. Qaq da Aỹem qaua'aquiilec, nache nataqa'en Aỹem Shiỹaxaua Llalec qami' sa'agueleguete qom ñe'eguelaq da ñanactaigui da la'añaxac Ñim Ita'a qataq na lamaxashecpi.»

Marcos 8:38 Referans Kwoze

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

1 Juan 2:23

Qaq 'enauac nam ÿoqolguet som llalec ñi Dios, namayipi sa ishit da hueta'aguet ñi qadta'a. Qalaxayi nam sa ishit da ÿoqolguet so llalec ñi Dios, namayipi nataq'en hueta'aguet ñi qadta'a.

Santiago 4:4

¡Qami' mayi qai'axañiiuec da qauauochiic ñi Dios! ¿Qami' sa qauaÿajñiÿo' da ca shiÿaxaua da nauote' na nqopitaxanaqtaicpi mayi huetalec ana 'alhua, nachi camayi 'ico' npa'aguenaxaua ñi Dios? Qaq ca ÿi'iguena'a da nauote' na nqopitaxanaqtaiguesat mayi huetalecna, que'eca shiÿaxaua ÿataqta npa'aguene' ñi Dios.

Lucas 9:26

Cha'ayi ca aÿim ncoxolec qataq da i'aqtac, qaq nataq'en na shiÿaxaua llalec ncoxolec camayi, qom ivita da ñi'iguelaq da nta'a, nactaigui da lli'oxoyic ñi lta'a qataq nam qui'itta lamaxashicpi piguem l'ecpi.

2 Timoteo 1:8

Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

Mateo 26:64

Nachi so Jesús 'enapeco': –Aja', nachaÿim, nachida dam qonapec. Nataq'en qami' shinapegalo da qami' qauloÿa'a qome na shiÿaxaua llalec da nso'oota'ague na aloic ñim Dios mayi qaica ca ÿaqalanapec, qataq qom anactaigui ca l'oc da ñi'iguelaq.

Mateo 16:27

Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

Hebreos 11:26

Qataq 'eeta'am da ÿataqta sallaxanec naq'en da huo'otaq sa ishit da qaiyacnapec souaxat da huasoilec so Cristo, qaq sa ishit da 'eeta'am naq'en 'enauac na yi'oqchigui nsallaxa yi Egipto. Cha'ayi somayi ÿataqta ilota'a que'eca lshiitenaxanaxac ñi Dios mayi ÿami' qominchiyi somayi.

Hebreos 11:16

Qalaxayi somayipi ña ipactega cam ÿataqta no'on lalamaxat lma', cam nma' mayi hueta'ague da piguem. Qaq ÿoqo'oyi ñi Dios sa ishit da n'aloxootac da namayipi ÿamata'ac ñimayi da ÿataqta lta'a Dios, cha'ayi ñimayi sogote da ÿaqataxaatapigui' cam naciudad namayipi.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

Mateo 12:39

Nachi so Jesús 'enapeco': –Na shiÿaxauapi mayi qauemaicpi qataq ca'ai ñi Dios, namayipi nagui iÿaxaataique da qai'ot ca n'anec mayi sa qaÿauanapega. Qalaxayi sa ishit qome da qoÿami' camayi, cha'ayi chaqsota som n'anec mayi huaigui co'ollaxa so l'aqtaxanaxanec ñi Dios, l'enaxat Jonás.

Juan 1:51

So Jesús nataq'en 'enapeco': –Ÿataqta 'eesa de'eda qami' sa'axatema nagui, da qami' qauloÿa'a qome na piguem qom qanauatoigui, nachi na namaxashic piguem l'ecpi taÿashiguemecda, qataq da naÿaña na shiÿaxaua llalec.

Mateo 25:31

Qaq qom ivita da ñi'iguelaq na shiÿaxaua llalec da nta'a, nactaigui 'enauac na lamaxashic piguem l'ecpi, nachi nso'oongui aca nso'onaxaqui mayi ÿi'oxodaq da nta'a.

Mateo 24:30

Huaña, nachi qaila'a na piguem ca l'anaxat na shiÿaxaua llalec. Nachi 'enauac qome na ÿotta'a't shiÿaxauapi noÿiitagui, qom qaila'aguet na shiÿaxaua llalec da nactaigui na l'oc, ÿataqta lta'adaic da l'añaxac qataq da lli'oxoyic.

Lucas 19:26

Nachi som nta'a 'enapeco': “Aÿim qami' shinapegalo da ca huo'o ca hueto'ot, qalaq camayi ÿacteec qanqoÿin ca qoÿami'; qaq cam qaica ca hueto'ot, qalaq nachi 'en'am ivida'a da qaiuotaxanec cam saq 'amaqtaq mayi hueto'ot.

Mateo 13:41

Na shiÿaxaua llalec namaq qome na lamaxashicpi piguem l'ecpi da nqateeguesop da l'onataxanaxac 'enauac nam ÿasouaxateguet ca lasouaxashit ca lÿa, qataq nam i'ottac na qauempi.

Hebreos 13:13

Qaq ÿoqo'oyi ñoqo'onaxauga qome so Jesús mayi huetauga que'eca qaÿoqteuga se'eso qanayiutaña, da yaqto' nataq'en ñique'etaxanaxagui da sa qaÿauo'o ca qanyacnataguec, da shinaqta'am da nque'ejnaxac somayi.

2 Timoteo 1:16

Qaq ñi Dios talec qome naq'en da lchoxonnataxanaxa na lauo' l'ecpi so Onesíforo, cha'ayi somayi saqalota da aÿim i'añaqchit, qataq sa ishit da ncoxolec da aÿim ncoñitaguishic.

Gálatas 6:14

Qaq aÿim, qalaxayi sa ishit da huo'o ca ñi'amqajnaxac; chaqdata da l-leuaxa so qadataxala' Jesucristo co'ollaq qaiuaxanguet so npe'enaxaqui. Cha'ayi nachi chigoqchigui de'eda l-leuaxa so Cristo co'ollaq qaiuaxaneuo da huo'o mshi 'enauac na huetalec ana 'alhua 'eeta'am ñaq'en da leuaxaic, qataq aÿim 'eeta'am naq'en da aÿim leuaxaic.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

Juan 12:34

Nachi na shiÿaxauapi 'enapega somayi, 'eeta': –Qomi' sa'axasoqtega naxa da qaitaxaÿaxaatac ana nede mayi lmalate naua nqataxaco da que'eca nta'a nca'alaxaqui qoÿinapec yi nachi 'eetai' da nca'altauec. Qalaq ¿tá'ainco' yi 'am qonapec da que'eca shiÿaxaua llalec, camayi qananotshiguem? Qaq ¿chaq négue'to' que'eca shiÿaxaua llalec?

Juan 5:27

Qataq ÿanem da l'añaxac, da yaqto' ÿauo'o ca nhuaxanaguec ca shiÿaxaua, cha'ayi nachina nam shiÿaxaua llalec.

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Marcos 14:62

Nachi so Jesús 'enapeco': –Aja', nachaÿim. Qaq qami' qome qauloiÿa'a ne'ena shiÿaxaua llalec da nso'oota'ague da aloic ñi Dios mayi 'añaxaic, qataq qom ñi'iguelaq, nactaigui na l'oc mayi hueto'ot na piguem.

Mateo 16:4

Ne'ena shiÿaxauapi qauemaicpi qataq ÿalat ñi Dios, namayipi nagui iÿaxaataique da qai'ot ca n'anec mayi sa qaÿauanapega. Qalaxayi sa ishit da qoÿami', cha'ayi chaqsota som n'anec mayi huaigui co'ollaxa so Jonás mayi qoÿan. Ime, nachi jec, ca'ai somayipi.

Mateo 8:20

Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Mateo 16:28

Qaq ÿataqta 'eesa de'eda qami' shinapegalo da huo'o nagui na ÿalectauo da sa ishit qome da ileu qom saxanaxa da ilogui na shiÿaxaua llalec qom mashi ñi'iguelaq da nactaigui da l'onataxanaxac da nta'a.

Marcos 8:37

Cha'ayi ¿chaq négue't ca deshiitenaxana ca shiÿaxaua, da yaqto' ishit da ñi'iguelaxajla't da nachaalataxac?

Marcos 13:26

Nachi qaila'aguet qome na shiÿaxaua llalec da nactaigui ca l'oc, ÿataqta qaica ca 'en'am da l'añaxac qataq da lli'oxoyic.

Hechos 10:22

Nachi soomayi 'ena'po': –Qomi' lamaxa'shi ñi huataxanaq lta'a, l'enaxat Cornelio. Ñimayi no'on da lataxac qataq ÿataqta ñi'iÿa ñi Dios. Ÿoqo'oyi 'enauac na judiopi ÿataqta huo'o naq 'enec naq'en qataq lauotaxat. Qaq huo'o so chigaqshiguem Dios lamaxashic 'enapega da 'am namaxasoxona, da yaqto' 'anqo'ona yi lma', nachi ñimayi ishit da n'axaÿaxana cam 'ad'aqtaxanaxac.

1 Ts 2:19

Cha'ayi ¿negue'to' ca i'ot da qanaquitaxac, qataq da qantonaxac? qataq ¿negue'to' ca i'ot da qadamaiquiaxac da ñitonaqtapeguec? Taxaaso' nachida da qoñiita que'eca na'a'q qom ñi'iguelaq so qadataxala' Jesucristo.

1 Ts 3:13

Qataq ñimayi qami' itauanque ca l'añaxac da qadhuennataxaqui, yaqto' ishit da qanaÿañiÿot da saqca ca qadasouaxashichi hueto'ot ñi qadta'a Dios que'eca na'a'q qom ñi'iguelaq so qadataxala' Jesús, da nactaigui 'enauac na lalamaxatpi.

1 Juan 2:28

Qaq ÿoqo'oyi qami' ÿalqolqa, nachi 'eetai' qome da qan'ayiitau'a so Cristo, yaqto' ÿataqta huo'o qome da qadpe'e qom ivita da nachaxan somayi, qaq sa ishit da huo'o ca qad'aloxo qom ivita da ñi'iguelaq.

Apocalipsis 14:10

nachi camayi nÿomgui qome dam qaica ca 'en'am da lchiquiaxac lhuaxanaxanaxac ñi Dios, qom ivita da icodeec dam ÿaqataxaatapigui' layiloxo mayi 'eeta'am ca ndoteec lataxa. Nachi camayi ÿataqta nque'etaxangui qome da lqui'ic ca nodec qataq nam quiquiaxadaic mayi ÿavictaigui. Qaq ÿauaachigui qome nam lamaxashicpi ñi Dios qataq so qagueta llalec.