Marcos 8:35 - Nuevo Testamento Toba Sur

³⁵ Cha'ayi ca nshitaique da maichi nca'alaxajla't, nachi camayi daqat da nachaalataxac; qalaxayi ca daqat da nachaalataxac, souaxat da aÿim quetague' qataq souaxat da n'aqtac, nachi camayi qanca'alaxateec qome.

Nuevo Testamento Toba Sombrero Negro

³⁵ Qa'a ga'me jo'ne jetaque nec'alaĝategue ñe'me lepaqal qaedi ja yeleu, yataqachiñe ja yaqanatet, dite da'me yema qodoĝotaĝanec. Qalaĝaja qom 'uo ga'me jetaque nemela't ñe'me lepaqal qa'a uajoilegue da'me jayem nataq'aen qa'a yaconeguet da'me 'naqataĝanaĝac jo'ne onaĝaic, nach'ega jo'ne qonec'alaĝategue qomle.

La'aqtaqa Ñim Lo'onatac 'Enauacna 2013

³⁵ Cha'aye da nachaqrata da qampogoxoiñeetapegue' da qauauoitaique da qanca'alliiuec, nache deqat da qanachaalataxaqui. Qalaxaye da qanañañi da qaỹa'añi da qanachaalataxaqui souaxat da qaua'axacheetac da no'on na'axaỹaxac, nache qami' qanca'alaxatre'c.

Marcos 8:35 Referans Kwoze

1 Corintios 9:23

Qaq 'eda 'enauac da shiitec souaxat da n'aqtac mayi chigaqaigui da nca'alaxa, yaqto' ishit da nataq'en aÿim ñiuanau'a ca chigaqaigui de'eda n'aqtac.

2 Timoteo 1:8

Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

Lucas 17:33

Ca nshitaique da nachi 'eetai' da nca'altauec, qaq nachica ca daqat da nachaalataxac; qaq cam daqat naq'en da nachaalataxac, qaq nachica cam nca'aleec.

Mateo 16:25

Cha'ayi ca nshitaique da maichi nca'alaxateec da nachaalataxac, qaq camayi daqat. Qalaxayi cam 'ico' ÿaqataqchit da nachaalataxac souaxat aÿim, qaq nachica ca qanca'alaxateec.

Mateo 19:29

Nachi 'enauac nam n'onaxatchigui na lma'pi, huo'otaq ca lqaÿañicpi qataq lqaÿanpi 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na n'alhuapi, souaxat aÿim, nachi camayi ivi' qome ca cien nam qoÿami'pi. Nataq'en qoÿami' dam nca'alaxa mayi chochaq tateec.

Mateo 10:39

Qaq ca nshitaique da maichi nca'alaxateec da maichi nachaalataxac, nachi camayi daqat. Qalaxayi ca 'ico' ÿaqataqchit da nachaalataxac, souaxat da aÿim quetague', nachi camayi qanca'alaxateec.

2 Corintios 12:10

Qaq ÿoqo'oyi samachiguiñi da huo'otaq qaica ca i'añaxac, huo'otaq da aÿim qaishiueetac, huo'otaq da huo'o da iuenaxanaxa, huo'otaq da aÿim qaicaatac, huo'otaq da souaigui ca lqalaic, sasoilec so Cristo. Cha'ayi da huo'otaq ÿapacteec da qaica ca i'añaxac, qalaq ÿacteec da aÿim 'añaxaic.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Lucas 9:24

Cha'ayi ca nshitaique da nachi 'eetai' da nca'altauec, qaq nachica ca daqat da nachaalataxac. Qaq ca daqat da nachaalataxac souaxat aÿim, qaq nachica ca jec da nca'altauec.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

Mateo 10:22

Qataq 'enauac qome nam huetalec ana 'alhua ÿataqta qami' nquiÿalo, souaxat da aÿim qoquiitague'. Qalaxayi ca sa ishit da huo'o ca ÿoqocha'a, chochi ivitta'a ca loga't da nachaalataxac, nachica ca qanca'alaxateec.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

Hechos 21:13

Qalaxayi so Pablo 'enapec: –¿Tá'ainec yi qanoÿiñiitac qataq qanshiitaique da aÿim qauaquicoqchichi? Yi aÿim ÿataqta qaica ca shictega, nai'ctaxa da huo'otaq aÿim qaicoñi', huo'otaq da aÿim qaÿalauat da huaña yi Jerusalén, souaxat da sasoilec so qadataxala' Jesús.

Apocalipsis 7:14

Nachi aÿim shiita': –Aque', 'am ÿataxala', 'am mayi 'auaÿaten. Nachi somayi 'eeta': –Qomyi ne'ena, nachina na chigoqtoigui da lta'adaic que'ejnaxac. Nachina na iÿoi' naua alogo qataq ÿataqta qui'itta, souaxat da deÿoxonalo naua ltago'q ñi qagueta llalec.

Hebreos 11:35

Huo'o na 'alpi nataq'en ishit da qaltaq nauane' na lqatacpi da qaltaq qanca'alaxateec. Qataq huo'o na ileu souaxat da nque'ejnaxac, cha'ayi sa ÿaconguet da yaqto' qoÿaxaneec. Cha'ayi nshitaique da ivida'a qom qaltaq qanca'alaxateec na leuaxaicpi mayi qaica ca 'en'am qome ca achaalataxac.

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Marcos 8:36

Cha'ayi ¿négue't ca ÿachigoxotaigui ca shiÿaxaua da huo'otaq imatta't 'enauac nam huetalec ana 'alhua, qaq da nachaalataxac daqat?