Marcos 8:34 - Nuevo Testamento Toba Sur

³⁴ Nachi so Jesús iÿaxanoiguilo soua lapaxaguenataqa nataq'en na shiÿaxauapi. Nachi 'enapego', 'eeta': –Da huo'o ca nshitaique da aÿim quegue, nai'ctaxa da huo'otaq aÿim ileutalec.

Nuevo Testamento Toba Sombrero Negro

³⁴ Yem qama'le Jesús yemata'a't gaa'me lapaĝaguenataqa nataq'aen yema joga'me jiyaĝadipi, qama'le enaac: —Qom 'uo gamachaqaega jo'ne jetaque jayem ue'tajop qaedi yapaĝaguenatac, 'noota qom ja yitaĝa nenatetala't, nataq'aen 'noota qom yachi jaga'me sodoso qama'le jayem equegue.

La'aqtaqa Ñim Lo'onatac 'Enauacna 2013

³⁴ Qaq co'ollaq ime de'era, nache So Jesús iỹaxanalo soua lapaxaguenataqa, qataq so shiỹaxauapi. Nache 'enapego', 'eeta': «Da qami' qauauoitaique da qami' ỹapaxaguenataqa, nache iuen da qaucoviỹa'ai cam maiche qoñiitapeguec. Qataq iuen da qami' lhuotte' da qanañañi da qami' qaiuaxanegueta ca qanpe'enaxaqui qataq qauo'oche cam shenapec.

Marcos 8:34 Referans Kwoze

Mateo 10:38

Qataq cam aÿim quegue da huo'otaq sa ishit da lhuennataxa da nai'ctaxa da aÿim ileetalec, nachi camayi sa ishit da ÿalamaxat.

Juan 10:27

Cha'ayi anam qagueta mayi selotague', anamayi ÿauatton da ivilÿaxac, qataq aÿim sauatton anamayipi, qaq anamayi aÿim ca'attague'.

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

1 Juan 3:16

Qaq saÿajnaqta da 'eetec da nauotaxanaqtaic, cha'ayi so Jesucristo qomi' ÿapaxaguenque co'ollaq ÿan da nachaalataxac da qomi' ileualguete. Qaq ÿoqo'oyi nataq'en qomi' sanaq da qanachaalataxac da ñañanaxalec na qadqaÿañicpi.

Mateo 16:24

Nachi so Jesús 'enapegalo soua lapaxaguenataqa, 'eeta': –Da huo'o ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue, nai'ctaxa da daqat da nachaalataxac.

Filipenses 3:10

Qataq aÿim ñishitaique da ÿataqta sauattoota so Cristo qataq da l'añaxac co'ollaq nca'aleeguesop qanqoÿin da nleuaxa, qataq da ñiuanau'a da nque'ejnaxac, chochi sevitta'a da shiita'am somayi da seleu.

Romanos 8:17

Qaq nagui da mashi qomi' llalqa ñi Dios, nachi nataq'en ishit da saconaxaguet cam qomi' ÿachaxanapeguema ñimayi. Qalaxayi ÿataqta ñiuanaqte' so Cristo, qaq lamaaxa nagui da ÿataqta qanque'ejnaxaua somayi, da yaqto' ishit qome da ñiuanaqhua'a cam lli'oxoyic somayi.

Lucas 9:23

Qaq ime, nachi 'enapega 'enauac somayipi, 'eeta': –Ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue 'enauaque naua na'axa'te, nai'ctaxa da daqat da nachaalataxac.

Colosenses 3:5

Qaq ÿoqo'oyi qami' ÿataqta imeuo qanqashiñi 'enauac na qan'onataxaqui mayi huetalec ana 'alhua. Qaica qome ca huetapeeguet aca sa lhua, qataq sa ishit da qau'ochi cam ishit da deshipaxanaqtaxan, qataq sa ishit da qoquiitagueto naua qadqopitaxanaqtaicolli' qataq naua qauema qadhuennataxacolli'. Qataq sa ishit da qami' qopitaxanaqtaqaiqa, cha'ayi damayi 'eeta'am da qanatamnot ca nqolac.

Filipenses 3:7

Qalaxayi 'enauac ne'enapi mayi ÿataqta huo'o naq 'enec ñaq'en co'ollaxa, nagui 'eeta'am ñaq'en da ÿataqta qaica ca naigui, souaxat so Cristo.

1 Pedro 4:1

Qaq ÿoqo'oyi de'eda 'eetec da so Cristo huo'o da nque'ejnaxac da l'oquiaxac, qami' nataq'en sa ishit da huo'o ca qai'iquiitega da qanque'etaxañi. Cha'ayi cam huo'o da nque'ejnaxac da l'oquiaxac, camayi ca'ai da ñi'itaxaloxo,

Gálatas 6:14

Qaq aÿim, qalaxayi sa ishit da huo'o ca ñi'amqajnaxac; chaqdata da l-leuaxa so qadataxala' Jesucristo co'ollaq qaiuaxanguet so npe'enaxaqui. Cha'ayi nachi chigoqchigui de'eda l-leuaxa so Cristo co'ollaq qaiuaxaneuo da huo'o mshi 'enauac na huetalec ana 'alhua 'eeta'am ñaq'en da leuaxaic, qataq aÿim 'eeta'am naq'en da aÿim leuaxaic.

1 Corintios 15:31

Ÿataqta 'eesa, qami' ÿaqaÿa't, da 'enauaque naua na'axa'te satata'aguet da nleuaxa, qaq de'eda ÿataqta 'en, 'eeta'am da ñitonaxac da qami' ñitootapegueque, cha'ayi mashi qau'amaqchiñi so qadataxala' Jesucristo.

Romanos 6:6

Cha'ayi qomi' mashi saÿajnaqta da so toguishic qanachaalataxac mashi qaiuaxaneuo, lÿatchiguem so Cristo co'ollaq qaiuaxanguet so npe'enaxaqui, yaqto' da qadapachiyaxac mayi 'itaxaloxoic ishit da qanlaxajñi, yaqto' sa ishit da qomi' l-lataqa da ñi'itaxaloxo da qomi' ÿamaqta'pe da 'ico' qan'aco'.

Lucas 14:33

Qaq 'eda da 'eetec da huo'o ca camachaqca 'oonolec da qoñiita da sa ishit da ÿaxaneec 'enauac nam hueto'ot, nachi camayi sa ishit da ÿapaxaguenatac.

2 Pedro 1:14

Cha'ayi so qadataxala' Jesucristo mashi aÿim ÿaÿajnaxanaxanec da saqaÿaloq da shica'ai de'eda yi'oqchigui ñachaalataxac.

1 Pedro 4:13

Qaq chaqdato' qome da ÿataqta qauamaichiguiñi da qami' qanhuañiÿau'a na nque'ejnaxacpi so Cristo, yaqto' ÿataqta qami' nlaqchiguilo da qantonaxaqui qom qaualoÿa'a da lli'oxoyic qom ivita da ñi'iguelaq somayi.

Tito 2:12

Qaq de'eda lqouagaxanaqtaic ñi Dios qomi' ÿapaxaguenque da 'enauac soqolqa'ai na qan'onatagueguesat qataq da qadqopitaxanaqtaic. Qanachi sachoq da achaalataxac da ntel-la't ca shiÿaxaua, qataq no'on da lataxac, qataq nañanot da quetague' ñi Dios, nagui da ñaq souaqta'a ana'ana 'alhua.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

Lucas 18:22

Nachi co'ollaq hua'aqchigui de'eda so Jesús, nachi 'eeta': –Huo'o da 'oonolec ña daqaptauec, 'eeta': 'Aumen qome 'enauac na 'am hueto'ot, ime, qaq 'ai'anoigui nam choxodaqpi, yaqto' huo'o ca 'adsallaxa hua'ague da piguem. Qaq qom ime, nachi 'auanac, aÿim 'auca'ategue.

Lucas 13:24

–Qan'añaxachi qome da qaunoxoñiu'a ñim lasom mayi saq 'amaqtaq, cha'ayi aÿim shinapec da ÿataqta qalota qome na nshitaique da inoxoneuo, qalaxayi sa ishit da ÿañoxot.

Mateo 27:32

Qaq co'ollaq mashi qanayicot somayi, nachi qanatena'aguet so shiÿaxaua mayi lma' yi Cirene, l'enaxat Simón. Nachi qaÿaconeu'a somayi, da yaqto' ÿachi qanqoÿin so npe'enaxaqui so Jesús.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

Hebreos 13:13

Qaq ÿoqo'oyi ñoqo'onaxauga qome so Jesús mayi huetauga que'eca qaÿoqteuga se'eso qanayiutaña, da yaqto' nataq'en ñique'etaxanaxagui da sa qaÿauo'o ca qanyacnataguec, da shinaqta'am da nque'ejnaxac somayi.

2 Ts 3:11

Cha'ayi qomi' sa'axasoqtapeguelec da huo'o na sa ishit da do'onataxan da qoñiita. Chaqdata da nalamaqte' da lli'imaxa, sa ishit da do'onataxan.

1 Corintios 9:19

Nai'ctaxa da qaica ca aÿim l-latac, qalaxayi se'enaxat da 'ico' aÿim l-latac 'enauac na shiÿaxauapi, yaqto' ÿataqta saqalota na ÿaueguec shiÿaxauapi da i'amaqten so Cristo.

1 Corintios 8:13

Qaq ÿoqo'oyi aÿim da sasouaxateguet da huo'o ca lasouaxashit ca ÿaqaÿa souaxat ca nallic mayi sachic, qaq no'on da nal'en sa ishit da sachic ca lapat, yaqto' sa ishit da sasouaqtaxan.

Juan 19:17

Qaq co'ollaq ime, nachi qanayicot so Jesús, maichi ÿachitac so npe'enaxaqui, da nqo'oneuga so 'alhua mayi qaÿamata'ac da nqaic lpi'inec lma'. Qaq nam hebreo naua l'aqtaqa ÿamata'ac Gólgota.

Lucas 20:45

Qaq 'enauac so shiÿaxauapi n'axaÿaxaatac, co'ollaq 'enapega so lapaxaguenatacpi so Jesús, 'eeta':

Marcos 10:21

Nachi so Jesús ÿataqta huo'o da lauochi co'ollaq ÿamato'ot somayi. Nachi 'enapego', 'eeta': –Ñaq 'oonolec da saxanaxa da 'au'ot, 'eeta': 'auesoma, 'aumen qome 'enauac na 'am hueto'ot qataq 'ai'anoigui na choxodaqpi, yaqto' huo'o qome ca 'adsallaxa da piguem. Qaq qom 'adme, nachi aÿim qoquegue, nai'ctaxa da aÿim 'auleetalec.

Marcos 7:14

So Jesús qaltaq iÿaxanoigui so shiÿaxauapi. Nachi 'enapega, 'eeta': –Aÿim qan'axaÿaxañiÿa qome 'enauac da qoñiita, qataq qauaÿajñiiteguet da shinapec, 'eeta':