Marcos 8:25 - Nuevo Testamento Toba Sur

²⁵ Nachi so Jesús qaltaq ipoteu'alo naua l'ai'te, qaq somayi nachi ÿataqta i'añaxachiguilo naua l'ai'te, nachi ishit da nauaañi. Huaña, nachi ÿataqta nauaachiguiñi.

Nuevo Testamento Toba Sombrero Negro

²⁵ Jesús yitaĝa yachalo'te naa'me loua' gaa'me 'lae'te ñe'me qanam: ñe'me jiyaĝaua yitaĝa dec'atenaĝan qama'le yiyamaqachiñe da'me lec'atenaĝanaĝac, male yema yauatalegue.

La'aqtaqa Ñim Lo'onatac 'Enauacna 2013

²⁵ Nache So Jesús qaltaq ỹe'eguelaxalec da ipoteua'alo naua la'ai'te somaye, nache se'eso ỹale qaltaq ỹe'eguelaxalec da nauaañi.

Marcos 8:25 Referans Kwoze

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

1 Pedro 2:9

Qalaxayi qami' ÿataqta qami' lca'aguishicpi ñi Dios, qataq qami' ltaxaÿaxanaxanecpi naq'en na shiÿaxauapi da qan'aqtaxañi' ñimayi mayi qadta'a, qataq qami' qui'itte' naq'en, qataq qami' lalamqa'te. Qaq de'eda 'eetec ñimayi, nshitaique da qami' qau'axachi na l'onataxanaxacpi mayi ÿi'oxodaq, ñim qami' ÿachigoxottoiguilo na napalaxa, da yaqto' qaunoxoñiu'a da l'edaxa mayi qaica ca 'en'am da lli'oxoyic.

Filipenses 1:6

Qaq aÿim ÿataqta 'eesa ñaqshin da ñi Dios mayi chigoqchigui da qami' i'oteque da no'on dalaxaic qadataxaqui, ñimayi queto'ot da i'ottac damayi, chochi ividaxatta'a ca na'a'q qom ñi'iguelaq so Jesucristo.

Mateo 13:12

Qaq ÿoqo'oyi cam huo'o ca hueto'ot, qalaq qanquigaxatteec ca qoÿanem, nachi ÿataqta qaica ca iueetac. Qaq cam qaica ca hueto'ot, qalaq camayi qanhuo', ivida'a cam saq 'amaqtaq hueto'ot qaÿacona.

Marcos 8:24

Qaq se'eso qanamaic demejnaxan, nachi 'enapeco': –Sela'a na shiÿaxauapi, qalaxayi 'eeta'am ana qo'ipaq, qalaxayi queuotapigui'.

Marcos 8:26

Nachi so Jesús ÿamaxa ca lma' somayi. Nachi 'eetega, 'eeta': –Sa ishit qome da 'au'a na pueblo, qataq sa ishit da huo'o ca 'au'axatem de'eda.

Hechos 1:10

Qaq soomayi co'ollaq ña ilotrague' so Jesús mayi taigue da piguem, nachi nachattreuo soua dos shiÿaxa'u lapagaxaiqa naua alogo da nachaxanalo soomayi.

Hechos 14:9

Qaq se'eso shiÿaxaua co'ollaq n'axaÿaxaatega da l'aqtaxanaxac so Pablo. Nachi so Pablo co'ollaq ÿamato'ot somayi, nachi ila'a da ÿataqta huo'o da lpi'iÿaxac da qanataden.