Marcos 8:2 - Nuevo Testamento Toba Sur

² –Aÿim ÿataqta huo'o da ichoxonnataxanaxa ne'ena shiÿaxauapi. Cha'ayi mashi ivi' naua tres na'axa'te da aÿim hueta'aguet, qaq namayipi mashi qaica ca aloq.

Nuevo Testamento Toba Sombrero Negro

² —Yataqachiñe 'uo da'me yichoĝodenataĝanaĝac jena'me jenjo' jiyaĝadipi, qa'a joote yenoĝodegue jogaa'me tresolqa noloqo'ote da'me jayem ueteda'ajop, qama'le nayi qaya'te yali'j.

La'aqtaqa Ñim Lo'onatac 'Enauacna 2013

² –Aỹem ỹataqta huo'o da ichoxonnataxanaxa ne'ena shiỹaxauapi. Cha'aye mashe ivi' naua tres na'axa'te da Aỹem datatecot, qaq namayepi qaica ca chec.

Marcos 8:2 Referans Kwoze

Mateo 9:36

Qaq co'ollaq ila'a na shiÿaxauapi, nachi ÿataqta huo'o da lchoxonnataxanaxa. Cha'ayi namayipi ÿataqta daquico qataq qaica ca l'añaxac, 'eeta'am ana qagueta mayi qaica ca ilo'ogue.

Hebreos 5:2

Qaq cha'ayi ne'ena nataxala'pi nataq'en nque'etaxaatapiguilo naua lqalhuaxaco na shiÿaxauapi, qaq ÿoqo'oyi namayipi ishit da nhualaxaune' nam qaica ca ÿaÿajnapec qataq isomtac.

Hebreos 4:15

Cha'ayi som qadtaxaÿaxanaxanec, somayi ÿataqta huo'o da lchoxonnataxanaxa da shinaqta souaxat da qaica ca qad'añaxac. Cha'ayi somayi co'ollaxa ÿataqta nque'etaxangui 'enauac na ÿotta'a't ñi'iguenataguec, 'eeta'am da shinaqta. Qalaxayi somayi sa ishit da huo'o ca lasouaxashit.

Lucas 15:20

Huaña, nachi jec, ÿi'iguelaxa yi lma' so lta'a. Qaq co'ollaq ña qaÿata'aguet, nachi so lta'a ÿauaateguet somayi. Nachi ÿataqta huo'o da lchoxonnataxanaxa. Nachi nqalgoqta'aguet. Qaq co'ollaq ivideguet, nachi nqapale' qataq napigoq.

Lucas 7:13

Nachi so Jesús co'ollaq ila'a asomayi, nachi ÿataqta huo'o da lchoxonnataxanaxa, nachi 'enapega, 'eeta': –Sa ishit qome da 'anÿiitac.

Marcos 9:22

Qaq qalota naxa da ñi'iñi l'ec leguemaxaic tangui naq'en na nodec qataq na 'etaxat da nshitaique da ÿalauat. Qaq ÿoqo'oyi da 'aushit, qaq no'on da qomi' 'auchoxode'n da qomi' 'autaua'n.

Marcos 6:34

Nachi so Jesús co'ollaq huenoteeguesop aso nnotaxaqui, nachi ilaigui so qalota shiÿaxauapi. Nachi ÿataqta huo'o da lchoxonnataxanaxa, cha'ayi 'eeta'am ana qagueta mayi qaica ca ilo'ogue. Nachi quetot da qalota na ÿapaxaguenec.

Marcos 5:19

Qalaxayi so Jesús sa ishit da nashinguet. Chaqdata da 'enapega, 'eeta': –'Anqo'ona qome ca 'adma', qataq ca 'adhuo' l'ecpi, nachi 'au'axattac qome 'enauac da 'am i'otec ñi qadataxala', qataq da 'eetec da lchoxonnataxanaxa da qoneta.

Marcos 1:41

Nachi so Jesús ÿataqta huo'o da lchoxonnataxanaxa somayi. Nachi ipoteu'a, qaq 'enapego', 'eeta': –Aja', seshit. Nagui 'am no'oita.

Mateo 20:34

Nachi so Jesús ÿataqta huo'o da lchoxonnataxanaxa soomayi, nachi ipoteu'alo naua l'ai'te. Nachi soomayi nauaayiñi, nachi ca'atregue somayi.

Mateo 14:14

Nachi co'ollaq huenoteeguesop aso barco so Jesús da le'ego, nachi chochi ilaigui so shiÿaxauapi ÿataqta qalota, nachi ÿataqta qalota da lchoxonnataxanaxa somayipi. Huaña, nachi nataden na sa no'onpi mayi qandotauo.

Hebreos 2:17

Qaq nachida da huo'o mshi somayi iuen da ÿataqta 'eeta'am qanqoÿin da lataxac na lqaÿañicpi, da yaqto' ishit da ivida'a da npe'et qataq choxonnataxanaxaic lataxala' na ntaxaÿaxanaxanecpi da qaitaxaÿapegue' ñi Dios, qataq da yaqto' ÿapalaxat da lasouaxashit na shiÿaxauapi, ÿachigoxotchigui da nañanguet da nalaataguec.

Marcos 6:32

Nachi so Jesús nda'agueta soua lamaxa'shi da je'c, ñiyingui aso barco da nqo'ooda ca tojlec 'alhua.

Marcos 8:3

Qaq da huo'otaq shinapega namayipi da taÿalo naua lma'te da saxanaxa da deque'e, nachi yi'oqta qome da huo'o na iquishiuguijñi na nqa'aic, cha'ayi namayipi huo'o na qaÿoqta ca chigaqa'ague.