Marcos 8:17 - Nuevo Testamento Toba Sur

¹⁷ Nachi so Jesús noma'alo soomayi, nachi 'enapeco': –¿Tá'ainco' yi qan'aqtaxañiitapigui da sa qanachii aca pan? ¿Peta'a ñaq 'eetalec da saxanaxa da huo'o ca qauauattoñi qataq ca qauaÿajñi? ¿Ÿataqta qadamchiguilo peta'a naua qadquiyaqchilli'?

Nuevo Testamento Toba Sombrero Negro

¹⁷ Chane'eja Jesús yetade'n jogaa'me, qama'le enapegalo: —¿Toqoch'e auañitapega ja auañiya ga'me pan? ¿Qo'li maliaĝa ja auayachiñe nataq'aen maliaĝa qaya'te adetadenataĝanaĝaqui? ¡Maliaĝa 'uo da'me 'lalaĝa'j jonaa'me adai'lidi'!

La'aqtaqa Ñim Lo'onatac 'Enauacna 2013

¹⁷ Nache So Jesús nomalo soomaye, nache 'enapeco': –¿Ta'ainco' ye qana'aqtaxañeetapigui da sa qanache aca nauole? ¿Peta'a ñaq 'eetalec da saxanaxa da qauaỹachiñi? Qataq ¿ñaq napotagui peta'a da qantoonaxaqui?

Marcos 8:17 Referans Kwoze

Marcos 6:52

Cha'ayi soomayi sa ishi't co'ollaxa da ÿaÿate'n ca naigui aso pan, cha'ayi naua lquiyaqtel soomayi saxanaxa da nauaayiñi.

Marcos 2:8

Qalaxayi so Jesús, somayi maichi ÿaÿateetac da lhuennataxac namayipi. Nachi 'enapego', 'eeta': –¿Tá'ainco' yi qadhuennataqai de'eda?

Marcos 3:5

Nachi so Jesús ÿataqta denogui co'ollaq ÿamataigui somayipi, qataq ÿataqta daquico. Cha'ayi somayipi sa ishit da qaÿapaxaguenai'. Nachi 'enapego' so shiÿaxaua mayi daqaqta na lhuaq, 'eeta': –'Anchinnaxaneec na 'adhuaq. Nachi somayi nchinnaxaneec na lhuaq, nachi no'oita.

Apocalipsis 2:23

Qataq salauat qome 'enauac na llalaqpi, yaqto' 'enauac na 'amqajnataxanaxaicpi ishit da ÿaÿaten da aÿim 'eesa da saÿateetac cam saq cha'a nhuennataxac qataq da nquiyaqteÿaxac. Qataq ñi 'oonolec da qoñiita seshiitenguet cam naigui ca i'ottac.

Juan 21:17

Nachi qaltaq ÿi'iguelaxalec da inat, 'eeta': –'Am Simón mayi 'am llalec so Jonás, ¿peta'a aÿim 'auauotec? Nachi so Pedro ÿataqta naquicochiguiñi, souaxat da mashi ivi' tres da qaÿi'iguelaxalec da qainat da ÿoqta 'eesa da dauotaxanaqta. Nachi somayi 'enapeco': –'Am ÿataxala', 'am 'auaÿaten mque' 'enauac da ÿataxac, qataq 'auaÿateeta da ÿataqta 'am ÿauotaxat. Nachi so Jesús 'enapego' somayi, 'eeta': –'Aulo'ogue qone' ana ilopi qagueta.

Juan 16:30

Qaq nagui mayi saÿajnaq da 'am 'auaÿaten 'enauac na lataxaguesat, qaq sa ishit da 'auen da huo'o ca 'am inat. Qaq ÿoqo'oyi sa'amaqtenaq da 'am 'auachigoqtot ñi Dios.

Lucas 24:25

Nachi so Jesús 'enapeco': –¡Ÿataqta qaico' ca qauaÿajñiÿapec qami', qataq qaÿaloqta da qau'amaqchiñi 'enauac nam l'aqtaxanaxacpi som l'aqtaxanaxanecpi ñi Dios!

Marcos 16:14

Qaq co'ollaq qaÿata'ague de'eda, nachi so Jesús nachaxanalo soua once lapaxaguenataqa, co'ollaq soomayi nso'ootrañi, datatalguete ca nqui'axala'. Nachi somayi nlaxaiguilo soomayi, souaxat da qaica ca lpi'iÿaxa'c qataq da ÿataqta qadamchiguilo naua lquiyaqte, cha'ayi sa ishit da i'amaqte'n nam nauane' somayi da mashi qaltaq qanca'alaxateec.

Mateo 15:17

Qaq ¿sa qauaÿajñiÿo' da 'enauac nam chic ca shiÿaxaua, namayi tangui ana da'am, ime, qaq huenoxoneec?

Mateo 12:15

Qaq so Jesús co'ollaq ÿaÿaten de'eda, nachi ca'ai yi'iyi hueta'a. Nachi ÿataqta qalota som shiÿaxauapi mayi ca'ategue somayi. Nachi somayi nataden 'enauac nam sa no'onpi.

Mateo 16:7

Nachi soua lapaxaguenataqa deuennataxaata'pe co'ollaxa, 'eetra': –Peta'a souaxat da qomi' sa ishit da ñachoq aca pan.

Marcos 8:16

Nachi soua lapaxaguenataqa maichi nnattega't, 'eeta': –'Enapec de'eda, cha'ayi souaxat peta'a da sa ñachoq aca pan.