Marcos 8:15 - Nuevo Testamento Toba Sur

¹⁵ Nachi so Jesús huaqattapeguelguete soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq ñi Herodes.

Nuevo Testamento Toba Sombrero Negro

¹⁵ Jesús uaqatalo jogaa'me: —¡Achiya'agueta jo' qomle na'me lalequetenaĝanaĝat gaa'me fariseopi nataq'aen na'me lalequetenaĝanaĝat ñe'me Herodes!

La'aqtaqa Ñim Lo'onatac 'Enauacna 2013

¹⁵ Nache So Jesús huaqattapegueleguete soomaye, 'eeta': –Maxatchaxa qome, qarvichiỹa'a ana ỹasheeraxachigui ana nauole maye huetaigui na fariseopi qataq ñi Herodes Antipas.

Marcos 8:15 Referans Kwoze

Mateo 16:6

Nachi so Jesús 'enapegalo soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

Marcos 12:13

Qaq co'ollaq ime, nachi huo'o na qanamaxa so Jesús nam quetague'pi na fariseopi qataq nam quetague'pi so Herodes, da qaÿauotaique da qaisomaxanaqchit ca l'aqtac somayi, nachi ishit da qaÿachigoxotchigui qanqoÿin ca lasouaxashit.

1 Timoteo 6:13

Qaq nagui qomi' ÿauaachiguilo ñi Dios mayi chigoqtacot da lca'alaxa 'enauacna, nataq'en ñi Jesucristo mayi i'axat da lpi'iÿaxac co'olloxochi qaÿataxaato'ot so nta'a Poncio Pilato. Ÿoqo'oyi nagui 'am shinapega

Mateo 14:1

Nachi se'esoua na'axa'te som Herodes mayi ilotague' yi Galilea, somayi ÿaÿaten da n'aqtaguec so Jesús.

2 Timoteo 2:14

Qoquetot da 'auennataxanaxanec na shiÿaxauapi de'eda shiitega. Qaq nagui 'am ÿauaachigui ñi qadataxala' Dios da 'auqata namayipi da nal'en ÿaxaañi da chochi ncotatapigui na n'aqtacpi. Cha'ayi de'eda cotaxac qaica ca naigui. Chaqdata da n'aqchit na n'axaÿaxaatega.

1 Timoteo 5:21

Da ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo nataq'en na chigaqshiguem Dios lamaxashicpi lca'aguishicpi. Ÿataqta 'aualaxalco' qome da ÿaqataxac. Sa ishit da huo'o ca 'aumatalec da 'adauotaxat, qataq sa 'alca'agui na ÿale.

Lucas 12:15

Nataq'en 'enapeco': –Maxatchaxa, qadvichiÿa'a qome 'enauac na nqopitaxanaqtaiguesat, cha'ayi da nachaalataxac ca shiÿaxaua sa ishit da ÿachigoxotagui nam saqalota lsallaxa mayi hueto'ot.

Mateo 14:3

Cha'ayi som Herodes damaxasoxoolec co'ollaxa da qaÿaconeu'a so Juan, nachi qaicoñida't naq'en naua lhua'q, nachi qaÿauegueu'a aso ncoñitaxanaxaqui. Qaq damaxasoxoolec, cha'ayi souaxat aso lhua Herodías mayi lhua co'ollaxa so lqaÿa l'enaxat Felipe.

Mateo 14:6

Qalaxayi co'ollaq ivita so laloqo' da deque'elec so lañoxoqui so Herodes, nachi aso llale aso Herodías dasottac, qaq 'enauac som lqui'axauapi imeteetac. Nachi so Herodes ÿataqta nqopita da lasotaxac asomayi.

Marcos 8:14

Qaq soomayi icoua'aisalo co'ollaxa da ÿachi' ca alo'q, chaqasota aso 'oonole pan co'ollaq qanayiitangui aso barco.

Marcos 8:16

Nachi soua lapaxaguenataqa maichi nnattega't, 'eeta': –'Enapec de'eda, cha'ayi souaxat peta'a da sa ñachoq aca pan.