Marcos 7:6 - Nuevo Testamento Toba Sur

⁶ Nachi so Jesús 'enapeco': –Ÿataqta qami' tachiguilo naua l'aqtaqa so l'aqtaxanaxanec ñi Dios, l'enaxat Isaías, co'ollaq qami' i'axata'alo, qami' mayi qoñiitega da qami' llalqa ñi Dios, co'ollaq somayi ÿiyiñi da 'eeta': Ne'ena shiÿaxauapi da aÿim ÿi'oxoden, qalaq ndoteec na alap, qalaxayi da lquiyaqteÿaxac ÿataqta qaÿoqta naq'en aÿim.

Nuevo Testamento Toba Sombrero Negro

⁶ Qalaĝaja Jesús 'yategueta jogaa'me: —Yataqachiñe jalcote da'me onaĝaicolec da'me 'laqatac ca'li di'me Isaías, jo'ne 'laqataĝanaĝanec joñe'me Dios, queda'me ami uaqatalo, da'me ami jo'ne ch'e tenataĝanaĝaiquipi, ca'li yediñe da'me dojo' jo'ne enaac: “Jenjo' jiyaĝadipi jayem yi'yoĝodetedac nale qalaĝaja ch'e 'laqataqa jo'ne ja ejoda, qa'a naa'me lai'li maliaĝa ja jayem 'te yauoqoda'a.

La'aqtaqa Ñim Lo'onatac 'Enauacna 2013

⁶ Nache So Jesús ỹasategueto' somayepi, 'eeta': –¡Qami' ỹataqta qami' tenataxanaxaiqa! Ỹataqta 'eesa Ñim Lo'onatac 'Enauacna, co'ollaq qami' ỹa'axata'alo, chegoqchigui naqa'en so la'aqtaxanaxanec Isaías, 'eeta': «Ne'ena shiỹaxauapi 'eetega naxa da Aỹem ỹalaxaguet, qalaxaye namayepi ỹoqta 'eesa da saishet da Aỹem iuennatega.

Marcos 7:6 Referans Kwoze

Tito 1:16

Namayipi 'eetega da ÿauatton ñi Dios, qalaxayi da lataxac ÿataqta sa natenguet. Cha'ayi ÿataqta sa qaishiteguet, souaxat da sa ÿalaq qataq saq taiguet ca camachaqca n'onataxanaxac ÿaÿamaqchiguiñi.

2 Timoteo 3:5

Namayipi nachaxaata da 'eetega quetague' da n'amqajnataxanaxac, qalaxayi sa ishit da hueto'ot da l'añaxac da n'amqajnataxanaxac. Qaq 'ena qome na 'antela'aguet.

Juan 5:42

Qataq aÿim ÿataqta saÿateeta da qoñiita da sa ishit da qauauochiic ñi Dios.

Juan 15:24

Qaq namayipíctaxa sa ishit da huo'o ca lasouaxashit, da sa ishit da huangui ñaq'en namayipi da so'ot nam sa ishit da huo'o ca ÿañoxot da i'ot; qaq namayipi sogote da ÿauaachigui ne'ena so'otpi, qalaxayi ñaqaiyita sa ÿaqalan da aÿim nquiÿa, nataq'en ñi ita'a.

Hechos 28:25

Qaq cha'ayi sa ishit da 'eeta'a't somayipi, nachi huo'o na jec. Nachi so Pablo 'enapeco': –Ÿataqta tachigui da l'aqtaxanaxac so Espíritu Santo co'ollaq ÿachigoxotchigui so Isaías da 'enapega naq'en so hua'au qadta'alpi, 'eeta':