Marcos 7:5 - Nuevo Testamento Toba Sur

⁵ Nachi se'eso fariseopi qataq nam dapaxaguenataxaatapeguec na nqataxacpi inattac somayi, 'eeta': –¿Tá'ainco' naua 'adapaxaguenataqa yi sa ishit da queguelo da n'onataxac som hua'au qadta'alpi? Nda'a't da nshipaxa'n naxa naua lhua'q da deque'e'.

Nuevo Testamento Toba Sombrero Negro

⁵ Qo'che' gaa'me fariseopi nataq'aen ga'me judiopi napaĝaguenoqo'tpi yena't joñe'me Jesús: —¿Toqoch'e naa'me adapaĝaguenataqa ja quetegue da'me janaqa'ac jo'ne loe'j dia'me jachiyojoĝogueta 'me qadet'al, dite da'me paja'a deque'y qom maliaĝa paĝachiguilo naa'me loua'?

La'aqtaqa Ñim Lo'onatac 'Enauacna 2013

⁵ Nache inattac So Jesús, 'eeta': –¿Ta'ainco' naua 'arapaxaguenataqa ye saishet da quetegue da lataxac som hua'au qarta'alpi, ye da deque'e', nache saishet da iỹoi' naua lhua'q?

Marcos 7:5 Referans Kwoze

2 Ts 3:6

Qami' qadqaÿa't, qami' saqataxalo, cha'ayi qomi' lamaxa'shi so qadataxala' Jesucristo, da sa ishit da qanhuoquiiteguet ca camachaqca qadqaÿa da sa ishit da do'onataxan, qataq lamaaxa da sa ishit da quetegue da qadapaxaguenataxanaxac mayi qami' sanaxama.

Hechos 21:21

Qaq namayipi l'axaÿaxac da 'am 'auapaxagueetapegueco' 'enauac nam judiopi mayi neta'alo naua ÿaqa'alo' 'ale'u, da yaqto' sa ishit da ÿalaxaguet nam lqataxacpi so Moisés, qataq qonetego' da yaqto' sa ishit da ÿauo'o na n'anaxat na l'oc na llalec, qataq ÿaxaneec na maichi qan'onataxacpi.

Gálatas 1:14

De'eda l'amqajnataxanaxac na judiopi co'ollaq sootaigui, qalaq aÿim ÿataqta qalota na ñapacalec na maichi iuo' l'ecpi mayi ñaloxouapi. Cha'ayi aÿim ÿataqta shicteguelo da saÿamaxa't na napaxaguenaxaco som hua'au ita'alpi.

Hechos 21:24

Qaq nachiñiua qome 'annaicapegueto da 'anÿoxo'u, ime, nachi qaushiichiñi acam lashiue da qanÿoxoqui. Qaq qom ime, nachi naamayi ishi't da npete'c na laue. Qaq 'eda qome da qonetec, yaqto' 'enauac ishit da qaÿaÿaten da sa ishit da 'eesa de'eda 'an'aqtaguec, cha'ayi chaqdata da 'am nataq'en ÿataqta 'aupacchigui 'enauac da 'aualaxalec na nqataxacpi.

Mateo 15:2

–¿Tá'ainco' na 'adapaxaguenatacpi yi sa ishit da ÿalaxalec dam n'onataxac som hua'au qadta'alpi? Cha'ayi namayipi sa ishit da ipaguelec da lataxac da qaiÿoi' naua nhua'q da huo'otaq yaqta'a da deque'e ca shiÿaxaua.

Romanos 4:12

Qaq 'eesa da so Abraham nachiso so lta'a nam qaÿauo'o ca n'anaxat na l'oc. Qalaxayi sa ishit da nachaqdata damayi. Cha'ayi namayipi nataq'en quetague' da lliquiaxac da lpi'iÿaxac so qadta'a Abraham co'ollaq saxanaxa da qaÿauo'o ca n'anaxat na l'oc.

2 Ts 3:11

Cha'ayi qomi' sa'axasoqtapeguelec da huo'o na sa ishit da do'onataxan da qoñiita. Chaqdata da nalamaqte' da lli'imaxa, sa ishit da do'onataxan.

Marcos 7:8

Cha'ayi qami' qaualachi' naua lqataxaco ñi Dios, nachi qoquiiguelo naua n'onataxaco na shiÿaxauapi: qoquiigue da 'onataxac da qaiÿo ana naco'oña, qataq ana ÿomaxaqui, qataq qalota na laÿipi mayi qau'ochi.

Marcos 7:9

Qaltaq jec da l'aqtac 'eeta': –Qaq da qami' maichi qoquiiguelo naua qan'onataxacolli', nachi ÿataqta qaualachi' naua lqataxaco ñi Dios.

Marcos 7:13

Qaq 'eda da 'eetec da qami' sa ishit da huo'o ca qai'añiÿaigui na lqataxacpi ñi Dios, souaxat da qoquiigue na 'onataxacpi mayi quetagui da qoñiita. Qataq qalota na laÿi qau'ochiitac mayi 'eeta'am ne'enapi.