Marcos 7:37 - Nuevo Testamento Toba Sur

³⁷ Nachi ÿataqta lta'adaic da n'aalaxa, nachi qoÿiita': –Ÿataqta ÿaÿamaqchiguiñi 'enauac na i'ot, cha'ayi ivida'a da hua'aqa naq'en na da'añaigui na lqaic, qataq na qaicaua naua l'aqtaqa.

Nuevo Testamento Toba Sombrero Negro

³⁷ Qama'le ga'me jiyaĝadipi jalcote da'me yoqochetem da'me dojo', enapega't: —Yema 'noota ga'me ya'uo. ¡Chayovida'a da'me e'n domachiya'ape gaa'me jo'ne ja domachiya'ape, nataq'aen e'n doje'y gaa'me te'me ja doje'y!

La'aqtaqa Ñim Lo'onatac 'Enauacna 2013

³⁷ cha'aye huo'o da la'aalaxa, nache 'eeta': «So Jesús ỹataqta 'enauac nam ỹo'ot ỹaỹamaqchiguiñi. ¡Cha'aye ivira'a da hua'aqa naqa'en na da'añaigui na lqaic, qataq na qaicaua naua la'aqtaqa qalaq detaqa naqa'en!»

Marcos 7:37 Referans Kwoze

Marcos 6:51

Nachi somayi huenojñigui aso barco mayi qanayiitangui, nachi so l'at vi'iiguet, nachi soomayi ÿataqta huo'o da l'elqa', qataq da l'aalqa'.

Marcos 5:42

Huaña, nachi asa'aso nogotole mayi mashi ivi' naua doce vi'iyi, asomayi ñishiguem qataq queuoÿapigui'. Nachi so shiÿaxauapi ÿataqta huo'o da l'aalaxa.

Marcos 4:41

Qaq soomayi ÿataqta lta'adaic da lcolanqa', nachi detaqtega't, 'eetra': –¿Négue't dam da' shiÿaxaua, yi ivida'a na l'at ishit da ÿalaxaguet qataq na 'etaxat?

Marcos 2:12

Nachi so sa da'añiigue ñishiguem, nachi inana't so lacanec, ca'ai ca hueta'a, qaq 'enauac da qaÿauaachigui. Qaq ÿoqo'oyi 'enauac na shiÿaxauapi ÿataqta huo'o da l'aalaxa, nachi ÿi'oxodeetac ñi Dios, 'eeta': –Ÿataqta sa ÿauana da sauanaqchigui ca 'eeta'am de'eda.

Hechos 14:11

Nachi co'ollaq ÿauaachigui de'eda i'ot so Pablo na shiÿaxauapi, nachi i'alqagui, ÿauota'ai naua l'aqtaqa nam Licaonia l'ecpi, 'eeta': –¡Ÿataqta nmedañi daua saq cha'alo nnataqa, 'eeta'ama na shiÿaxaua, daamayi qomi' huetaiguilo!

Lucas 23:41

Qomi' ÿoqta 'itchiguiñi dam qanque'ejnaxac, cha'ayi maichi seshiitenaqtac dam naigui nam so'otaqpi. Qaq ñim ña' shiÿaxaua, qalaxayi sa ishit da huo'o ca i'ot qauem.

Marcos 1:27

Nachi 'enauac na shiÿaxauapi ñi'i. Nachi maichi nnattega't, 'eeta': –¿Négue't de'eda? ¿Peta'a dalaxaic napaxaguenataxanaxac? ¡Yi dam da' shiÿaxaua ÿataqta huo'o naq 'enec da damaxasoxon, ivida'a nam n'ecpi ishit da ÿalaxaguet!

Mateo 9:32

Qaq co'ollaq chochi je'c soomayi, nachi huo'oi soua shiÿaxa'u naueguedeu'a so Jesús so qaicaua naua l'aqtaqa mayi huo'o so l'ec leguemaxaic.

Marcos 7:36

Nachi so Jesús huaqattapeguelec da sa ishit da qai'axat de'eda. Qaq co'ollaq nquigaxatteec de'eda lqataxac, qalaq nachi 'en'am ÿataqta qanquigaxatteec da qai'axattac de'eda.

Marcos 8:1

Qaq se'esoua na'axa'te ÿataqta qalota na shiÿaxauapi na lapootapegueu'a so Jesús, nachi somayipi qaica ca chic. Nachi so Jesús iÿaxanoiguilo soua lapaxaguenataqa, nachi 'enapegalo, 'eeta':