Marcos 7:34 - Nuevo Testamento Toba Sur

³⁴ Ime, nachi ÿamato'ot na piguem, nachi ñaxaayishigue'm naua l'a'chi, nachi 'enapego' somayi, 'eeta': –¡Efata! (Damayi naigui da 'eeta': ¡Nauatreec qome naua ntelalauaco!)

Nuevo Testamento Toba Sombrero Negro

³⁴ Yem qama'le yeloje'mec di'me piyem, nauec ga'me layat qama'le dojapegue' ga'me jiyaĝaua: —¡Efatá! —(judío 'laqatac jo'ne eetojo': “¡A'nouategue!”)—

La'aqtaqa Ñim Lo'onatac 'Enauacna 2013

³⁴ Ime, nache ỹamato'ot na piguem, nache ñaxaayishegue'm naua la'a'che, nache 'enapego' somaye, 'eeta': «¡Efatá!» Damaye naigui da 'eeta': «¡Nauatre'c qome naua ntela lauaco!»

Marcos 7:34 Referans Kwoze

Juan 11:41

Nachi qanqateec so coma'. Nachi so Jesús ÿamato'ot na piguem, nachi 'enapeco': –'Am ita'a, 'am sanot da ñi'achiquiaxac, cha'ayi 'am aÿim 'au'axaÿa.

Marcos 6:41

Nachi so Jesús ÿacongueta soua cincole pan qataq soua dos nÿaxayi, nachi ÿamato'ot na piguem da nqouagaxaunot ñi Dios, nachi icolaxachiguilo soua pan qataq ÿanoiguilo soua lapaxaguenataqa, da yaqto' soomayi ÿanoiguilo so shiÿaxauapi. Nataq'en ÿanoiguilo 'enauac so shiÿaxauapi soua dosolqa nÿaxayi.

Marcos 5:41

Nachi ÿacona na lhuaq asomayi, nachi 'enapega, 'eeta': –Talita, cumi –de'eda n'aqtac 'eeta': 'Am nogotole, 'am shinapega, qoñishiguem.

Hechos 9:34

Nachi so Pedro 'enapego' somayi, 'eeta': –Eneas, 'am nataden so Jesucristo, qoñishiguem qome, nachi 'aunana't na 'adacanec. Nachi so Eneas ñishiguem.

Juan 11:33

Nachi so Jesús co'ollaq ila'a da noÿiitac aso María qataq so judiopi mayi nnaictapegue', nachi somayi ÿataqta huo'o da laquicoxo, qataq nomteguet da 'eeta lta'adaic da lquiyaqteÿaxac.

Marcos 15:34

Qaq se'eso mashi dashichiguiñi aso nala', nachi so Jesús ÿataqta n'axannec da l'alaxac, 'eeta': –Eloi, Eloi, ¿lama sabactani?, (de'eda n'aqtac da naigui 'eeta': 'Am ita'a Dios, 'am ita'a Dios, ¿tá'ainco' yi aÿim 'aualat?)

Marcos 8:12

Qalaxayi so Jesús decovi, nachi 'enapeco': –¿Tá'ainco' ne'ena shiÿaxauapi yi iÿaxaataique da qai'ot cam n'anec mayi sa qaÿauanapigui? Qaq ÿataqta 'eesa de'eda qami' sa'axatema, da nagui sa ishit da huo'o ca qami' qoÿanema n'anec.

Hechos 9:40

Qaq co'ollaq ime, nachi so Pedro ipa'axaneec 'enauac somayipi, nachi i'alyiñi naua l-llicte da nqouagaxauen. Qaq co'ollaq ime, nachi ÿamatalec asom leuaxai, nachi 'enapega, 'eeta': –Tabitá, qoñishiguem. Nachi asomayi ÿauachiguilo naua l'ai'te. Qaq co'ollaq ila'a so Pedro, nachi ñishiguem, nachi nso'ooñi.

Juan 11:43

Qaq co'ollaq ime da nasaxauec de'eda, nachi deÿaxan, 'eeta': –¡Lázaro, 'anpa'auec!

Hebreos 4:15

Cha'ayi som qadtaxaÿaxanaxanec, somayi ÿataqta huo'o da lchoxonnataxanaxa da shinaqta souaxat da qaica ca qad'añaxac. Cha'ayi somayi co'ollaxa ÿataqta nque'etaxangui 'enauac na ÿotta'a't ñi'iguenataguec, 'eeta'am da shinaqta. Qalaxayi somayi sa ishit da huo'o ca lasouaxashit.

Juan 17:1

Qaq co'ollaq ime da 'enapec de'eda so Jesús, nachi ÿamato'ot na piguem, nachi 'enapeco': –'Am ita'a, mashi ivita yi ÿaloqo'. Nagui 'avi'oxoden qome na 'ai'alec, yaqto' na 'ai'alec nataq'en 'am ÿi'oxoden.

Juan 11:38

Qaq so Jesús qaltaq nomteguet da 'eeta lta'adaic, nachi nqochineu'a aso huachiqui. Qaq asa'aso huachiqui 'eeta'am na chochi auac, qaq huo'o so lapoxot coma' som ñigueuo.

Juan 11:35

Nachi so Jesús noÿiitac.

Lucas 19:41

Qaq co'ollaq mashi nayiitau'a so Jerusalén, nachi co'ollaq ilau'a so la ciudad, nachi so Jesús noÿiilec somayi.

Lucas 18:42

Nachi so Jesús 'enapeco': –¡Nagui 'anauaañi! 'Am no'oita, cha'ayi 'au'amqajnataxan.

Lucas 7:14

Nachi so Jesús nquigueu'a somayi, nachi ipoteu'a aso laÿi', nachi som ÿachita'pe som leuaxaic, nachi vi'iigueta. Nachi so Jesús 'enapega so leuaxaic, 'eeta': –'Am nsoqolec, 'am shinapega: ¡Qoñishiguem!

Marcos 1:41

Nachi so Jesús ÿataqta huo'o da lchoxonnataxanaxa somayi. Nachi ipoteu'a, qaq 'enapego', 'eeta': –Aja', seshit. Nagui 'am no'oita.

Marcos 7:35

Huaña, nachi ishit da hua'aqa se'eso ÿale, qataq ÿaÿamaxañi na lachaxat, nachi ishit da detaqa.