Marcos 7:21 - Nuevo Testamento Toba Sur

²¹ Cha'ayi añim lquiyaqte ca shiÿaxaua mayi nachañi añi chigaqaigui na qauem lhuennataxapi, da huotaique ncachitapegue' aca sa lhua, qataq da quishishaxac, nalaataxanaxac,

Nuevo Testamento Toba Sombrero Negro

²¹ Qa'a gaa'me p'adeuo jo'ne chiyoqodaue na'me lauel joga'me jiyaĝaua, nach'egaua jo'ne chiyoĝogueta naa'me lelnataĝaco jo'ne ja 'noe'n, da'me lequejeguetaĝa, da'me lecachaĝac, da'me lalataĝanaĝac,

La'aqtaqa Ñim Lo'onatac 'Enauacna 2013

^21-23 Cha'aye da huo'o ca nasaxauec ca qauem la'aqtac, qaq camaye qauemaic qataq nache 'eetai' da iuennatega ca qauem, qataq ca lataxac da ỹo'ot ca saỹaỹamaxañi, huo'otaq decache qataq ỹalauat ca lỹa huo'otaq da ncachetague' aca sa lhua, qataq nachaqrata da iuennatega cam 'eetec da ishet da sallaxanec qataq ỹo'ottac nam qauemsat, datenataxaatac, qataq quiỹaxanaqtaqaic, sheunaxanaxaic qataq ỹasaxalec ca qauem la'aqtac ca lỹa, qataq qaica ca ỹaỹaanapec qataq ño'oxonnaxaic.»

Marcos 7:21 Referans Kwoze

Mateo 15:19

Cha'ayi añi lquiyaqte, nachañi añi chigaqanguit nam qauem nhuennataxacpi mayi 'eeta': Qaÿalauat ca nÿa, nauatapiguiñi' aca sa nhua, quishishaxac, ncachaxac, natenataxanaxac, qataq nshiunaxanaxac.

Hechos 8:22

Chaqdata da 'ai'axaañi da 'ayi'itaxaloxo, qataq 'anachoxonnot ñi Dios, shapeegueto' qom ishit da 'am ichoxoden, nachi ÿapalaxat da qauem lhuennataxa añi 'adquiyaqte.

Mateo 9:4

Nachi so Jesús co'ollaq ilau'a da lhuennataxa somayipi, nachi 'enapega, 'eeta': –¿Tá'ainco' yi ÿataqta qauema naua qadhuennataxacolli'?

Santiago 2:4

Qaq da nachi qoñiitec de'eda, nachi qami' sogote da qalca'aitagui na shiÿaxauapi. Qaq de'eda qalca'axanaxaqui chigoqtapoigui dam sa ÿaÿamaxañi qadhuennataqai.

Lucas 16:15

Nachi so Jesús 'enapeco': –Qami' mayi nachiqami' chochi qanachaxañiitega 'enauac na shiÿaxauapi da qami' no'on, qalaxayi ñi Dios ÿauatto'n naua qadquiyaqchilli'. Cha'ayi cam ÿamata'ac nam shiÿaxauapi da 'eetega 'amaqtaqaic, qaq nachica cam ÿataqta ÿaÿimec ñi Dios.

Romanos 7:8

Qalaxayi de'eda ñi'itaxaloxo co'ollaq ÿanata da 'eetec, nachi do'onataxana de'eda namaxasoxonaxac, da yaqto' ÿayina'a 'enauac na ÿotta'a't qauem shiitapeguecpi. Cha'ayi ne'ena nqataxacpi da huo'otaq qaica, nachi de'eda ñi'itaxaloxo sa ishíttaxa da huo'o ca l'añaxac.

Hechos 5:4

¿Sa ishito' peta'a da 'adalamaxat som 'alhua? Cha'ayi co'ollaq 'aumen somayi, qaq ¿sa ishito' peta'a da maichi 'adalamaqte aso lashiue? ¿Tá'ainco' yi tachiguio' yi 'adhuel da 'au'ot de'eda? 'Am 'auatenachit ñi Dios, sa ishit da nachica ca yi'oqchigui shiÿaxaua.

Romanos 7:5

Cha'ayi co'ollaq qomi' ñaq qolaqtague' da qadapachiyaxac, nachi ne'ena nqataxacpi, namayipi ÿayiita'a nam qauem 'eetapeguecpi dam qad'oquiaxac. Qaq nachida da qomi' ÿauecta'alo da qadeleuaxa.

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.

Marcos 7:20

Nataq'en 'enapeco': –Ca chigaqaigui añi lquiyaqte ca shiÿaxaua mayi nachica ca ishipaxanaqchit da nachaalataxac.

Marcos 7:22

qataq da ncachaxac, qanqopitta'a ca ÿaqa'a, qataq na qauemsat, natenataxanaxac, nqopitaxanaqtaic, nquiÿaxanaqtaic, qai'axat ca saq 'en, 'amqajnaxac, sa daÿajnataxan.

Colosenses 3:5

Qaq ÿoqo'oyi qami' ÿataqta imeuo qanqashiñi 'enauac na qan'onataxaqui mayi huetalec ana 'alhua. Qaica qome ca huetapeeguet aca sa lhua, qataq sa ishit da qau'ochi cam ishit da deshipaxanaqtaxan, qataq sa ishit da qoquiitagueto naua qadqopitaxanaqtaicolli' qataq naua qauema qadhuennataxacolli'. Qataq sa ishit da qami' qopitaxanaqtaqaiqa, cha'ayi damayi 'eeta'am da qanatamnot ca nqolac.