Marcos 7:15 - Nuevo Testamento Toba Sur

¹⁵ 'Enauac nam aloq ca shiÿaxaua da deque'e qaica da huo'o ca 'oonolec da ishit da ishipaxanaqchit da nachaalataxac. Chaqnata nam chigaqaigui añi lquiyaqte mayi ishit da ishipaxanaqchit camayi.

Nuevo Testamento Toba Sombrero Negro

^15-16 Qaya'te taue ga'me jiyaĝaua qaedi yaqanatet ta'le 'naĝat qama'le en paĝachigui joga'me. Gaa'me jo'ne chiyoqodaue na'me lauel joga'me jiyaĝaua, nach'egaua jo'ne 'naĝa't ga'me jiyaĝaua qama'le en paĝachigui nale.

La'aqtaqa Ñim Lo'onatac 'Enauacna 2013

¹⁵ 'Enauac nam chec ca shiỹaxaua saishet da nshepaxanaqchet da nachaalataxac da datato'ot Ñim Lo'onatac 'Enauacna. Nam ishet da nshepaxanaqchet da nachaalataxac ca shiỹaxaua, nachera da lsheunaxanaxac qataq naua qauema la'aqtaqa maye nasaxare'c.»

Marcos 7:15 Referans Kwoze

Tito 1:15

Ca shiÿaxaua, da qui'itta da lhuennataxa, qaq qui'itta naq'en 'enauac na chochina lataxaguesat. Qalaxayi na sa da'amqajnataxan, qataq saxanaxa da qui'itta da lhuennataxa, namayi qaica ca qui'itta naq'en. Cha'ayi da lhuennataxa qataq da lavilÿaxac ÿataqta nshipaxan.

Hebreos 13:9

Qataq sa ishit qome da chochi qami' ÿauecta'pe na ÿotta'a't napaxaguenataxanaxacpi mayi sa qaÿauanapega. Qaq nachaqdata da ÿataqta ÿaconguet qome da qadquiyaqteÿaxaqui da l'añaxac mayi chigaqaigui da lsoxoyic ñi Dios, mayi saq 'en'am da lataxac naua nalli'c da huo'o na qanallic qataq na sa qanallic. Cha'ayi de'eda lataxac da sa qanallica'acda', nam ÿataqta quetegue da i'ot, qalaq sa ishit da huo'o ca nshapeque.

Hebreos 9:10

Cha'ayi damayi nachida da chochi yi'oqchigui nqui'axac qataq ÿomaxac qataq dam ÿotta'a't ÿoxoc mayi chochi lataxac da qad'oquiaxac, qaq damayi ÿataqta huo'o da naigui da huo'otaq ñaq saxanaxa da nadalaxat ca lataxac ñi Dios.

Mateo 12:34

¡Qaq qami' n'adaxanaq llalaqpi! ¿Táloxochi ishito' da no'on ca qad'aqtaqui, yi qami' qauemaiqa? Cha'ayi nam qodap, namayi nasaxauec cam ÿataqta nlaqchigui añi qadquiyaqte.

Romanos 14:17

Cha'ayi da l'onataxanaxac ñi Dios da ilo'ogue 'enauacna, damayi sa ishit da naigui da yi'oqchigui nqui'axac qataq da ÿomaxac, chaqdata da qui'itta achaalataxac, nlagaxayic, qataq da namaiquiaxac mayi chigoqo'ot so Espíritu Santo.

1 Corintios 10:25

Qami' qolliqui qome 'enauac na lapat mayi chigaqaigui aca nmenaxaqui. Sa ishit da qaunataxañiitapeguelec ca chigaqa'ague, yaqto' sa ishit da sa ÿaÿamaxañi da qadhuennataqai.

Hechos 10:28

Nachi so Pedro 'enapego' somayipi, 'eeta': –Qami' qauaÿajñi da na judío l'ecpi ÿasouaxat da l'amqajnataxanaxac, nachi ÿataqta sa qaÿashinguet da ÿaleeguet ca sa lauo' l'ec, huo'otaq da chochi pa'aigui ca lauo' camayi. Qalaxayi ñi Dios aÿim ÿapaxaguenec da sa ishit da huo'o ca samata'ac da nshipaxan, huo'otaq sa qaishiteguet.

Mateo 15:16

Nachi so Jesús 'enapeco': –¡Qachi nataq'eno' da qoñiita sa ishit da qauaÿajñi de'eda!

Marcos 7:14

So Jesús qaltaq iÿaxanoigui so shiÿaxauapi. Nachi 'enapega, 'eeta': –Aÿim qan'axaÿaxañiÿa qome 'enauac da qoñiita, qataq qauaÿajñiiteguet da shinapec, 'eeta':

Marcos 7:16

Qaq qami' mayi qauaÿajñi da qan'axaÿaxanaxaqui, no'on da qan'axaÿaxañiichiguiñi.