Marcos 6:6 - Nuevo Testamento Toba Sur

⁶ Nachi so Jesús ÿataqta i'aalac somayipi, cha'ayi sa ishit da da'amqajnataxan. Ime, nachi somayi jec da quetagui na pueblopiolec mayi sa qaÿapeque da dapaxaguenataxaatac.

Nuevo Testamento Toba Sombrero Negro

⁶ Chane'eja ñe'me Jesús jalcote da'me yoqoch'em queda'me gaa'me Nazaret laje' ja p'iida'a joñe'me, qama'le yec'atalo gaa'me noyaqolqa jo'ne ja qayapiye, qama'le dapaĝaguenataĝan.

La'aqtaqa Ñim Lo'onatac 'Enauacna 2013

⁶ cha'aye ỹataqta lta'araic da la'aalaxa da se'eso shiỹaxauapi saishet da ỹa'amaqten Somaye. –So Jesús jec da taỹalo naua saq qaỹapigui lma'ate na shiỹaxauapi dapaxaguenataxaateguec da no'on na'axaỹaxac.

Marcos 6:6 Referans Kwoze

Mateo 9:35

So Jesús coleetapigui 'enauac nam pueblopi qataq nam nañalo nam saq 'amaqtaq shiÿaxauapi da dapaxaguenataxaatapoigui ana laponaxaqui na judiopi, i'axattac dam no'on qad'axaÿaxac mayi naigui da ilo'ogue 'enauacna ñim Dios, qataq natadeetac 'enauac nam ÿotta'a't lalolaxa qataq da nqui'ic na shiÿaxauapi.

Mateo 8:10

Qaq co'ollaq hua'axaÿa de'eda so Jesús, nachi ÿataqta huo'o da l'aalaxa. Nachi 'enapega som nnaictague'pi, 'eeta': –Aÿim ÿataqta 'eesa de'eda shinapec da 'enauac na llalaqpi so Israel qaica ca selalec da ÿapacteec da lpi'iÿaxac da huo'otaq 'eeta'am de'eda shiÿaxaua.

Lucas 13:22

Nachi so Jesús co'ollaq tata'ague da Jerusalén, nachi taÿalec nam pueblopi qataq nam nañalo nam saq 'amaqtaq shiÿaxauapiolec, nachi dapaxaguenataxaatac.

Hechos 10:38

Qataq qami' qauaÿajñiita da 'eetec ñi Dios da ÿanem co'ollaxa so Jesús mayi Nazaret l'ec da l'añaxac so Espíritu Santo, qataq da 'eetec co'ollaq somayi queuotac nachi i'otec da ÿaÿamaqchiguiñi 'enauac na shiÿaxauapi mayi huetaigui da lque'ejnataxanaxac so shiÿaxaua lma'na. Qaq i'ot de'eda, cha'ayi ñi Dios hueta'aguet somayi.

Juan 9:30

Nachi se'eso shiÿaxaua 'enapeco': –¡Ÿataqta ÿoxosa'a de'eda! ¡Qachi qami' sa ishito' da qauaÿajñi ca chigaqa'ague somayi! ¡Qalaq somayi yi ishito' da ÿauo'oi naua i'ai'te!

Mateo 4:23

Nachi so Jesús coleetapeguelec 'enauac yi Galilea da dapaxaguenataxaatapoigui ana laponaxaquipi na judiopi yi'iyi 'alhua, i'axattac da no'on qad'axaÿaxac mayi i'axat da ñi Dios ilo'ogue 'enauacna, qataq natadeetac 'enauac na ÿotta'a't lalolaxaguesat na shiÿaxauapi.

Lucas 4:44

Nachi so Jesús jec da da'aqtaxaatapoigui 'enauac ana naponaxaquipi yi Galilea.

Lucas 4:31

Ime, nachi so Jesús nqo'ona yi Capernaum yim pueblo mayi huaigui yi 'alhua Galilea. Qaq co'ollaq huaña yimayi, nachi ÿapaxagueetac so shiÿaxauapi som na'a'q mayi mataxaqui.

Marcos 1:39

Nachi so Jesús coleetapeguelec yi 'alhua Galilea, dapaxaguenataxaatapoigui ana laponaxaqui na judiopi, qataq i'ottapeguec na l'ec leguemaxaicpi na shiÿaxauapi.

Marcos 10:1

So Jesús ca'ai yi Capernaum, nachi nqo'ona yi 'alhua l'enaxat Judea qataq yim 'alhua mayi pa'aigue da nala' lliguishiguem so tala Jordán. Huaña yimayi, nachi na shiÿaxauapi qaltaq laponeu'a ca hueta'a. Nachi somayi qaltaq dapaxaguenataxaatac, cha'ayi nachi n'onataxac.