Marcos 6:41 - Nuevo Testamento Toba Sur

⁴¹ Nachi so Jesús ÿacongueta soua cincole pan qataq soua dos nÿaxayi, nachi ÿamato'ot na piguem da nqouagaxaunot ñi Dios, nachi icolaxachiguilo soua pan qataq ÿanoiguilo soua lapaxaguenataqa, da yaqto' soomayi ÿanoiguilo so shiÿaxauapi. Nataq'en ÿanoiguilo 'enauac so shiÿaxauapi soua dosolqa nÿaxayi.

Nuevo Testamento Toba Sombrero Negro

⁴¹ Yem qama'le Jesús yaconalo gaa'me cincole paan, nataq'aen dojolqa gaa'me niya', qama'le yeloje'mec di'me piyem, yanem da'me lamaic ñe'me Dios, qama'le yecolaĝatapiyelo gaa'me paan qama'le yanema jogaa'me lapaĝaguenataqa qaedi yaneguelo ga'me jiyaĝadipi. Nataq'aen yecolaĝatapiyelo gaa'me dojolqa niya' qaedi qoyanouelo joga'me jiyaĝadipi.

La'aqtaqa Ñim Lo'onatac 'Enauacna 2013

⁴¹ Ime, nache So Jesús ỹaconalo soua cincole nauole qataq soua dos nỹaxaye, nache ỹamato'ot na piguem da ỹanot da na'achec Ñim Lo'onatac 'Enauacna. Ime, nache icolaxachiguilo soua nauole, nache ỹanoiguilo soua lapaxaguenataqa, da yaqto' soomaye ỹanoigui so shiỹaxauapi, qaq nache 'eetec nataqa'en soua dos nỹaxaye.

Marcos 6:41 Referans Kwoze

Mateo 14:19

Nachi 'enapega so shiÿaxauapi da nso'ooñi, nso'oolec na 'auaqpi dadala. Ime, nachi ÿaconalo soua cincole pan qataq soua dos nÿaxayi. Nachi ÿamato'ot na piguem, nachi ÿanot da n'achiquiaxac ñi Dios. Ime, qaq ncolaxajyiñi soua pan, nachi ÿanema soua lapaxaguenataqa. Qaq soomayi nachi ÿanoiguilo na shiÿaxauapi.

Marcos 7:34

Ime, nachi ÿamato'ot na piguem, nachi ñaxaayishigue'm naua l'a'chi, nachi 'enapego' somayi, 'eeta': –¡Efata! (Damayi naigui da 'eeta': ¡Nauatreec qome naua ntelalauaco!)

Lucas 24:30

Nachi co'ollaq mashi nso'oota'ai'salo soomayi da datatralec so nqui'axala', nachi somayi ÿacona aso pan da nqouagaxaueelec. Ime, nachi ÿanoiguilo soomayi.

Lucas 9:16

Nachi so Jesús ÿaconalo soua cincole pan qataq soua dos nÿaxayi. Ime, qaq ilo'ot na piguem, nachi nqouagaxaueelguete soomayi. Qaq co'ollaq ime da icolaxachiguilo, nachi ÿanema soua lapaxaguenataqa da yaqto' soomayi ÿanoiguilo so shiÿaxauapi.

1 Corintios 10:31

Qaq da huo'otaq qauqui'ii, huo'otaq qanÿomi, huo'otaq huo'o ca lÿa qau'ochi, qaq no'on da qai'añiitoigui qanqashiñi da 'enauac qaÿi'oxoden ñi Dios.

Juan 17:1

Qaq co'ollaq ime da 'enapec de'eda so Jesús, nachi ÿamato'ot na piguem, nachi 'enapeco': –'Am ita'a, mashi ivita yi ÿaloqo'. Nagui 'avi'oxoden qome na 'ai'alec, yaqto' na 'ai'alec nataq'en 'am ÿi'oxoden.

Juan 11:41

Nachi qanqateec so coma'. Nachi so Jesús ÿamato'ot na piguem, nachi 'enapeco': –'Am ita'a, 'am sanot da ñi'achiquiaxac, cha'ayi 'am aÿim 'au'axaÿa.

Marcos 14:22

Qaq co'ollaq ña deque'eta'pe soomayi, nachi so Jesús ÿacona aso pan, nachi ÿanot da n'achiquiaxac ñi Dios. Qaq co'ollaq imat da ncolaxajñi, nachi ÿanoiguilo soomayi. Nachi 'enapeco': –Qolliqui ana'ana, anamayi nachida da i'oquiaxac.

Colosenses 3:17

Qataq 'enauac nam qau'ochi huo'otaq cam qanasaqaiuec, qalaq qauachiitoigui da l'enaxat so qadataxala' Jesús. Qataq chigoqchigui qanqashiñi somayi da qai'añiitacot da qan'achiquiaxaqui ñi qadta'a Dios.

Romanos 14:6

Qaq cam ÿapagaqchin ca 'oonolec na'a'q, camayi i'ot, qalaxayi ÿi'oxoden so qadataxala'. Qataq cam sa ishit da i'ot, qalaxayi nataq'en camayi ÿi'oxoden so qadataxala', qaq nai'ctaxa da sa ishit da i'ot. Qaq cam ishit da 'enauac chic na nalliguesat, camayi deque'e, qalaxayi nachiso so qadataxala' ÿi'oxoden, cha'ayi camayi ÿaatacot da n'achic ñi Dios. Qaq cam ivita'a da huo'o ca chic naua nalli'c, camayi i'ot damayi, da yaqto' ÿi'oxoden so qadataxala', qaq camayi nataq'en ÿaatacot da n'achic ñi Dios.

Juan 6:23

Qalaxayi qaltaq huo'oi soua lÿa't barcos nvilyi', chigoqda'a yi la ciudad Tiberias, nvilda yim sa qaÿapeque yim huaña co'ollaq qanallic aso pan co'ollaq ime da ÿan da n'achic so qadataxala'.

Juan 6:11

Nachi so Jesús ÿaconalo soua pan. Qaq co'ollaq imat da ÿanot da n'achiquiaxac ñi Dios, nachi ÿanoiguilo soua lapaxaguenataqa. Qaq soomayi nachi ÿanoiguilo 'enauac nam nso'ootañi. Qaq nachi i'enaxatchigui naq'en soua nÿaxayi da ÿanoigui 'enauac somayipi, chochi ivitta'a da comadaxaicpi.

Mateo 26:26

Qaq co'ollaq ña deque'eta'pe, nachi so Jesús ÿacona aso pan. Qaq co'ollaq ime da icolaxachigui, nachi ÿanot da n'achiquiaxac ñi Dios. Ime, nachi ÿanoiguilo soua lapaxaguenataqa, nachi 'eeta': –Qolliqui ana'ana, anamayi nachida da i'oquiaxac.

Mateo 15:36

Nachi ÿaconalo soua siete pan qataq soua nÿaxayi, nachi ÿanot da n'achiquiaxac ñi Dios. Ime, nachi ncolaxajyiñi soua pan, nachi ÿanoiguilo soua nale't. Qaq soomayi nachi ÿanoiguilo so shiÿaxauapi.

Hechos 27:35

Qaq co'ollaq 'enapec de'eda so Pablo, nachi ÿacona aso pan, nachi ÿaatacot da n'achic ñi Dios, ÿauaachigui 'enauac somayipi. Ime, nachi ncolaxajñi aso pan, nachi deque'e.

Marcos 6:40

Nachi nso'ooñi somayipi, ÿaqauga yi huaña na cien qataq na cincuenta.

Marcos 6:42

Qaq 'enauac somayipi deque'e, qataq comadaxaicpi.

Marcos 8:19

Yi can ñicolaxajyiñi soua cincole pan da sequi'axan so cinco mil shiÿaxauapi, qaq ¿chaxan lcáte' soua canastas mayi nlaxatchiguilo so ñi'iÿoxot? Nachi soomayi 'ena'po': –Qomyi doce.