Marcos 6:34 - Nuevo Testamento Toba Sur

³⁴ Nachi so Jesús co'ollaq huenoteeguesop aso nnotaxaqui, nachi ilaigui so qalota shiÿaxauapi. Nachi ÿataqta huo'o da lchoxonnataxanaxa, cha'ayi 'eeta'am ana qagueta mayi qaica ca ilo'ogue. Nachi quetot da qalota na ÿapaxaguenec.

Nuevo Testamento Toba Sombrero Negro

³⁴ Mane'e ca'li yenoĝonegue ñe'me Jesús chiyaqañgui jaga'me licota, qama'le yelaue ga'me jiyaĝadipi, qama'le nomeguet da'me lichoĝodenataĝanaĝac joñe'me, qa'a ena'ama ga'me 'naĝanaĝatelpi jo'ne qaya'te nouatoqo't. Qama'le paja'a yitaĝa jalcote da'me dapaĝaguenataĝanec.

La'aqtaqa Ñim Lo'onatac 'Enauacna 2013

³⁴ Nache So Jesús co'ollaq huenoteeguesop aso nllocta, nache ilaigui so qalota shiỹaxauapi maye lapoota'a't, nache ỹataqta lta'araic da lchoxonnataxanaxa, cha'aye somayepi 'eeta'am aca qagueta maye qaica ca ilotague'. Nache quetot da qalota na ỹapaxaguenec lataxacpi.

Marcos 6:34 Referans Kwoze

Mateo 9:36

Qaq co'ollaq ila'a na shiÿaxauapi, nachi ÿataqta huo'o da lchoxonnataxanaxa. Cha'ayi namayipi ÿataqta daquico qataq qaica ca l'añaxac, 'eeta'am ana qagueta mayi qaica ca ilo'ogue.

Lucas 9:11

Qalaxayi so shiÿaxauapi co'ollaq l'axaÿaxac de'eda, nachi qaica'ateueegue somayi. Nachi so Jesús ÿaconguet 'enauac somayipi, nachi da'aqtaxaatapeguem da ñi Dios nachiñi ñi ilo'ogue 'enauacna, qataq nataden 'enauac na sa no'onpi.

Hebreos 4:15

Cha'ayi som qadtaxaÿaxanaxanec, somayi ÿataqta huo'o da lchoxonnataxanaxa da shinaqta souaxat da qaica ca qad'añaxac. Cha'ayi somayi co'ollaxa ÿataqta nque'etaxangui 'enauac na ÿotta'a't ñi'iguenataguec, 'eeta'am da shinaqta. Qalaxayi somayi sa ishit da huo'o ca lasouaxashit.

Mateo 14:14

Nachi co'ollaq huenoteeguesop aso barco so Jesús da le'ego, nachi chochi ilaigui so shiÿaxauapi ÿataqta qalota, nachi ÿataqta qalota da lchoxonnataxanaxa somayipi. Huaña, nachi nataden na sa no'onpi mayi qandotauo.

Hebreos 2:17

Qaq nachida da huo'o mshi somayi iuen da ÿataqta 'eeta'am qanqoÿin da lataxac na lqaÿañicpi, da yaqto' ishit da ivida'a da npe'et qataq choxonnataxanaxaic lataxala' na ntaxaÿaxanaxanecpi da qaitaxaÿapegue' ñi Dios, qataq da yaqto' ÿapalaxat da lasouaxashit na shiÿaxauapi, ÿachigoxotchigui da nañanguet da nalaataguec.

Mateo 15:32

Nachi so Jesús iÿaxanoiguilo soua lapaxaguenataqa. Nachi 'enapegalo, 'eeta': –Ÿataqta huo'o da ichoxonnataxanaxa ne'ena shiÿaxauapi, cha'ayi mashi ivi' naua tres na'axa'te da aÿim hueta'aguet, qataq namayipi yi qaica ca aloq. Qaq aÿim sa saÿamaxaden da huo'otaq samaq namayipi da huo'otaq saxanaxa da deque'e, cha'ayi sa iuena'a da huo'o ca decopchi na nqa'aic.

Marcos 6:33

Qalaxayi qalota co'ollaxa na ÿauaategue somayi co'ollaq jec qataq qaÿauatton so Jesús. Nachi hua'aua ca qotaÿa'a 'alhua 'enauac nam chigoqchiguiñalo naua puebloyi, nachi hua'auñi da ivi' co'ollaq saxanaxa da ivilyi' soomayi.

Marcos 6:35

Qaq co'ollaq mashi avit, nachi soua lapaxaguenataqa nquiguedeu'a somayi. Nachi qoÿiitega, qoÿiita': –Mashi avit, qataq ne'ena souaqta'a tojlec.

Marcos 8:1

Qaq se'esoua na'axa'te ÿataqta qalota na shiÿaxauapi na lapootapegueu'a so Jesús, nachi somayipi qaica ca chic. Nachi so Jesús iÿaxanoiguilo soua lapaxaguenataqa, nachi 'enapegalo, 'eeta':

Marcos 8:2

–Aÿim ÿataqta huo'o da ichoxonnataxanaxa ne'ena shiÿaxauapi. Cha'ayi mashi ivi' naua tres na'axa'te da aÿim hueta'aguet, qaq namayipi mashi qaica ca aloq.