Marcos 6:20 - Nuevo Testamento Toba Sur

²⁰ Cha'ayi so Herodes ÿaÿateeta da so Juan ÿataqta no'on da lataxac, qataq qui'itta, ÿoqo'oyi ñi'iÿalec. Qaq ÿoqo'oyi somayi sa ÿashinem asomayi da huo'o ca 'ena'ac so Juan. So Herodes, nai'ctaxa da qalligueme da ÿoqta ÿaÿateetegue ca l'aqtaxanaxac so Juan, qalaxayi nachi 'en'am nqopita da n'axaÿaxana.

Nuevo Testamento Toba Sombrero Negro

²⁰ qa'a Herodes t'oiyapega joñe'me, qa'a yayaten queda'me jiyaĝaua jo'ne chimaqachiñe nataq'aen ja 'nalegue, qama'le netela joñe'me. Mate mane'e nale Herodes domachiya joñe'me qama'le ja yayaten ga'me ya'uo, qalaĝaja 'uo da'me lamaic nale naquiaĝana joñe'me.

La'aqtaqa Ñim Lo'onatac 'Enauacna 2013

²⁰ Qaq so Herodes ỹataqta ñi'iỹa so Juan, ỹoqo'oye npaxattalec, cha'aye ỹaỹaten da so Juan ỹataqta no'on da lataxac, qataq qui'itta. Na'aictaxa so Herodes da saishet da ỹaỹaten ca 'eetec naxa da na'axaỹaxaatega da detaqtac somaye, qalaxaye saishet da saq na'axaỹaxana.

Marcos 6:20 Referans Kwoze

Mateo 21:26

Qaq da huo'otaq shinaqpec da chochi shiÿaxaua ca ÿamaxalec, qaq huo'o da qadcolanaxa na shiÿaxauapi. Cha'ayi 'enauac namayipi ÿataqta i'amaqten so Juan da l'aqtaxanaxanec ñi Dios.

Mateo 14:5

Nachi so Herodes huotaique da ÿalauat so Juan. Qalaxayi huo'o da lcolanaxa na shiÿaxauapi, cha'ayi namayipi 'eetega da so Juan ÿataqta 'eesa da l'aqtaxanaxanec ñi Dios.

Juan 5:35

So Juan, somayi 'eeta'am aca ncoÿadaxanaxaqui mayi 'ettaigui. Nachi qami' co'ollaxa ÿataqta qantoñiitapeguec de'eda lcoÿadaxanaxac, qalaxayi sa qaÿauec da qantonaxaqui.

Marcos 11:18

Nachi hua'aqchigui de'eda nam lataxala'pi na ntaxaÿaxanaxanecpi da qaitaxaÿapegue' ñi Dios qataq nam dapaxaguenataxaatapeguec na nqataxacpi. Nachi namayipi nmittaique ca lataxac da yaqto' ÿalauat somayi souaxat da ñi'itega, cha'ayi 'enauac na shiÿaxauapi ÿataqta huo'o da l'aalaxa somayi naua lapaxaguenataxanaxaco.

Marcos 4:16

Qataq huo'o na laÿi shiÿaxauapi mayi 'eeta'am aso nanguishi mayi tajlec so 'alhua mayi ÿalliigui na coma'. Namayi da hua'axaÿa da n'aqtac, nachi ÿaconguet, qataq huo'o da lamanaxanaxa.

Hechos 2:12

Qaq 'enauac somayipi ÿataqta huo'o da l'aalaxa qataq sa ÿaÿaten ca 'eetec ca lhuennataxa. Nachi maichi nnattega't, 'eeta': –¿Chaq huá'ague ca 'eetec ca lataxac 'enauac de'eda?

Hechos 5:24

Nachi co'ollaq hua'axaÿa de'eda som lta'a na ntaxaÿaxanaxanecpi qataq som lta'a nam ilotague' aso n'onaxanaxaqui, qataq som lataxala'pi na ntaxaÿaxanaxanecpi, nachi somayipi nnattega't da chaq 'eetec qome ca taÿa'a 'enauac de'eda.