Marcos 6:15 - Nuevo Testamento Toba Sur

¹⁵ Qataq huo'o na laÿipi 'eeta': –Souaxai' nachida da Elías mayi l'aqtaxanaxanec ñi Dios. Qataq huo'o na 'eeta': –Souaxai' Dios l'aqtaxanaxanecda, 'eeta'am som hua'au l'aqtaxanaxanecpi ñimayi.

Nuevo Testamento Toba Sombrero Negro

¹⁵ Laqaya' enapega't: “Naqaeñe ñe'me Elías jo'ne Dios 'laqataĝanaĝanec.” Nataq'aen jogaa'me laqaya' enapega't: “Mach'e 'naqataĝanaĝanec jo'ne ena'ama jogaa'me 'uaediñe Dios 'laqataĝanaĝanaqa.”

La'aqtaqa Ñim Lo'onatac 'Enauacna 2013

¹⁵ Qataq huo'o na 'eetega da Somaye, nacheso so na'aqtaxanaxanec maye le'enaxat Elías, qataq huo'o na 'eetega da nacheso so 'oonolec som hua'au na'aqtaxanaxanecpi.

Marcos 6:15 Referans Kwoze

Mateo 21:11

Nachi som shiÿaxauapi 'eeta': –Qomyi nachiso so Jesús mayi l'aqtaxanaxanec ñi Dios, som chigaqa'ague da Nazaret mayi huaigui yi 'alhua Galilea.

Marcos 8:28

Nachi soomayi 'ena'po': –Qomyi huo'o na 'eetega da nachi'am Juan mayi nachilaxanataxanaq, qataq huo'o na 'eetega da nachi'am Elías, qataq huo'o na 'eetega da 'auachigaqaigui som hua'au Dios l'aqtaxanaxanecpi.

Mateo 16:14

Nachi soomayi 'ena'po': –Qomyi huo'o na 'eetega da nachi'am Juan mayi nachilaxanataxanaq, qataq huo'o na 'am 'eetega Elías, qataq huo'o na 'am 'eetega Jeremías, huo'otaq ca lÿa l'aqtaxanaxanec ñi Dios so hua'aupi.

Juan 9:17

Nachi qaltaq qaÿi'iguelaxalec da qainattac se'eso shiÿaxaua mayi qanamaic co'ollaxa, qoÿiita': –Qaq 'am, ¿huá'ague ca 'eetec ca 'ad'aqtac som shiÿaxaua mayi ÿauo'oi naua 'ad'ai'te? Nachi somayi 'enapeco': –Qomyi aÿim shinapec da somayi l'aqtaxanaxanec ñi Dios.

Juan 7:40

Nachi huo'o na shiÿaxauapi na hua'aqchigui co'ollaxa de'eda, nachi 'eeta': –De'eda shiÿaxaua ÿoqta 'eesa da nachida da l'aqtaxanaxanec ñi Dios mayi qai'axatta'aguet co'ollaxa da naÿa'cna.

Juan 6:14

Nachi som shiÿaxauapi mayi ÿauaachigui de'eda n'anec mayi sa qaÿauanapega mayi i'ot so Jesús, nachi somayipi 'enapeco': –Ÿoqta 'eesa da nachida damayi dam l'aqtaxanaxanec ñi Dios mayi qai'axatta'aguet co'ollaxa da naÿa'a ana 'alhua.

Juan 1:25

Nachi somayipi inattac so Juan, 'eeta': –Qalaq ¿tá'ainco' qone' yi 'auachilaxanataxan, yi sa ishit da nachi'am que'eca nta'a nca'alaxaqui, qataq sa ishit da nachi'am Elías, huo'otaq que'eca n'aqtaxanaxanec mayi qoÿinac naÿa'cna?

Juan 1:21

Nachi qaltaq qaÿi'iguelaxalec da qainat, qoÿiita': –Qaq ¿chaq négue't 'am qone'? ¿Peta'a nachi'am Elías? Nachi so Juan 'enapeco': –Sa ishit da nachaÿim Elías. Nachi qaltaq qaÿi'iguelaxalec da qainat, qoÿiita': –Qaq ¿peta'a nachi'am que'eca n'aqtaxanaxanec mayi qai'axatta'aguet da naÿa'cna? Nachi somayi ÿasat, 'eeta': –'A'i, sa ishit da nachaÿim.

Lucas 9:19

Nachi soomayi 'ena'po': –Qomyi huo'o na ipettega da nachi'am nachilaxanataxanaq Juan, qataq huo'o na ipettega da nachi'am Elías, qataq huo'o na 'eetega da nachi'am ca 'oonolec som hua'au l'aqtaxanaxanecpi ñi Dios da huo'otaq nca'aleec.

Lucas 9:8

Qataq huo'o na 'eetega nachiso som l'aqtaxanaxanec ñi Dios l'enaxat Elías da qaltaq nachaxan, qataq huo'o na 'eetega souaxai' nachiso som hua'au l'aqtaxanaxanecpi ñi Dios da huo'o ca 'oonolec da qaltaq nca'aleec.

Lucas 7:39

Qaq co'ollaq ÿauaachigui de'eda so fariseo mayi ÿayina'a da lqui'axaua so Jesús, nachi deuennataxaatac, 'eeta': “Ñi'iñi shiÿaxaua da ÿoqta 'eesa da l'aqtaxanaxanec ñi Dios, qaq ishíttaxa da ÿauatton añim 'alo mayi ipottau'alo naua lchil da añimayi quishiguetaxai.”

Lucas 7:16

Qaq co'ollaq qaÿauaachigui de'eda, nachi 'enauac so shiÿaxauapi ÿataqta huo'o da lcolanaxa. Nachi ÿi'oxodeetac ñi Dios, 'eeta': –Huo'o so 'amaqtaqaic l'aqtaxanaxanec ñi Dios qomi' chigoqchiguinguilo. Nataq'en qoÿiita' da n'aqtac: –Ñi Dios anac da itauan nam lalamaxatpi.

Lucas 1:17

Qaq que'eca Juan, camayi hua'auta'ague qome da tata'ague ñi qadataxala'. Qaq ÿaatañi qome da lqui'iÿaxac qataq da l'añaxac so Dios l'aqtaxanaxanec l'enaxat Elías, da yaqto' ÿi'iguelaxateguet ca nta'a ca llalec da yaqto' saqca ca da, qataq yaqto' nam sa ishit da ÿalaq ishit da ÿaÿaten da ÿalaq. Qaq ÿaqataxanai' qome na shiÿaxauapi, da yaqto' lhuotta da ÿaconguet ca qadataxala'.

Marcos 6:16

Qaq so Herodes co'ollaq l'axaÿaxac de'eda, nachi 'enapeco': –Damayi nachida da Juan mayi samaxasoxoolec co'ollaxa da qaipeteguec na lqaic, da mayi qaltaq nca'aleec.